Конспект урока по бурятскому языку 2 класс "Асууһан мэдүүлэл"

Хэшээлэй темэ: Мэдүүлэлэй һүүдэ ямар сэгнэлтын тэмдэг табигдахаб?

Зорилго: Үхибүүдтэ мэдүүлэлэй һүүлдэ ямар сэгнэлтын тэмдэг табигдагдахаб гэжэ ойлгуулжа, асууһан аянгатайгаар хэлэгдэһэн мэдүүлэлнүүдые асууһан мэдүүлэл гэдэг гэжэ мэдэсэтэй болгохо.

 Һуралсалай түсэблэһэн дүн (Планируемые результаты)

Буряад хэлээр шадабари (предметные):  мэдүүлэлнүүдые уншаха, схемэ зураха, зохеохо шадабариие үргэлжэлүүлхэ

Метапредметные: бэеэ гуримшуулаад ябаха шадабари (регулятивные УУД): багшатаяа хамта хэшээлэйнгээ зорилго табижа һураха, хэшээлдэ юу хэһэнээ хойно хойноһоонь тоолохо.

Оршон тойрониие шудалха шадабари (познавательные УУД): номоор хүдэлхэ; үгэнүүдэй модель табиха, үгэнүүдые таараха модельтэй тааруулха, зураг хаража, текст уншажа, асуудалнуудта харюусаха, алгоритмаар хүдэлхэ.  

Харилсаха шадабари (коммуникативные УУД): хажуудахи хүнүүдээ шагнаха, тэдэнэй хэлэһэниие ойлгохо, хоёр хоёроор, бүлэгөөр ажаллаха.

Хэшээлэй ябаса:

I.            Эмхидхэлэй үе.

Хонхо шангаар жэнгирбэ,

Буряад хэлэнэй хэшээлдэ

      Булта һайнаар һурая!

II.            Хэшээлэй темэ болон зорилгонуудтай танилсалга

Урда хэшээлдэ бидэ  юрэ хөөрэһэн мэдүүлэл гээшэ юун бэ гэжэ ойлгожо абаабди.

Юрэ хөөрэһэн мэдүүлэлнүүд гээшэ ямар бэ? Иимэ мэдүүлэлэй һүүлдэ ямар сэгнэлтын тэмдэг табигдадаг бэ?

 Мүнөөдэр бидэ асууһан мэдүүлэл гээшэ ямар байдаг бэ гэжэ мэдэхэ болохобди. Хойнонь ямар сэгнэлтын тэмдэг табигдадаг бэ гэжэ ойлгожо абахабди.

III.            Шэнэ темэтэй танилсалга.

Упр. 32  н. 21

- Упражнени уншагты.

- буряад зон ямар үгэнүүдээр бэе бэеэ мэндэшэлдэг бэ гэжэ ойлгообта?

Текст соохи 2-дохи мэдүүлэлэй һүүлдэ ямар сэгнэлтын тэмдэг табяатайб?

- Дүрим уншагты.

-Номоор  ажаллалга

33-дахи упражнени уншаад, ямар мэдүүлэлнүүд үгтэһэн байнаб гэжэ элирүүлэгты.

-          Мэдүүлэлнүүдэй схемэ табигты.

-          Асуудалнуудта харюу үгэгты.

IV.            Бэхижүүлгэ

Упр 35-дахи упражнени соо хоолйн аянгаар асууһан болон юрэ хөөрэһэн мэдүүлэлнүүдые илгагты.

-          Ямар һургаал мэдэхэ болобот?

-          Асууһан мэдүүлэлнүүдэй схемэ харуулагты.

V.            Хэшээлэй дүн. Рефлексия

Гэрэй даабари:  упр 36.