Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Свидетельство о публикации

Автоматическая выдача свидетельства о публикации в официальном СМИ сразу после добавления материала на сайт - Бесплатно

Добавить свой материал

За каждый опубликованный материал Вы получите бесплатное свидетельство о публикации от проекта «Инфоурок»

(Свидетельство о регистрации СМИ: Эл №ФС77-60625 от 20.01.2015)

Инфоурок / Русский язык и литература / Конспекты / Конспект урок по теме "Знаменитости удмуртского народа" (урок по удмуртскому языку "Удмурт шаерысь тодмо адямиос")
ВНИМАНИЮ ВСЕХ УЧИТЕЛЕЙ: согласно Федеральному закону № 313-ФЗ все педагоги должны пройти обучение навыкам оказания первой помощи.

Дистанционный курс "Оказание первой помощи детям и взрослым" от проекта "Инфоурок" даёт Вам возможность привести свои знания в соответствие с требованиями закона и получить удостоверение о повышении квалификации установленного образца (180 часов). Начало обучения новой группы: 28 июня.

Подать заявку на курс
  • Русский язык и литература

Конспект урок по теме "Знаменитости удмуртского народа" (урок по удмуртскому языку "Удмурт шаерысь тодмо адямиос")

библиотека
материалов

«Удмурт шаерысь тодмо адямиос» темая 5-ти классын урок

Урок азе пуктэм ужпумъёс:

- тодматоно Удмурт Элькунысьтымы тодмо адямиосын;текстлэсь пуштроссэ валаса, чебер но вольыт лыдзиськыны но вераськыны быгатонлыкъёссэс азинтоно; ог огзэс кылзыны дышетоно; ас калыкенызы тунсыкъяськон мылкыд пычатоно.

Ужан амалъёс: группаен ужан, синквейн (вуимы ке), зиг-заг

Тирлык: туспуктэмъёс; ноутбук Г. Корепанов-Камскийлэн куараеныз; карточкаос текстъёсын но кылъёсын.

Предметной результатъёс: вольыт но янгыштэк лыдзиськыны дышетско;

Регулятивной УУД: дышетись кивалтэм улсын уроклэсь темазэ но урок азе ужпумъёс пукто;

Познавательной УДД: текстысь кулэ ивортодэт басьто;

Коммуникативной УДД: ог-огзэс кылзыса малпанъёссэс радъяса верало; ог-огзылы дунъет сёто

Личностной УДД: темая, урокъя мылкыдзэс верало.

Д.: Зечбуресь, пиналъёс. Мон туннэ тиледын урок нуо. Нимы мынам Маргарита Григорьевна, дышетисько Куреггурт школаын. Тодэме потиз, кызьы ти ужаськоды но мар сярысь тодиськоды. Вералэ ай, кытын ти улиськоды?

П.: Пониноын.

Д.:Мон шер вуылисько та гуртэ, ичи тодисько калыкез сярысь но. Тани куинез сярысь умойгес тодисько, соос сярысь гожти но (котькудизлы сётисько фамилиосын карточка Приложение № 1). Кинлы шедиз Кашин, Курченко, Пряженников фамилиен карточка – соос озьы ик куинь группае пуксё. Карточкаосысь текстъёсты лыдзо, оло, мар ке но выльзэ ватсалозы на та адямиос сярысь.

(ужало группаен. Приложение 2)

Д.: Котькуд группаысь одигез дасяське класслы вераны. Кин дась вераны?

Д.: Туж трос тодиськоды, умой но вераськоды. Нош мукет адямиос сярысь тодэмды потэ-а? Иське, мар каромы урокын?

П.: Уроклы тема но ужпум вераны тыршом

Д.: Со понна асьмелэн ог-огмес кылзоно, чош ужано, мыло-кыдо вераськоно. Али нош ик мон тилед текстъёс сётисько (одиг группалы В. Ившин сярсь, мукетызлы Л. Христолюбова сярысь, нош куинетиезлы – Г. Корепанов-Камский сярысь). Группен чош лыдзыса, одигзэ эштэс дасялэ мукет группалы вераны та адями сярысь. Со понна мукетыз листок вылэ гожтэ, мар сярысь со вералоз(Приложение №3)

П.: ужало группаен.

Д.: Дасяды эштэс. Табере та эшты мукет группае мыныса, вералоз та адями сярысь, нош ти доры мукет группаысь лыктоз но мукетыз тодмо адями сярысь вералоз. Нош группаысьтыды одигез нош ик дасяськоз мукет группалы вераны.

П.: ужало группаен

Д.: Кин сярысь тодиды ини, пиналъёс? Эн вунэтэ, нош ик одигез эшты дасяськыны кулэ мукет группалы вераны. Соин ик со эштэс дасялэ вераны. Кызьы ти сое дасялоды, сыче информация со вуттоз выль группалы.

П.: группаен ужало.

Д.: Табере куиньназы сярысь кылзиды? Мар медаз тодиды таос сярысь, жог гинэ лэсьтэ тест.

1. В. Ившин тодосчи

Л. Христолюбова крезьгурчи

Г. Корепанов-Камский гожъяськись

2. Кинлэн та ужез?

В. Ившин «Ураме но мон поти но…»

Л. Христолюбова «Мар дуно»

Г. Корепанов-Камский «Этнография удмуртов»



3. Кин кытын вордскиз?

Л. Христолюбова Кез ёрос

Г. Корепанов-Камский Дэри (Завьял) ёрос

В. Ившин Дэбёс ёрос

Д.: Табере, пиналъёс, мынам кылзиськытэме потэ тиледыз Г. Корепанов-Камскийлэсь куаразэ, кылзэ. В. Ившинлэн книгаосыз, библиотекае мыниды ке – шедьтоды. Нош Л. Христолюбоваен мынам пумиськылэме вань. Туж лякыт, трос тодись, визьмо кышномурт вал, но жаляса верано, кылем гужем со асьме дорысь пыраклы кошкиз.

П.: кылзо записьёсты.

Д.: Тазьы ти ужады ке, удмурт шаерысьтымы тодмо адямиос сярысь трос тододы, асьтэос но соослэсь ужзэс азьланьтоды. Гуртады эшшо но эскере на асьтэдыз яке анай-атайёстэс та карточкаосъя: (котькудизлы сётисько карточкаос):

Предложениосты сак лыдзы, янгышъёссэ тупатъя:

  1. Л. С. Христолюбова – Удмурт шаерысь тодмо кырзась.

  2. Г. М. Корепанов-Камский – нылпиослы «Ворпо гужем» книга поттиз.

  3. В. Н. Ившин – нырысети удмурт балетлэн авторез.

Шонер веран понна учконо луоз учебникысь 76, 80, 83 бамъёсысь.

Д.: Мынам тодэме потэ, кыче мар тилед урок? Группаысь кинлы кыче дунъет сётоды? Со понна ог-огдылы портэм буёло котыресъёс сётэ: туж умой ке ужаз, ти сямен «5» – горд буёлзэ, умой ке – вож буёлозэ, лябытгес ке – чужзэ. Дунъялэ ужамдэс.

Ойдолэ кылдытоме синквейн:

Кин тон? Мон…

Кыче? Тунсыко, мозмыт

Ма кари? Ужай, кылзи, вераськи

Предложение. Мыным туннэ урокын яраз.

Дунъет. Утчаськись





Приложение № 1

Кашин Александр Анатольевич

Надежда Курченко

Александр Павлович Пряжеников

Кашин Александр Анатольевич

Надежда Курченко

Александр Павлович Пряженников

Кашин Александр Анатольевич

Надежда Курченко

Александр Павлович Пряженников

Кашин Александр Анатольевич

Надежда Курченко

Александр Павлович Пряженников



Приложение № 2

Кашин Александр Анатольевич вордскиз Сюмси ёросын Н. Гайны гуртын 1954 арын. Глазовысь пединститутэз быдтыса, математикаен но физикаен дышетись луиз. Азьло аръёссэ ужаз Понино школа-интернатын, 1978 арын выжиз Понино шоръёзо школае. 1984 арысен кутске кивалтисьёс радын ужаны: нырысь ужа директорлэн воштисез луыса, нош 2001-ти арысен директор луыса ужаз. Кашин А. А. кивалтэм улсын Понино школаысь коллектив бадзымесь азинсконъёс басьтэ. Котькуд арегес медалистъёс луо. Александр Анатольевич кивалтэм улсын Понино школа школа-миллионер луиз.

Надежда Курченко  вордскиз 1950-ти арын Алтай шаерысь Ново-Полтава черкогуртын. Глазов ёросысь Пониноысь школа-интернатэз йылпумъяса, 1968-ти арысен ужаны кутскиз Сухуми авиаотрядын бортпроводница луыса. 1970-ти арын быриз, Батуми-Сухуми-Краснодар самолётэз террористъёслэсь мозмытыкуз. Самолётын лобись Бразинскас фамилиен атаез но пиез бортпроводницалы записка сётизы, кытын соос куризы самолётлэсь маршрутсэ Турцие воштыны. Егит нылаш кышкатэк султиз тушмонъёс пумитэ, но соосыз жалятэк ыбизы Надежда Курченколы. Котькуд аре Понино школаын Надежда Курченкоез тодазы вайыса, митинг ортчыто, районын (ёросын) нылашлы сизьыса, бызьылонъёс ортчыто. Надежда Курченколы 19 арес гинэ вал.

Александр Павлович Пряжеников Быдзым Отечественной оже пыриськем мурт. Вордскиз Глазов ёросысь Артёнки гуртысь крестьян семьяын. Семьяязы 9 нылпи вал. Солэн атаез но куинь агайёсыз быризы оже. 1940-ти арын Пряжеников басьтэмын вал Армие. Ожмаськонэ пыриськиз 1943-ти арысен, пыриськиз Курск ожмаськонэ. Ил-2 штурмовикеныз трос тушмон техника но асьсэос тушмонъёс быдтэмын вал. Одигаз ожын Пряжениковлэн самолётаз йоттизы, азьлань лобыны уг быгаты ни вал. Но Пряжеников, номыр шоры учкытэк, быгатиз самолётсэ ас паламы вуттыны. Музъем вылысен тушмонъёс Пряженниковлэсь самолётсэ сутизы, но соиз эшеныз быгатиз потыны но мозмытскыны. Ваньзэ оволзэ Пряжеников 180 пол потылиз тушмонъёс вылэ. Котькуд аре Вормон нуналэ пиналэз но пересез памятник доры лыкто, тодазы ваё геройёсмы сярысь.



Приложение № 3

Ившин Вениамин Никонорович

(Вордскиз 30.10.1947)

Кылбурчи, кылысь кылэ берыкъясь, журналист.

Вордскиз Кез ёросысь Ванялуд гуртын трос нылпиё крестьян семьяын. Удмурт кунуниверситетэз быдтыса, ужа «Дась лу!» газетын. «Кизили» журналэз кылдытись но валтись редакторез вал. «Кенеш» журналэз кылдытонын валтисез луыса ужаз. Нырысети кылбуръёсыз потизы «Советской Удмуртия» газетын. Кылбуръёссэ поттыны юрттиз мукетыз удмурт поэт Флор Васильев Нырысети кылбур бичетэз «Мар дуно» нимаське, потиз 1976 арын. Нылпиослы книгаосыз: «Шур сьöрысь бöдёно» («Перепёлка заречная, 1990), «Ворпо гуждор» («Разноцветная лужайка», 1997), «Паймытӥсь дуннеын» (2002), «Пуньы буясь коньы» (2007), «Жыдьылӥсь мешок» (2012). Тылобурдоослэн куараоссы сярысь книгаез «Шуланэ мынам дас вить» («У меня пятнадцать свистулек», 1995), кудзэ чебермаз суредась В. Мустаев «Искусство книги » Всероссийской конкурсын II степенё дипломен пусъемын. Трос гожъя нылпиос понна. Тросэз кылбуръёсыз кырзанлы пормытэмын.

Христолюбова Людмила Степановна

Людмила Степановна Христолюбова вордскиз Дэри ёросысь Кионгуртын. 150-лэсь трос научной ужъёссэ поттиз. Юн эскере вал удмурт калыклэсь вашкала дыръёсы улэмзэс, сямъёссэс но йылолъёссэс. Трос ужаз егитъёсын, пиналъёслы тыршиз умойзэ гинэ сётыны. Книгаосыз «Удмурты: этносоциологические очерки», «Семейные обряды удмуртов: традиции и процессы обновления», «Учёные-удмурты», «Удмуртские женщины. XX век», «Этнография удмуртов» тодмато удмурт калыклэн портэм палъёсыныз. Ог-огзэс валаса ужазы мукет удмурт тодосчиен Владимир Владыкинэн. Соин ик чош потто «Этнография удмуртов» книга.

Геннадий Михайлович Корепанов-Камский

Вордскиз 1929 арын Дэбёсс ёросысь Ягвуко гуртын. Крезьгурчи. Удмурт АССР-лэн калык артистэз. Ижевскысь музыкальной училищелэн директорез луыса ужаз. Удмурт театрын кырзаса улиз. Нырысети «Италмас» удмурт балетлэн авторез. Удмурт телевиденилэн но радиолэн хорезлэн солистэз. «Ураме но мон поти но…» кырзанэз чем чузъяське радио пыр.

Портэм аре потэм ужъёсыз: опера Россиянка (Ижевск,. 1967); опера-балет Чипчирган (Свирель, Ижевск, 1964); балет Италмас (Лазоревый цветок, Ижевск, 1961); муз. комедия Когда поют соловьи (Ижевск, 1962); оперетты — Любушка (Ижевск, 1959), Драгоценный подарок (Ижевск, 1977); для симф. орк. — Тыловайская сюита (1970), Увертюра (1976); для скр. и симф. орк. — Концерт (1969); для влч. и симф. орк. — Поэма; для ф-п. и струн. оpк. — Поэма (1974); струн. квартеты — I (1968), II (1968); Ф-п. трио; для скр. и ф-п. — 10 концертных пьес (Удм. ширьяны); для влч. и ф-п. — Баллада; для ф-п. — Сюита, пьесы; для голоса и ф-п. — 5 цикл Моя школа (сл. С. Широбокова, Г. Сабитова, Г. Ходырева, Н. Васильева, В. Романова, 1971—1972), цикл Приветственные песни (сл. нар., 1976).












Подайте заявку сейчас на любой интересующий Вас курс переподготовки, чтобы получить диплом со скидкой 50% уже осенью 2017 года.


Выберите специальность, которую Вы хотите получить:

Обучение проходит дистанционно на сайте проекта "Инфоурок".
По итогам обучения слушателям выдаются печатные дипломы установленного образца.

ПЕРЕЙТИ В КАТАЛОГ КУРСОВ

Автор
Дата добавления 09.02.2016
Раздел Русский язык и литература
Подраздел Конспекты
Номер материала ДВ-433155
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх