Конспект урока на тему "Достық" 6 класс

3 - сынып

Сабақтың тақырыбы: Әр түрлі тапсырмалар арқылы достық тақырыбын қайталау.

Сабақтың мақсаты:

Білімділік: «Достық» тақырыбы бойынша алған білімдерін тексеру, тыңдай білуді және оймен бөлісуді үйрету, грамматиканы қайталау.

Дамытушылық: Оқушыларға тапсырмалар беру арқылы өз ойын тілмен жеткізе білуге дағдыландыру, екі тілде сөйлеуге машықтандыру, есте сақтау қабілетін ұлғайту, тілін дамыту.

Тәрбиелік: Достық қарым-қатынасын, адамгершілік қасиетін, бір-біріне деген достық сезімдерін нығайту.

Сабақтық түрі: дәстүрлі емес сабақ.

Сабақтың типі: ойын сабағы (өткен материалды қайталау)

Сабақтың әдісі: модульдік технология, сұрақ-жауап, түсіндіру, әңгімелеу, танымдық ойындар.

Көрнекілігі: интерактивті тақта, слайд, фишкалар, күннің көзінің суреті.

Ұжымдастыру формасы: топтық жұмыс.

Пәнаралық байланыс: орыс тілі, өзін-өзі тану.

Сабақтың айдары: Адам досымен мықты,

                                  Ағаш тамырымен мықты.  (мақал)     

Сабақтың барысы:

І. Ұйымдастыру кезеңі.

- Балалар,бүгін бізге қадірлі қонақтар келіп отыр. Қоршаған ортамен, қонақтармен амандасайық.

- Сәлеметсіз бе, Күннің көзі?!

- Сәлеметсіз бе, аспан?!

- Сәлеметсіз бе, Жер - ана?!

- Сәлеметсіз бе, қонақтар?!

- Сәлеметсіз бе, мұғалім?!

- Сәлеметсіз бе, достарым?!

1. Амандасу, кезекшімен сұхбат.

2. Рефлексия (балалардың көңіл күйін білу)

ІІ. Сабақтың тақырыбы және мақсатымен таныстыру.

ІІІ. Оқушылар Зеректілер, Білімділер болып бөлінеді.

-         Ендеше, бүгінгі «Бақытты сәт» ойынымызды бастайық.

1-гейм. «Аудармашы» ойыны (доппен ойнау)

друг-                                                                добрый-

дружба-                                                           неразлучные-

близкие отношения-                                      вместе играется-

настоящий друг-                                            помогает-

верный друг-                                                  будь готов-

2-гейм. «Мәтінмен жұмыс»

Достық

Достық – адамдар арасындағы жақын қарым-қатынас. Дос – саған жақын адам. Досыңмен сырласасың. Шын дос қиындықта көмектеседі. Сен де сенімді досыңа көмектесуге дайын бол.

1)    Мұғалім мәтінді мәнерлеп оқиды

2)    Оқушыларға мәтінді мәнерлеп оқыту

3)    Мәтінді аудару

4)    Мәтінге байланысты сұрақтарға жауап беру

а) Достық – кімдер арасындағы жақын қарым-қатынас?

ә) Кім – саған жақын адам?

б) Шын дос қиындықта не істейді?

в)  Кімге көмектесуге дайын бол?

3 гейм. «Бой сергіту». Команданың әр мүшесіне кәртішке беріліп, дайындыққа 1 минут уақыт бөлінеді. 1 минут уақыттан кейін әрқайсысы жауап беріп, сәйкес фишка алады.

«Зеректілер» тобына берілген сұрақтар.

1.     Дос қандай болу керек? (сенімді, адал, нағыз, т.б.)

2.     Фонетика нені зерттейді? (тіл дыбыстарын)

3.     Қазақ тілінде неше дыбыс бар? (екі дыбыс, дауысты және дауыссыз)

4.     Дауысты дыбыстардың саны нешеу? (15 дауысты дыбыс)

5.     Буынның неше түрі бар? Атаңыз. (3 түрі бар, ашық, бітеу, тұйық)

6.     Достық сөзінде неше дыбыс бар? (6 дыбыс)

7.     Достық сөзінде неше дауыссыз дыбыс бар? (4 дауыссыз дыбыс)

«Білімділер» тобына берілген сұрақтар.

1.     Достық қандай болу керек?  (нағыз, шын, адал, т.б.)

2.     Қазақ тілінде неше әріп бар? (42 әріп)

3.     Дауыссыз дыбыстар қалай бөлінеді? (қатаң, ұяң, үнді)

4.     Достық сөзінде неше дауысты дыбыс бар?  (2 дауысты дыбыс)

5.     Достық сөзінде буынның қандай түрлері бар?  (бітеу)

6.     Дос сөзіндегі о қандай дыбыс?   (жуан, еріндік, ашық)

7.     Дос сөзін жекеше түрде тәуелде. (менің досым, сенің досың, сіздің досыңыз, оның досы)

4 гейм. «Жұбыңды тап» (мақал-мәтелдер арқылы)

«Көп ақшаң болғанша, көп досың болсын»

«Досы жақсының - өзі де жақсы»

«Жаман жолдастан таяғым артық»

«Күлме досыңа, келер басыңа»

«Заттың жаңасы жақсы, достың ескісі жақсы»

«Доссыз өмір – тұзсыз ас»

а) жұбын тауып мәнерлеп оқу

ә) мақалды аудару, орысша мағынасын түсіндіру

Сергіту сәті. «Тығылған сөзді табу»

1) т10      (тон)

2) 1лік     (бірлік)

3) қ10нақ (қонақ)

5 гейм. Фонетика әлемінде.

1-тапсырма. Достық сөзіне фонетикалық талдау.

Достық – дружба

Достық – 1,2 бітеу буындар

Д – д/сыз, ұяң

О – д/ты, жуан, еріндік, ашық

С – д/сыз,қатаң

Т – д/сыз, қатаң

Ы – д/ты, жуан, езулік, қысаң

Қ – д/сыз, қатаң

Сөзде 6 әріп, 6 дыбыс, 2 буын.

2-тапсырма. Келесі тапсырманы дәптерде орындаймыз. (Мұғалім тақтада әр командаға екі сөйлем жазады.Сөйлемдерде дауысты, дауыссыз дыбыстар түсіріліп жазылады)

«Зеректілер» тобына

1)Досты... – а...амдар арасы...дағы жа...ын ...арым-қатына... .

2)Д...с – са...ан жа...ын ада... .

«Білімділер» тобына

1) Ме...ің дос...м ба... .

2) Б...з бі...ге са...ақ о...имыз, фу...бол ойнай...ыз.

3-тапсырма. Берілген сөздерді қатыстырып сөйлемдер құрастырып жаз.

1) Футбол, далада, ойнады, балалар.

2) Сөйлейді, балалар, тілінде, қазақ.

3) Айдос, көмектесті, досына.

4) Татумыз, барлығымыз, біз.

5) Білемін, мен, мақалдар.

6) Досыммен, кітапханаға, мен барамын.

4-тапсырма. Қажетті көптік жалғауларды жалғау.

Дос – дос....                                  Кітап – кітап...                                   –лар, -лер

Үй – үй....                                     қыз – қыз...                                         –дар, -дер

Бала – бала...                                мектеп – мектеп....                            –тар, -тер 

Қалам – қалам...                           дәптер – дәптер...                                 

5-тапсырма. Дос сөзімен «Баспалдақ» жұмысын жүргізу.

1) Дос.

2) Жақсы дос.

3) Марат – жақсы дос.

4) Марат - өте жақсы дос.

5) Біздің Марат - өте жақсы дос.

6) Біздің Марат - өте жақсы, адал дос.

6 гейм. «Сен маған, мен саған».

Үй тапсырмасы. Үйде дос туралы өлең немесе өз досың туралы әңгімелеу.

IV. Сабақты пысықтау: - Сонымен достық қандай болу керек.

 

                                                                   достық  

7 гейм. Тест жұмысы.

1. Менің досым ... .

а) сенімді              ә) көрнекті               б) қанатты

2. Мағжан кітап оқып ... .

а) бар              ә) кел               б) отыр

3. Күлме досыңа, келер ... .

а) ойыңа              ә) басыңа              б) аяғыңа

4. Мен дос туралы мақал ... .

а) білемін              ә) ойнаймын               б) көремін

5. Дружба сөзінің аудармасы.

а) нағыз              ә) дос               б) достық

Жауаптары: 1-а, 2-б, 3-ә, 4-а, 5-б

-         Кім мектебімізді сүйем десе, оң қолын көтерсін.

-         Елім тату дегені, сол қолын көтерсін.

-         Елімізде көп ұлт достасып тұрады десек, алақан соғайық.

-         Қолымызды үзбей достық туралы мақалды оқиық.

                            Адам досымен мықты.

                      Ағаш тамырымен мықты.  (мақал)

- Балалар бізде бір-бірімізбен дос болайық. Достығымыз мықты болсын.

Жиналған сыйлықтар және фишкалар бойынша топтар бағаланады.

Үй жұмысы: өз достарыңа сурет салып әкеліңдер.