Конспект урока на тему "Бекхам", (3 класс)

Нохчийн литература

Тема : «Бекхам»  (Туьйра)

1алашо: халкъан туьйра «Бекхам»  довзийтар; нийса а , кхеташ а , шера а туьйранаш деша  1амор. Туьйранашка  безам кхоллар.

Билгалъяьхна кхиамаш: берашна 1емар ду  нийса а , шера а , кхеташ а туьйранаш деша. Берашна 1емар ду  чулацамах кхета ,хьехархочун хаттаршна   жоьпаш дала, туьйранан  чулацам  схьабийца. Берашна  1емар ду  т1айп-тайпана  амалаш  евзар ю  , диканиг  схьаийца хуур ду  , вониг  д1ататта  , цунах ларвала.

Урок  д1аяхьар.

1.     Ц1ера  болх таллар.

-Х1ун еллера  шуна  ц1ахь  1амо?  (Туьйра  «Бабин Ч1ирдиг»  схьадийца)

Бераша  схьадуьйцу  туьйра.

2.     Мотт  шарбар. Дешаре  шовкъ  кхоллар.

Шина чиркхан ши шиша, шина шичин ши йиша

-Д1адеша чехкаалар  меллаша.

-Д1адеша  чехкаалар  хезаш.

-Дагахь 1амаде.

«Г1иллакх оьздангаллин ваша ву».

-Д1адеша кица. Муха кхета шу  цунах?

3.     1алашо йовзийтар.

-Муьлха произведени ю вайна  1амо билгалъяьккхина? (Туьйра «Бекхам»)

-Муха  болх  бийр бу  аша  и произведени дика 1амийта?(Бераша  план х1оттайо  )

-Вайна  тахана  девзар  ду туьйра «Бекхам»  , нийса  а, а  кхеташ а  шера  туьйранаш  деша.  Шуна 1емар ду туьйранах кхета , чулацам  схьабийца.

       4. Керла тема хьехар.

а) Хьехархочо  д1адоьшу  туьйра «Бекхам»

аь)Чулацамах  лаьцна  къамел дар.

-Муьлш  хилла ши доттаг1? (Цхьогал , ч1ерийдохург ши доттаг1 хилла)

-Х1ун  кхайкхира  цхьогало  хьошалг1а? (Цхьогало хьошалг1а  кхайкхира  ч1ерийдохург)

-Х1ун  кхача  кечбира  цхьогало? (Цхьогало  худар дира  хьешана)

-Муха  охьадиллира  цхьогало  худар? (Цхьогало худар  бошхепа чохь охьадиллира)

-Стен  диира  худар? (Цхьогало ша  диира  дерриге худар)

-Х1унда  ца диира худар  ч1ерийдохурго? (Цуьнан  ехачу  з1окаца  ца  даалора худар)

-Муха д1аса  къаьстира  ши доттаг1? (Ч1ерийдохарго  ша  йолчу  хьошалг1а  кхайкхира  цхьогал)

-Маса  деера  цхьогал  хьошалг1а  ч1ерийдохург йолчу? (Г1аьххьа  хан яьлча  цхьогал деера  ч1ерийдохург  йолчу)

-Х1ун  кечйира  ч1ерийдохурго?  (Ч1ерийдохурго  ч1ерий а лецна  царна хаза  чам бира  )

-Муха хьалхадехкира  цо  уьш? (Деха лаг долчу  кхаби чохь хьалха дехкира цо  уьш)

-Стен диира  ч1ерий? (Ч1ерийлецарго дерриге ч1ерий  ша диира)

-Х1унда  ца диира  ч1ерий  цхьогало? (Цуьнан  корта кхаби чу  ца  болура)

-Цул  т1аьхьа  хиларий  церан доттаг1алла? (Цул т1аьхьа  церан доттаг1алла  галделира)

-Мичахь  ехара  ч1ерийдохург ? (Эрзаш  юккъехь)

-Мичахь дехара  цхьогал? (Цхьогал  хьунхахь дехара)

-Х1унда  галдаьлла цу  шиннан  доттаг1алла? (Цаьршимма  вовшашца нийсо  ца лелийна , г1иллакх  ца лелийна)

5. Сада1аран  миноташ.

Дог1а

Мохо мархаш лоьхку, лоьхку,

Мархаш йоьлху, йоьлху.

Надамаш лаьтта 1ена, 1ена, -

Мала хи, к1а, мала.

К1ено охьатаь1ий:

Молу, молу, молу.

Мела дог1а, ца соцуш,

Дог1у дог1у, дог1у.

(Бераша куьйгаш хьалха охьа а дохуьйтий, байтан хьалхара

мог1а бешча, парг1ат лестош, куьйгаш дегадо. Цул т1аьхьа,

куьйгаш лесточуьра саца а деш, цкъа хьалха керан юкъ хьа-

лаерзайо, т1аккха охьаерзайо)

6. Керла тема  кхин д1а а хьехар.

а) Бераша  д1адоьшу  туьйра «Бекхам» меллаша.

аь) Бераша  д1адоьшу  туьйра «Бекхам»хезаш.

б) Бераша  д1адоьшу  туьйра «Бекхам»  з1енаца.

7. Рефлекси.

-Муха  болх бира  аша  урокехь? Шайн дог-ойла  гойтуш  смайлик  йилла.

8.Жам1 дар.

-Муьлха  произведени  йийшира  вай тахана? (Туьйра «Бекхам»)

-Стенах лаьцна  яра иза? (Доттаг1аллех)

-Хиллий  иза боккъал  доттаг1алла? (Ца хилла)

-Х1унда ? (Цу  шиннан  дахар , амалш  тайп-тайпана  ду)

-Муха  кхета  шу  вай  1амийначу  кицанах? (Г1иллакх  доцчу адамана  ваша , доттаг1  ца  оьшу)

9.Ц1ахь бан болх балар.

Туьйра «Бекхам»  схьадийца.