Конспект ингушского языка на тему: "Дожараш"

  Тема: Дожараш.

Урока лоарх1ам: дешархошта ц1ердешаш дожарашца хувцдалар юххьанцара кхетам балар, чакхеншца новкъосталца керда дешаш хьадеш упражненеш яр,деша оттамах берий кхетам лакхбар;орфографически зем кхебар, керда дешаш довзийтар, дийнаташца къахьетаме хила хьехар,г1алг1ай метта урокашта безам т1абахийтар.

Урока кхоачам:таблица, оалхазарий сурташ, карточкаш т1адулларашца, ребусаш,» Маьлха з1анараш» яхача ловзара кхоачам.

Урок д1аяхьар

1.Урока теркам т1абахийтар.

Гургал техар, шо 1оховш,

Керда тема йовза ловш.

Нийса даг1а, дика ладувг1а,

Т1аккха кхетам шун лакхлургба.

Ц1аг1ара болх тахкар.

- Малаг1а упражнени йир оаш ц1аг1а?

- Малаг1а т1адуллар дар цу упражнени?

-1одеша «з1анарах» оашош яздаь дешаш?

-Мишта язъяьй оаш дешхьалхенаш: цхьана е къаьста?Сенах оал дешхьалхе?

Хьаювца бокъо.

Урока тема йовзийтар.

-Тахан цхьаькха а деша дакъа чакхе йовзаргья шоана,шо 1омалургда из дакъа т1а а тохаш, дешаш хувца.

Ц1енъяздара минот.

-Д1аязде таханара таьрахь, классе.

-Улга т1ара дешаш 1о а дийше ,алал малаг1а дош да юкъе сов дар?

Хаттар,хоарсам,харцо,хьазилг.

-Малаг1а оаз я цу деша хьалха шоана хозар?

-Мишта я из оаз?

-Д1аязде муг1 бизза алап укх арг1аг1а:

Хь хь хьхь

-Фу оалхазар да хьазилг?

-Мишта хила деза вай 1алама новкъосташца?

-Х1анз муг1 бизза из дош д1аяздергда оаш, х1аьта г1алат дергдоацаш дагалоаттаделаш лг яха оазаш к1аьда хозе а к1аьда х1арак яздац.

-Оттаел цу дешаца предложени.

-Кертера маьженаш белгалъе

Дешай диктант

-Х1анз вай дешай диктант яздергда.Дешаш дешхьалхенаш т1а а етташ хьадергда вай.

-Мишта оал г1алг1ай метта к1ира диълаг1ча денах?

-Д1аязде дешаш ера яхача овла дешхьалхенаш т1а а етташ:т1а,д1а,чу,1о,юха,хьа,ара,юхе.

-Мишта язъйир оаш дешхьалхенаш? Малаг1а оаз я хьа ца хозаш цу дешашка?

-Х1аьта а А яха алап язде деза.

Кердача тема т1ара болх.

1 Кердача темах кхетам балар.

Доска т1а: з1ок-з1окилг

Га –галг

Ц1а-ц1алг

-Малаг1а башхо я укх дешай?

-Зийрий оаш илг,лг т1акхетарца дешаш хьахинналга?

-Мишта хувцаделар дешай ма1ан?

-Х1амай з1амигал хойташ т1акхийттар суффикс яха дакъилг.Суффикс овла т1ехьа латташ хул массаза а.Суффикс т1акхетарца керда дешаш хьахул.

2.Книжкацара болх.

-Хьаелла оаг1ув дезткъа шоллаг1а,Хьажал ткъаь пхелаг1ча параграфага,1оешал урока тема. Шоай дагахьа 1оешал дезткъа кхоалаг1ча оаг1он т1ара бокъо.

Цул т1ехьаг1а цхьан дешархочо 1оеш бокъо,

-Вай урока тема ч1оаг1ъеш б1аь дезткъа цхьоалаг1а упражнени ергья вай.

-1одеша т1адуллар.Малаг1а ба дешай овла,суффикс,чакхе?Хьат1аязде.

-1оховша нийса,тетрадь гоамо 1одилла,букъ нийса халийта,корта мара 1о ца бохийташ. Д1адолале болх бе.

Сало1ара минот.

Школера воаг1аш волча Вахас

Халла елле ни1,

Хов нанена: воаг1аш ва из

Тахан яьккха «шиъ»

Когаш лаг1аш т1а 1обетташ,

Майрра тохе ни1,

Шек яц нани:Ваха воаг1а

Тахан яьккха «пхиъ»!

Керда тема ч1оаг1ъяр.

1 Книжкацара болх

-Шо х1анз пхиаш яха езаш да упражнени б1аьи дезткъа тшоллаг1а нийсса хьа а яь.

-1одеша т1адуллар. Фу де деза ер упр-ни хьаяъеш?

Бераша улга т1а д1аязду дешаш:истолг,корилг,пенилг,классилг,ломилг,цогалг,цогилг,пхьагалг,г1алг,сайлг,лоалг,кхийлг.

2. Керда дош довзийтар.

-Укх оаг1он т1а сийнача бесача белгал а даь керда дош да д1аязъдаь. 1одеша из.(хьайра)

Фуй из хьайра?

-Малаг1а оаз я цу деша йовш яр?

-Суффикс т1а а техе из з1амига хургйолаш хувцал из дош?

-Мишта оал хьайра болхлочох?

3.Ребусаш яшхар.

Яшхал ребус,дешай таржам деш.

Лес люди- о

Работа -ло

-Хо,ло яхача суффиксаша х1амай з1амигал гойтац.

4. Ловзар «Маьлха з1анараш»

Урока корта бар.

-Сенах лаьца яр вай урока тема?

Ц1аг1а бе болх балар.

Бокъо 1омае,упражнени 184,оаг1ув 83.З1амига сочинени язъе «Тха дезал яхаш»