Конспект урока на тему "Ээ арифи" 1 класс

ПЛАН – КОНСПЕКТ

1 - Б СЫНЫФ «ЯЗУВ  ДЕРСИ»

I.                  Дерснинъ мевзусы:

«Э э арифни айры ве башкъа арифлернен язув созукъ сеслерни текрарлав»

«О о арифни язув. Орман, озен сёзлернинъ талили»

II.               Дерснинъ макъсатлары:

1.     О о арифни язмагъа ве теляффуз этмеге огретмек;

2.     Дерсте талебелернинъ агъзавий нутукъны инкишаф этмек;

3.     Лугъат байлыкъларыны зенгинлештирмек;

4.     Тербиевий макъсад.

III.           Дерснинъ теминаты:

1.     Ресимлер

2.     Дерсликлер

IV.            Дерснинъ кетишаты:

1.     Тешкилий къысым

·  Селям алейкум талебелер.

·  Бугунь афтанынъ насыл куню? – Салы

·  Бугунь насыл ай ве айнынъ къачынджы куню? – Докъузынджы октябрь

·  Октябрь айы насыл мевсимге кире, не вакъыт япракълар башкъа тюслерге чевирилелер, тёкюлелер? – Кузьде

·  Даа насыл мевсимлер сиз билесинъиз? – Къыш, яз, баарь.

2.     Эв вазифени тешкерюв:

·        Кечкен дерсте насыл сесни кечтик? – Э сесини

·        Э сеси созукъ я да тутукъ сес? – Созукъ сес

·        Э созукъ сеси къалын я да индже? – Индже созукъ сес.

·        Э сесине насыл сёзлер сиз билесинъиз? – Эрик, эрылгъан, эчки, эшек, эбабиль, эв, элифбе, эдие, эт, эджа…

·        Элифбеде 25 саифеде джумлелер тизмек ве оларнынъ схемаларыны косьтермек.

Раатлыкъ дакъкъасы:

Эвелеме, девелеме,

Деве къушны къувалама.

Аппул, уппул,

Чыкъ да къуртул.

                 3.    Дефтерде чалышув.

V.               Янъы мевзуны анълатув. Оджа сёзю:

Балалар,  бугунь биз О сесини кечеджек.

-       О-о-о сесини биз насыл теляффуз этемиз? – йырлаймыз.

-       О сеси насыл сес созукъ я да тутукъ? – созукъ

-       Къалын я да индже сес? – къалын

-       О сесинен башлагъан насыл сёзлер сиз билесинъиз? – отьмек, одун, от, оба, ода, оюн, орьнек, оракъ, омуз, огъул, он, орькеч, озен, орюмчек.

-       Бу сёзлернинъ схемасыны япайыкъ.

-       Элифбеде 26-27  саифелерде чалышамыз. Ресимлерге бакъып джумлелер тиземиз.

-       Арифлерни биз коремиз ве язамыз, сеслерни биз эшитемиз ве айтамыз.

Раатлыкъ дакъкъасы:

Уфакъ бала не севе? Нелер-нелер бегене? Кунь бою  эвде олып. Нелер япып эглене?

Энъ севгили оюнджакъ, Оюнджакънен ойнамакъ Куньдюз ойнап о тойса, Гедже раат юкълайджакъ.

VI.            Дерсни пекитмек ве умумлештирмек ичюн талебелернен янъы мевзуда суаль-джевап шекилинде субет кечирмек:

-       Орман сёзюнде къач ариф, къач эджа бар? Бу сёзнинъ схемасыны япынъыз.

-       Озен сёзюнде къач ариф, къач эджа бар? Бу сёзнинъ схемасыны япынъыз.

-       Эр бир талебени сорав.

VII.        Эв вазифе бермек

1.     Отьмек, одун, от, оба, ода, оюн, орьнек, оракъ, омуз, огъул, он, орькеч, озен, орюмчек сёзлерни огренмек.

2.     Элифбеде 26-27 саифелердеки ресимлерге бакъып, джумле тизмек.

3.     Дефтерлерде А а арифлерни язып битирмек.