Конспект интегрированного урока "Ментальная математика"

Тақырыбы:   Ментальды математика

Мақсаты:

Білімділік: тура-кері санау,  көп-аз, үлкен-кіші ұғымдарын салыстыру,  геометриялық фигураларды ажырату дағдыларын меңгерту, жаттықтыру. Тәулік  бөліктерінің,  жыл мезгілдерінің ретін  анықтай білу. Көп заттарды таңбаларды қолдана отырып, салыстыру. Логикалық ойлай білу.

Дамытушылық: ойлау, есте сақтау қабілеттерін, ауызша есептеу дағдыларын, ойын арқылы танымдық қабілеттерін, логикалық ой-өрісін дамыту.

Тәрбиелік: ептілікке, жылдамдылыққа, ұғымталдыққа, ұйымшылдыққа тәрбиелеу.

Күтілетін нәтиже:

Білім: Заттың берілген саны мен жиынтығын сәйкестендіріп, салыстыра  білу. Тура және кері санау. Тәулік  бөліктерінің,  жыл мезгілдерінің,апта күндерінін  ретін білу. Көп заттарды таңбаларды қолдана отырып, салыстыра білу. Логикалық тапсырмаларды шеше білу.

Икемділік:  сандарды жазу, есеп шығару, құрастыру, ойлау.

Дағды: берілген тапсырманы орындап, жеткізу, өз-өзін бақылау, бағалау

Сабақтың түрі:   Аралас сабақ

Сабақтың әдіс-тәсілдері: тәжірибелік, ізденушілік, көрнекілік, сұрақ-жауап.

Материалдық құралдар: Әдістемелік кітаптар, ғаламтор желісі

Құрал-жабдықтар, көрнекі құралдар:  интерактивті тақта,  флипчарт, ноутбук, карточкалар

Пәнаралық байланыс: Математика, логика, ағылшын тілі.

Сабақ барысы:

Ұйымдастырылушылық-мотивациялық кезең:

 Педагогтың кіріспе сөзі:

Ø  Балалар, бүгінгі күнге қараңдаршы, аспан ашық, күн жылы, көңіл күйіміз көтеріңкі, тамаша! Мен сендерге бүгінгі күнге жақсы көңіл – күй сыйлаймын. Барлығыңа бүгінгі сабақта сәттілік тілеймін!

Психологиялық дайындық.

Біз қандаймыз, қандаймыз,

Шұғылалы таңдаймыз!

Күлімдеген күндейміз,

Ренжуді біз білмейміз.

Қуанамын мен де,

Қуанасың сен де,

Қуанайық достарым,

Бүгінгі ерекше күнге!

Ағылшын тілінде салемдесу:

Hello, hello!

Hello, how are you?

Hello, hello,

I’m fine thank you?

Ø Ұйымдастырушы-ізденушілік:

 Ал,енді балалар бүгінгі тамаша күнімізді  бастайық. Ол үшін сендер бірнеше тапсырмаларды орындауларың керек.

Олай болса мына сиқырлы сандарға назар аударайық. Бұл сандардың астында не бар екенін білу үшін, сендер бір санды таңдап аласыңдар. Сол санға байланысты сұраққа жауап бересіңдер. Тапсырма түсінікті ме? Ендеше интерактивті тақтаға назар аударайық! Кәне, кім бастайды?

1, 2, 3, 4, 5, 6, 7. 

Ø Сұрақ – жауап,   әдістері арқылы төмендегі сұрақтарға жауап алынады.

1.     Қазақстан Республикасының бас қаласы?  ( Астана)

2.     Құрлықтағы ең ірі жануар?                           (Піл)

3.     Шашты немен тарайды?                               (Тарақ)

4.     « Январь» сөзінің аудармасы                      ( Қантар)

5.      Жыл мезгілі                                                  (Қыс)

6.     Қазақстан Республикасының президенті   (Нұрсұлтан Назарбаев)

7.     Қазақ халқының ұлттық аспабы                  (Домбыра)

Жарайсындар ,балалар!

Жаңа сабақты пысықтау.

Апта деген  атаның  неше ұлы болыпты?  (Балалар аптаның жеті күнін атайды). Шауып келе жатқан аттарыдың дыбысы. Тақтада аптаның  жеті  баласының суреті шығады.

 Оның жеті ұлы бар екен. Сол ұлдары бізге бүгін қонаққа келіпті.

Бірінші ұлы – «Думанды дүйсенбі». Ол сендерге тапсырма бермекші.

1-тапсырма:  Реті бойынша жыл мезгілдерін нөмірле:( интерактивті тақтамен жұмыс)

Ø Тәулік  бөліктерін ретімен белгіле   (дөңгелектердің ішіне санмен көрсетіп жаз)

Ø Апта күндерін ретімен нөмірле.

Жақсы, тапсырманы орындадыңдар. Сендерге Дүйсенбі риза болды. Ал

екінші ұлы  Сейсенбіні қарсы алайық.   Ол қандай тапсырмамен келгенін көрейік.

 2-тапсырма. Салыстыру. Белгілерін қой    >,  <,  =

Ø Түсіп қалған сандарды жаз.

             

 Өте жақсы. Енді сейсенбі де сендер жайлы біледі.

Сергіту сәті: Ағылшын тілінде

 Балалар,үшінші ұлы – «Сәтті сәрсенбі» келіп қалыпты. Ол бізге не әкелді екен?

3-тапсырма  Ойлайық та, ойнайық       

Ø Ең көп затты қорша

Ø Сыңарын тап: «пиджак – шалбар»

 

Келесі төртінші қонақ – «бейсенбі».  Ойлан, қай пішін жетіспейді.

Ø Құрастыр, жалғасын тап.

Бәрекелді! Аптаның қасиетті күні – Жұмада бізде қонақта.

5-тапсырма. Нүктелердің орнына дейінгі және кейінгі сандарды жаз.

(Карточкалармен жұмыс)

….5….                   ….6….              …7….
Ø Қандай екі кіші саннан  6,  8  және  9 сандарын алуға болады    9   8     6

 Жақсы, сендерге Жұма риза . Жұманың берген тапсырмасын орындадыңдар.

 Сенбі мен Жексенбінің дайындаған тапсырмасын орындайық!

6- тапсырма. Есепті құрастыр.

7-тапсырма:  Қисынды ,көңілді есептер.

1.Алаңқайда 8 қоян ойнап жүр. Олардың төртеуі ініне кіріп кетті.

    Алаңқайда неше қоян қалды?(4)

2.Әуежайда 10 ұшақ тұр. Олардың бесеуі ұшып кетті.

   Әуежайда неше ұшақ қалды( 5)

3. Гүлнәрдің туған күніне 4 қыз бала, 5 ұл бала келді.

    Гүлнәрдің туған күнінде неше бала болды? 9

4. Далада 6- ты бала серуендеп жүрген, 3 баланы аналары шақырып алды. Қанша    бала далада серуендеп жүр?  

1.Пісіп тұрған  төрт алмұрт

Қызығатын көрген жұрт.

Екі алмұртты бұтақтан

Алып жеді Мұратхан.

Қанша қалды алмұрттан?

2. Төменде 3 қаз ұшады,

3-еуі бұлтты құшады.

Өзеннен көрдік екеуін.

Айтқын, қаз нешеу екенін? «8»

3.Беспайда бар бес іні.

Естайда бар екі іні

Қоссақ беспен екіні,

Қанша болар нешеуі?  «7»

Рефлексия.   Тамашы, балалар! Өте жақсы. Барлық тапсырманы жақсы орындадыңдар. Ендеше барлығымыз интерактивті тақтаға  қарайықшы. Нені көріп тұрсыңдар?

-Алмалар,кәрзеңкелер. Алмалар ( қызыл, сары, жасыл)

-Тамаша.

Ендеше , осы алмалармен өз-өзімізді бағалап көрейік.Өте жақсы қатыстым деген балалар қызыл алманы 1-ші кәрзеңкеге саламыз,жақсы 2-ші, 3-ші әлі де болса жұмыс жасауым керек.

.

          «Екібастұз қаласы әкімдігінің білім бөлімі» ММ

ГУ «Отдел образования акимата города Экибастуза»

    «Қайнар» білім беру және бос уақытты қамту кешені» ҚМКК

КГКП «Образовательно – досуговый комплекс «Кайнар»

 «Қайнар» ББК әдістемелік кеңесінің отырысында қарастырылды

 Рассмотрен на заседании методического совета ОДК «Кайнар»

Хаттама/Протокол №_____, «____» ______  ______ж/г

Балбұлақ интелектуалды шығармашылық дамыту студиясы

Ашық сабақ

Тақырыбы: « Ментальды математика»

Өткізген қосымша білім беру педагогы:

 Мухтарова Р.З.

Екібастұз қаласы, 2016ж.