«Айналайын » бөбекжайы
Мақсаты: Балалардың қимыл-қозғалыстарын жетілдіру,
достыққа, ұйымшылдыққа, шапшандыққа баулу, спортқа деген қызығушылығын
қалыптастыру, жанашырлық сезімін ояту.
Жүргізуші: Кане балалар, шаттық шенберін құрайық.
Шаттық шенбері:
Біздің топта
ұл-қыздар,
Тату-тәтті
ойнаймыз.
Ортамызға
қоршаған,
Тек мейірім
сыйлаймыз!
(Бір дыбыс естіледі).
Жүргізуші: Балалар, тыңдаңдаршы, бұл нешу? Көмекке
шақырған дыбыс сияқты. Ортаға Әтеш жылап кіреді.
-Балалар, бұл Әтеш
қой! Неге жылайсың? Не болып қалды?
Әтеш: Менің тамағым қатты ауырады. Енді ешқашан ән
айта алмаймын.Сендерді кім оятады?
Жүргізуші: Әтеш, сен жылама. Мүмкін біз саған көмек бере
алармыз. Не қалайсың?
Әтеш: Маған сиқырлы дәрумен ғана көмектеседі, сол
дәруменді тапсаңдар, мен жазыламын.
Жүргізуші: Балалар, Әтешке көмектесеміз бе? Ол дәруменді
қайдан табамыз?
Әтеш: Ол дәрумен тек қана Тоты құста бар. Тоты
құсқа жету үшін көптеген кедергілерден өтулерің керек.
Жүргізуші: Балалар! Біз кедергілерден қорықпаймыз ғой!
Ал балалар, сапарға шығу алдында күш жинап алайық.
Жаттығу жасау.
Бір – екі – үш,
Жинаймыз біз күш!
Иілеміз оңға,
Иілеміз солға.
Бір отырып, бір
тұрып,
Жинаймыз біз күш!
(Жүргізуші балалармен
бірге сапарға аттанады).
Алдынан көпір
кездеседі.
-Балалар, алдымызда
көпір тұр, сол көпірден өтейік. (Балалар гимнастикалық орындықтың үстімен
өтеді).
Алдарынан Түлкі
шығады.
Түлкі: Сәлеметсіңдерме, балалар. Сендер кімсіндер?
Қайда бара жатырсыңдар?
-Біз балабақшадан
келе жатырмыз. Тоты құсты іздеп жүрміз.
Түлкі: Сендерге Тоты құс не үшін керек?
-Біздің Әтешіміз
ауырып қалды, Тоты құстан сиқырлы дәрумен сұрайық деп едік.
Түлкі: Маған мына ойыншықтарды жинауға
көмектесіндер, сонда мен сендерге жолды көрсетемін.
Ойын-эстафета «Кім
жылдам»
Ойын шарты: Балалар екі топқа бөлініп, ойыншықтарды тасу
арқылы жарысады.
Түлкі: Рахмет балалар, алдарыңнан үңгір шығады, сол
үңгілден сүрінбей өтулерің керек.
(Балалар үңгірден
өтеді)
Сапар ары қарай
жалғасады. Алдарынан Кірпі шығады.(Керіледі)
Кірпі: Кім мені оятты?
Жүргізуші: Кешіріңіз, біз Тоты құсты іздеп жүрміз, жолын
көрсетесіз бе?
Кірпі: Жарайды маған алма жинап берсеңдер, жолды
көрсетемін.
Ойын «Секіріп жет»
Ойын шарты: Балалар қос аяқпен секіріп, шығыршыққа
ілінген алмаларды жұлып алуы керек.
(Балалар алманы жинап
кірпіге береді).
Кірпі: Рахмет балалар, Тоты құс анау бақтың ішінде тұрады,
бірақ абайландар. Ол жолды Жарқанат бақылайды, оны оятып алмандар.
Жүргізуші: Кірпі саған көп рахмет. Балалар сапқа тұрып
мына жолмен жүрейік. Жарқанат түнде ұшады, күндіз ұйықтайды. Сондықтан біз
түнде демалып, күндіз жол жүруіміз керек.
Ойын «Күн мен Түн»
Жүргізуші: Балалар, Жарқанаттан құтылып баққа да жеттік.
Міне алдарыңда Тоты құс! Сәлеметсіңбе? Балалардың саған өтініші бар.
-Тоты құс! Біздің
әтешіміз ауырып, дауысы шықпай қалды. Сізден сиқырлы дәрумен сұрауға келдік.
Тоты құс: Жарайсындар, балалар! Сендер достықтың,
ұйымшылдықтың, шапшандықтың арқасында көп кедергілерден сүрінбей өтіп, маған
жеттіңдер. Дәруменді алып, тезірек Әтеш достарыңа жетіңдер. Үнемі көмек беруге
дайын болындар.
Жүргізуші: Сиқырлы дәрумен енді бізде тездетіп
балабақшамызға барайық.
(Көздерін жұмып,
жаттығу орындайды).
Жалықпаста қайта
біз,
Достық сөзін
айтамыз.
Сүйеміз барлық
әлемді,
Әлемдегі бар елді.
Бақыттымыз осы
біз,
Қасымызда досымыз.
Жүргізуші: Әтеш, міне біз келдік. Балалар саған сиқырлы
дәрумен алып келді.
(Әтеш дәруменді жеп,
ауруынан жазылады).
Әтеш: Рахмет, балалар! Енді мен...
Бұрап қойған
сағаттай,
Айқайлаймын таң атпай
КУ-КА-РЕ-КУ!
КУ-КА-РЕ-КУ!
Мен енді ешқашан
ауйырмаймын. Сендер де ауырмандар.
Жүргізуші: Азаматсыңдар, балалар! Бүгін сендер Әтешке
көмек көрсеттіңдер. Әрдайым мейірімді болып, қиын сәттерде бір-біріңе жәрдем
бере біліңдер.
Оставьте свой комментарий
Авторизуйтесь, чтобы задавать вопросы.