Конспект на тему"жануарлар әлеміне саяхат"

          № 1 «Шұғыла» жеке меншік балабақшасы

 

Бал бала тобына арналған ұйымдастырылған оқу іс-әрекетінің технологиялық картасы

Күні:  

Білім беру саласы:

Ұйымдастырылған оқу іс-әрекеті: Қоршаған ортамен таныстыру»

Тақырыбы: « Жануарлар әлеміне саяхат»

Мақсаты:

Ø балалардың сөйлеу белсенділігін арттыру;

Ø ойын – тапсырма арқылы балалардың сөздік қорын байыту;

Ø балалардың жабайы аңдар туралы білімін бекіту;

Ø жануарларды, аңдарды қорғап, қамқорлық жасауға тәрбиелеу;

Ø жұмбақтар шешу арқылы, қиялдау қабілетін арттыру;

Қолданылатын көрнекі құралдар: жануарлар бейнеленген суреттер, таратпа материалдар, бейнефильм,  ғажайып сандық.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық-қозғаушы	І-бөлім «Шаттық шеңбері», Аспанға, күнге қарайық, Шашымызды тарайық. Қолынан ұстап достардың, Бір-бірімізге қарайық Сәлем, досым, қалайсың?! Сәлемімді алғайсың. Балалар, бүгін біздің тіл дамыту оқу іс-әрекетіміз ерекше болады. Өйткені ол ойын түрінде өтеді. «Сұрақ-жауап»: Ø Қазір жылдың қай мезгілі? Ø Қыс мезгілінде ауа райында қандай өзгерістер болады? Ø Қыс мезгілінде қандай мерекелер бар? Балалар, сендер мына сұрақтарға жауап беріңдерші. Ø Жануарлар неше топқа бөлінеді? Ø Олар қалай аталады? Ø Жануарлар қайда мекендейді? (орманда) Ø Орманда мекендейтін қандай жануарларды білеміз көрейік.    Балалар бүгінгі оқу іс әрекетіміз ерекше өтпек олай дейтін себебім жануарлар әлеміне саяхатқа барамыз.Жануарлар тірі табиғаттын негізгі бөлігі.Жануарлар екіге бөлінеді.Үй жануарлары және жабайы жануарлар.Жануарлардың табиғаттагы тіршілігі ерекше әрі қызықты олардың адам үшін пайдасы өте зор.Жылқы,түйе,сиыр,қой,ешкі, Мысық,тауық  адамның үйінің маңында тіршілік етеді.Сол үшін үй жануарлары деп атайды. Жабайы аңдар табиғи жағдайда өз бетімен тамақ тауып,тіршілік ететін жануарлар.Жабайы жануарлардың түрлері өте көп (Суреттер арқылы түсіндіру, слайд көрсету ) Балалар олай болса саяхатқа шыққымыз келеді ме?  Біз бүгін зообаққа саяхатқа барамыз. Балалалар ол жер алыс сондықтан радиодан бүгінгі күннің ауа райын тыңдап алайық. Тамаша олай болса кеттік. Саяхат жалғасып келеді. (Адасып орман ішіне кіріп кетеміз) Алдымыздан түлкі кезігеді. Түлкінің тапсырмалары;«ғажайып сандықшаның» ішіндегі тапсырмаларды орындауға дайынсыңдар ма? Сыр сандық Кілтіңді алайық Құлпыңа салайық Қақпаңды ашшы Құпияңды шашшы. Сандықтың қақпағы ашылып, ішінен жасырылған жұмбақтарды балалар шешеді. Жұмбақтар: 1.     Көлеңкесінен қорқып безектейді,      Ал, оның      баласын       көжектейді.     (қоян) 2.     Өзі бір қу Жүрген жері айқай да шу. (түлкі) 3.     Жазда қыдырады Қыста тынығады. (аю) 4.     Аузы бейне орақ шалғы Шөп емес, Бірақ малды орады. (қасқыр) Ой, жарайсыңдар, балалар. Қандай ақылдысыңдар.   Ал енді балалар келіскенімдей зообаққа баратын қысқа жолды көрсетейін. (Зообақпен танысу)	:
Ұйымдастыру-іздестіру	ІІ-бөлім Жан-жануарлардың төлдерінің қалай аталуын білеміз бе? Бәріміз бірге үйренейік: қоян – көжек түлкі – күшігі қасқыр – бөлтірік аю – қонжық Балалар, жан-жануарлар туралы тақпақтар білеміз бе? Жанерке: Мен тиінмін, тиінмін Асыл менің киімім. Жүгіріп шығам ағашқа Ұстатпаймын бір жанға Махаббат; Аю балды қалайды, Екі езуін жалайды. Қутыңдаған қу түлкі Ақ тауықты қалайды. Динара; Ұзын құлақ сұр қоян Естіп қалып сыбдырды. Ойлы-қырлы жерлермен Ытқып, ытқып жүгірді. Дыбыстық жаттығулар: Ыр-ыр-ыр Ырылдайды қасқыр К-К-К Бұлаңдайды түлкі Ян-Ян-Ян Жүгіріп жүр қоян Ю-Ю-Ю Қорбаңдайды аю7 Жан-жануарлардың дауысын тыңдату. Ойын: Жануарлардың қорегі
Рефлексивті-түзетушілік	ІІІ-бөлім Сергіту сәті; Аңдардың қимыл-қозғалысын музыка ырғағымен жеткізу. Қорытындылау: Ұ.О. Іс  әрекетіне қатысқаны үшін бағалау фишкаларын тарату

Күтілетін нәтиже

Нені біледі:

-         Тақырыпқа лайық сөздерді білу, жабайы жануарлардың бір-бірінен айырмашылығы туралы түсінік қалыптастыру.

Нені игереді:

-         Үй жануарлардың адамға әкелген пайдасы туралы білімдерін молайту

Нені үйренеді:

-         «Сұр қоян», «Мен тиінмін» тақпақтарын мәнерлеп жатқа айту, «Дыбыстық жаттығулар» жасау, суретпен жұмыс жасап үйренді.