Конспект урока по белорусскому языку на тему "Літара Ё" (1 класс с белорусским языком обучения)

Тэма: Літара Ё

Мэта: вучыць пісаць вялікую літару Ё

Задачы: адпрацоўваць тыпы злучэння  ў працэсе спісвання з друкаванага і рукапіснага тэксту; адпрацоўваць навык напісання імёнаў людзей, назваў рэк з вялікай літары; адпрацоўваць навык каліграфічнага спісвання;

выхоўваць сяброўскія адносіны адзін да аднаго.

Ход урока

I.                  Арганізацыйны этап.

Весела гучыць званок,

Яго голас нам знаёмы,

Запрашае на ўрок

Беларускай мовы.

–Падарыце ўсмешкі адзін аднаму і сонейку.

–З якім настроем вы прыйшлі сёння на ўрок? (да дошкі прымацоўваецца сонейка)

–       Скажыце адзін аднаму добрае слова.

II. Матывацыйна-мэтавы этап

–З чаго складаецца слова? (З гукаў.)

–На якія дзве групы падзяляюцца гукі беларускай мовы? (Зычныя, галосныя.)

–Чым абазначаюцца гукі на пісьме? (Літарамі)

На дошцы размешчаны друкаваныя літары: в, Е, З, ё, В, е з

–Якой літары не хапае пары? (ё)

//Вучні ўтвараюць пары і выстаўляюць вялікую літару Ё

”Ё” таксама тут не госць,

Шмат для “Ё” работы ёсць.

Бо без “Ё” і мёд не мёд.

Як без ёлкі карагод.

–Сёння на ўроку мы будзем вучыцца пісаць пісьмовую вялікую літару Ё.

У якім выпадку нам спатрэбіцца навык напісання  вялікай літары Ё?

III. Актуалізацыя ведаў

Слоўнікава-лексічная работа

1)Загадка

Заўсёды летам і зімой

Мае іголачкі са мной,
Галінак ў мяне багата.

Зімой прыходжу к вам на свята. (Ёлка)    

–Як вы разумееце сэнс “Заўсёды летам і зімой мае іголачкі са мной”? (Ёлка не скідвае на зіму свае хваінкі.)
–Звычайна Ёлка прыходзіць да нас на зімовае свята.

Але да нас

Завітала ў весні… ( час)

//Настаўнік прымацоўвае на дошку малюнак Ёлка і раздае кожнаму вучню шаблон Ёлкі.

2) Верш ў “Жывой азбуцы”

–Прачытайце верш пра Ёлачку.

Ёлачка, ёлачка са сцюдзёнай вуліцы.

Едкія іголачкі да галінак туляцца.

Мы галлё зялёнае апранем вясёлачкай,

Самае ўлюблёнае – гэта свята з ёлачкай.

–Адкуль прыйшла Ёлачка? (Са сцюдзёнай вуліцы.)

–З якім зімовым месяцам сугучна слова СЦЮДЗЁНАЯ? (Студзень)

–У народзе кажуць: Студзень зямлю студзіць.

–       Падкрэсліце літару ё ў гэтым слове.

–       Якую ролю яна адыгрывае? (Паказчык мяккасці)

–       Як вы разумееце выраз “Мы галлё зялёнае апранем вясёлачкай”? (Упрыгожваем.)

–       Падкрэсліце літары ё ў гэтым сказе. Колькі іх?

–       А вы любіце навагодняе свята?

3) Суаднясенне графічнага пісьмовага вобраза з друкаваным

–       Давайце ўпрыгожым Ёлачку. Хто здагадаўся, як пішацца пісьмовая вялікая літара Ё, напішыце ў паветры.

–       Вазьміце аранжавы аловак і апраніце сваю Ёлачку

//Вучні малююць на Ёлачцы пісьмовую літару Ё (3 разы -серпанцін )

4)Скорагаворка

–Хто пад Ёлкай боршч еў ёлкі?

Ён жыве заўжды ў вадзе

І пры дне, не абы дзе.

Часам клёў, не трэба горш.З

рэдку клюне толькі…               (ёрш)

//Настаўнік прымацоўвае на дошку малюнак Ёрш і раздае кожнаму вучню шаблон Ярша.

Ёрш пад ёлкай боршч еў ёлкі.

Фізхвілінка

Рыбка плавае ў рацэ,

Рыбка – вось яна ў руцэ!

На спіне ў яе плаўнік –

Ёрш! Калючы чараўнік!

Гукалітарны аналіз слова ЁРШ

–       Колькі гукаў? (4)

–       Колькі літар у слове ЁРШ? (3)

–       Чаму? (Гукі [ЙО] абазначаюцца літарай Ё, таму што стаіць у пачатку слова)

–       На якую пісьмовую літару вельмі падобна пісьмовая вялікая літара Ё? (Е)

–       //Вучні прапісваюць на шаблоне Ярша пісьмовую літару Е замест верхняга плаўніка.

–Што значыць боршч “ёлкі”?

–Ці можа ёрш сядзець пад ёлкай? (Не. Гэта небыліца)

–Дзе водзяцца яршы?

//Настаўнік выстаўляе малюнак Рака на дошку і раздае вучням шаблон Ракі.

–       На якую пісьмовую літару вельмі падобна пісьмовая вялікая літара Е? (На вялікая пісьмовую літару З)

–Намалюйце на рацэ хвалі.

//Вучні малююць хвалі на шаблоне Ракі.

–Успомніце правапіс назваў рэк і азёр.

–Падпішыце назву ракі пісьмовымі літарамі.

//Вучні прапісваюць на шаблоне:Нёман.

IV.        Вывучэнне новай тэмы

Работа ў Пропісі

        Тлумачэнне напісання літары Ё.

–Пакажыце на лінеечцы поспеху, як вы лічыце, на колькі справіцеся з заданнем.

Практыкаванне ў напісанні літары Ё.

//Вучні прапісваюць 2 радкі

Практыкаванне ў вызначэнні падабенства і адрознення напісання вялікіх літар Ё, Е, З

//Вучні прапісваюць 3 радок.

–Справіліся з заданнем? На лінеечцы поспеху пакажыце, як вы справіліся. Ці супалі вашы самаацэнкі?

Фізхвілінка для вачэй ( па трэнажоры)

Спісванне з рукапіснага тэксту. Стар. 39

–       Колькі сказаў? Колькі слоў у сказе?

–       Назавіце назвы рэк.

//Настаўнік прымацоўвае да дошкі карту Беларусі.

–       Чаму з вялікай літары? (Уласныя назвы рэк.)

//Вучні спісваюць сказ.

–       Гульнявое практыкаванне Дзе чыё?

//Вучні чытаюць імёны, ўтвараюць новыя словы і запісваюць іх.

Фізхвілінка для рук

//Настаўнік мяняе Пропісі. Вучні спрабуюць узнаць, чыя Пропісь і ўтвараюць новыя словы ад імён.

V.Абагульненне і сістэматызацыя ведаў

Гульнявое практыкаванне “Следчыя”?

Рачны, вёрткі, калючы…. (Ёрш)

Зялёная, востраверхая, навагодняя… Ёлка)

//Вучні запісваюць словы з вялікай літары.

–Прыдумайце сказ з гэтымі словамі, каб яны запісваліся з вялікай літары.

Гульнявое практыкаванне “Ад кожнай літары – слова з літарай Ё”?

Ё – (ёрш) Л– (лёд) К – (казёл) А – ( асёл)

VI.Кантроль ведаў

Рубрыка “Вам пісьмо”

Мяне завуць Алёна. Я жыву ў горадзе Бялынічы. У нашай мясцовасці працякае рака друць. А ў вас якая?

–Прачытайце пісьмо. Чыё яно? (Алёніна)

–Хто заўважыў памылку ў тэксце? (Назва ракі напісана з маленькай літары.)

VII.Вынік урока

–Запусціце Ярша ў раку.

//Вучні наклейваюць шаблон Ёрш на шаблон Нёман. І размяшчаюць (наклейваюць) шаблон Ёлка.

–Каму вы хочаце падарыць сваю кампазіцыю? (Алёне, маме, сябру..)

–Якую літару вы навучыліся пісаць?

–Якою ролю яна выконвае ў словах?

–Пакажыце, які настрой у вас у  канцы ўрока. (Вучні паказваюць карткі настрою)

VIII. Рэфлексія

“Лесвіца поспеху”

На мадэлі лесвіцы поспеху размясціце першую літару свайго імя  па выніках работы на ўроку.