Өткізілген
күні: 12.02.2015ж.
Тақырыбы: "Біз
бақытты баламыз"
Мақсаты:балалардың
логопед сабағына қызығушылығын
арттыру, сөйлеу тілін дамыту, артикуляциялық жаттығуларды дұрыс орындап, қағаз
бен қайшыны ұстап, дұрыс қиюға, тыныс алу жаттығуларын дұрыс орындап, тыныс алу
ережелерін есте сақтауды қалыптастыру, ой-өрісін және танымдық қабілеттерін
дамыту, шығармашылыққа баулу, өз ойын еркін жеткізе білу және өткенді шапшаң
еске түсіру дағдыларын қалыптастыру. Ұлттық мәдениет құндылықтарын
бойларына сіңіре отырып, тұлғалардың тапқырлығын, шеберлігін, танымдық
қабілеттерін айқындау. Жаңылтпашты жаңылмай айтуға қалыптастыру. Ата-анамен
тығыз байланыс орната отырып, ақылын тыңдай білуге, өз ойын айта отырып,
суретпен салып көрсете білуге қалыптастыру. Ойлау қабілеттерін дамыта отырып,
сөйлеу шеберлігін жетілдіру, белсенділігін арттыру. Жарысуға, жарыста жеңімпаз
болуға ұмтылдыру. Көшбасшылық қабілетін ояту, білімді, дарынды, озық болуға,
алған білімдерін қолдана білуге тәрбиелеу.
Керекті құралдар: тапсырмалар бойынша слайдтар, суреттер,карточкалар, әуенді
музыкалар, айналар, қайшы, ақ қағаздар.
Ашық
шараның жүру барысы:
Жүргізуші:
- Сәлеметсіздер ме құрметті сайыс қонақтары, ата-аналар,балалар. Бүгінгі
логопедиялық «Біз бақытты баламыз» сайысына қош келдіңіздер.«Әке-асқар тау,
Ана-етегіндегі бұлақ, бала-жағасындағы құрақ»- дегендей бүгін ортаңғы топтар
арасындағы білім додасын бастауға рұқсат етіңіздер. Балалармен бірге
ата-аналар да сайысқа белсене қатысып, қошеметтеріңізді аямаңыздар!
Ұлы педагог В.И.Сухомлинский: «Ойынсыз, музыкасыз, ертегісіз,
творчествосыз, фантазиясыз толық мәніндегі ақыл-ой тәрбиесі болмайды», - деп
айтып кеткен болатын . Міне, сол себепті бүгінгі сайысымыздың өскелең ұрпаққа
тигізер пайдасы орасан зор екенін атай өтіп, алдымен ойынға қатысатын топтарды
ортаға шақырамыз:
(Ойынға қатысатын топтарды таныстыру)
Сайысымыздың
қатысатын топтармен таныс болайық.
Күншуақ
Байтерек
Өркен
Енді осы
ойынымызға төрелік ететін әділ қазылар алқасымен танысайық: (әділ қазылар
алқасын таныстыру)
Жүргізуші:
Адам меңгермейтін білім бар ма?
Жойқын күшті тындырар күшің барда.
Оқы, үйрен, жас ұрпақ, бәрін меңгер
Алға қойған мақсатың, ісің барда! – деп сайысымызды бастаймыз.
Бүгінгі сайысымыз 3
бөлімнен тұрады:
І бөлім «Кішкентай қызыл тіл»
ІІ бөлім «Суреттерді құрастыр!»
ІІІ бөлім «Ойлан, тап!»
Әр бөлімнің шартымен ойын барысында таныстырып
отырамын.
І бөлім: «Кішкентай қызыл тіл» Тіл
жаттығуларынан сайыс. Балаларға суреттер көрсетіледі, берілген суретті
атап, сәйкесінше тілге арналған жаттығуды тез, дұрыс орындайды, орындай алмаса,
келесі топтың мүмкіндігі бар.
Бағаланады:
суретті бірінші атап, бірінші дұрыс орындаған және жаттығуды қатесіз орындаған топқа
жоғары балл беріледі. жоғары балл-5 ұпай.
1. Піл. 2. Кесе.
3. Сағат тілі. 4. Әткеншек. 5. Күркетауық. 6. Ат шауып келеді.
Әділ қазы мүшесі баға қояды.
ІІ бөлім: "Суреттерді
құрастыр" (Ата-аналармен бірігіп орындалатын жұмыс)
Әр топқа кесілген
суреттер беріледі, соларды дұрыс, тез құрастырған топ жоғары бағаланады.
Жоғары
ұпай - 5 балл
Әділ қазы мүшесі баға қояды.
ІІI бөлім: «Ойлан,
тап!» (Мнемокестелер құрастыру) (Ата-анамен бірігіп орындалатын жұмыс)
Әр топқа 1 суреттен беріледі. сол суретке
мнемокесте құрастыру керек. берілген суреттегі затты сипаттау. (Бұл ненің
суреті, түсі қандай, дәмі қандай, ұстап көргенде қалай сезіледі т.б.)
Әділ қазы мүшесі баға қояды.
Оставьте свой комментарий
Авторизуйтесь, чтобы задавать вопросы.