Конспект на тему "Стужка часу"

Тэма: Стужка часу.
Мэта: - фарміраванне ў вучняў першапачатковых уяўленняў аб гістарычным часе;
- азнакамленне вучняў са стужкай часу і правілам лічэння гадоў у гісторыі;      - прывіванне цікавасці да вывучэння гісторыі.
Тып урока: камбінаваны.
Абсталяванне: прэзентацыя, алоўкі для рэфлексіі.

Ход урока

1.Арганізацыйны момант.
- Добры дзень, дзеці.
- Вы разумныя і кемлівыя. Спадзяюся, што вы будзеце добра працаваць на ўроку, адзін аднаму дапамагаць. Вазьміцеся за ручкі, адчуйце цяпло адзін аднаго, усміхніцеся, Сядайце, калі ласка.

- Дзеці, якім вы хацелі б бачыць наш урок? (Цікавым, павучальным).

- Я ўпэўнена, што гэта ў нас атрымаецца.

2.Праверка дамашняга задання. Актуалізацыя ведаў.

— Над якой тэмай вы працавалі дома? Ці ўсё зразумела? Якія пытанні выклікалі цяжкасці? ( Тэма: Наша Радзіма на гістарычнай карце.)

— Для чаго патрэбна гістарычная карта? (адказы вучняў)

— Гістарычная карта патрэбна, каб уявіць тэрыторыю, на якой жылі нашы продкі, і дзе адбываліся гістарычныя падзеі.

— Якія правіла трэба ведаць, каб “прачытаць” гістарычную карту? ( Трэба ведаць назву карты, умоўныя абазначэнні.)

- Зараз давайце паспрабуем пераказаць параграф, які вы чыталі і вучылі дома. (вызываю 2-3 вучні)
- Малайцы! Вы добра падрыхтавалі дамашняе заданне.

3.Практычная работа.
- Цяпер вам неабходна будзе выканаць 2 заданні .

1. Прачытаць гістарычную карту ў атласе.

2. Адзначыць на контурнай карце месца жыхарства.
- На выкананне гэтага задання ў вас будзе 5 хвілін, можаце прыступаць.
- Добра, з заданнямі вы справіліся, цяпер можам рухацца далей.

4.Паведамленне тэмы ўрока. Уступная гутарка.

— Пры вывучэнні гістарычных падзей і мінулага нашай Радзімы, да і ўсяго свету, не дастаткова володаць уменнем чытаць гістарычныя карты. Калі вас спытаюць пра пэўную гістарычную падзею, трэба будзе адзначыць дату і стагоддзе, калі яна адбылася. Ну, дата – гэта зразумела. А ці ведаеце вы што такое стагодзе? (адказы вучняў)

— Стагоддзе – гэта сто гадоў.

— Добра. А якія яшчэ адзінкі вымярэння часу, якія ўжываюцца ў гісторыі, вы ведаеце? (адказы вучняў)

— Год, дзесяцігоддзе, стагоддзе, тысячагоддзе.

— Год за годам, стагоддзе за стагоддзем існаванне нашага свету складаецца ў стужку часу, у якой кожная дата, кожная падзея мае сваё пэўнае месца. Сёння на ўроку мы з вамі даведаемся, што ж такое стужка часу? Якім чынам размяшчаюцца на ёй падзеі? Навучымся знаходзіць і самастойна пазначаць той ці іншы час.

5.Работа з падручнікам.

— У гісторыі часта сустракаецца паняцце эра. Як вы лічыце, што гэта значыць? (Меркаванні вучняў.)

-Каб болей дакладней адказаць на гэтае пытанне, я прапаную звярнуцца да падручніка. Адкрыйце падручнікі на старонцы 23 — 24. (тэкст чытаюць вучні па чарзе)

(Каменціраваннае чытанне тэксту параграфа. Для вызначэння осноўных паняццяў выкарыстоўваецца слоўнік на старонке 153 падручніка. Асноўныя гістарычныя даты старонка 155 – 156.)

— Пазнаёміўшыся з асноўнымі гістарычнымі паняццямі і датамі, можам  непасрэдна перайсці да стужкі часу.

6.Практычная работа.

Работа вучняў каля дошкі і ў сшытках.

— Як будзе выглядаць наша стужка часу? На якія дзве вялікія часткі яна падзяляецца? (адказы вучняў)

— Прамая лінія. Падяляецца на нашу эру і да нашай эры.

— Падзяліце, адзначце зыходную кропку. Такім чынам, зправа будуць размяшчацца падзеі…? А злева…? ( Нашай эры. Да нашай эры.)

— Пералік часу нашай эры, вядзецца злева направа па ўзрастанні. Час да нашай эры – ў зваротным напрамку. Вось у нас і атрымалася сваеасаблівая стужка часу. Зараз давайце паспрабуем адзначыць на ёй асноўныя гістарычныя падзеі, аб якіх мы даведаемся на старонках 155 – 156.

— Ці ўсё ўсім зразумела, як карыстацца стужкай часу? Калі не, пытайцеся.

7. Замацаванне вывучанага матэрыялу.

— Што такое стужка часу? (адказы вучняў)

- Стужка часу- гэта гістарычныя падзеі, якія размяшчаюцца ў адпаведным парадку.

— Калі пачалася наша эра? Колькі часу яна існуе? З якой падзеяй гэта звязана? (адказы вучняў)

— Наша эра існуе ўжо два тысячагоддзі. Яе пачатак звязан з нараджэннем Ісуса Хрыста.

— Дата якой падзеі з’яўляецца першай дакладна вядомай у гісторыі нашай краіны? З чым яна звязана? (862 год, упершыню на старонках рукапісных кніг называецца старажытны горад Полацк.)

- Зараз праверым, як добра вы засвоелі новы матэрыял.  (Кожнаму вучню раздадзена картка з заданнем)

1. Злучы стрэлкай поўныя назвы з іх скарочаным абазначэннем.
Год                                                   ст.
стагоддзе                                       тыс. г.
Тысячагоддзе                                     г.

2. Адзнач знакам «+» правільны адказ.
Ісус Хрыстос — гэта:

А) вучоны´    б) дзяржаўны дзеяч´     в) сын Божы´

3. Пранумаруй назвы па ўзрастаючай ступені.

Тысячагоддзе´                  эра´                 стагоддзе´               год

-Давайце цяпер праверым, як вы выканалі гэтыя заданні. Для гэтага аддайце сваю картку суседу па парце, каб ён праверыў вашу работу. Зараз я вам буду чытаць правільныя адказы, а вы сачыце ўважліва, каб не памыліцца пры праверцы.

- Малайцы, вы добра выканалі заданні. Спадзяюся, што гэтую тэму вы добра засвоелі.

  8.Дамашняе заданне.

— Дома вы павінны будзеце намаляваць стужку часу і абазначыць на ёй: гады нараджэння сваіх бацькоў, бабуль, дзядуль; год свайго нараджэння; год, калі вы пайшлі ў школу; год, у якім мы жывем; год, у якім вы скончыце школу.

9. Вынік урока. Рэфлексія

- Мне спадабалась, як вы сёння працавалі на ўроку. Вы былі актыўнымі і паслухмянымі вучнямі. Малайцы!

- Давайце зараз праверым, як вы ацэньваеце сваю працу сёння на уроку.  

- У кожнага з вас ёсць тры алоўкі, чырвоны, зялёны, жоўты. Чырвоны аловак- вам на урока было вельмі складана і не цікава, жоўты- на ўрока вы работалі добра, але былі нейкія цяжкасці, зялёны аловак- вам усё было зразумела і цікава, не было ніякіх цяжкасцей.

- Падніміце, калі ласка, тый аловак , які ахаратарызуе вашу працу.

( Пасля таго, як вучні падымуць алоўкі зраблю вывад, а таксама задам ім некалькі пытанняў. – Чым табе спадабаўся ўрок?
- Што новага ты сёння даведаўся?
- З якімі цяжкасцямі на ўроку ты сустрэўся?)

-Дзякуй вам за работу! На гэтым наш урок завершаны.

- Да пабачэння!