89-г1а
урок.
Урокан ц1е: «
Йозанан элп ы яздар».
1алашо: йозанан элп ы довзийтар.
И ша а , дешнашкахь а яздан 1амор.
Кхочушдан
лерина жам1аш:
1
.Предметни: берашна девзар ду йозанан элп ы.
1емар ду и нийса а ,хаза а дешнашкахь яздан.Берашна
хуур ду дешнаш дешдакъошка декъа а.
2.
Метапредметни:
·
Регулятивни: берашна
хуур ду шайн белхан план х1отто, оцу планан рог1алла а ларъеш дика деша.
Берашна 1емар ду вовшийн кхиамех самукъадала , вовшашна г1о дан. Берашна
хуур ду шайн кхиамаш бовза , царех пайдаэца. Кхачамбацарийн бахьнаш ган , уьш
д1адаха а 1емар ду.Берашна хуур ду буха сиз хьакхарца 1амийна элп
билгалдаккха.
·
Коммуникативни: берашна
1емар ду хьехархочун хаттаршна дуьззина я доцца жоьпаш дала. Хуур ду шайна
оьшург хата , накъосташца а , вокхаччунца а г1иллакхе бистхила.
·
Познавательни: Берийн
алсамдер ду ойлаяр , тидам бар , дешнаш довзар. Берийн шорлур ду фонетически
кхиам.Берашна хуур ду ы элп оьрсийн маттера т1еэцначу
дешнашкахь бен ца лелар ,элп дашна юьххьехь яздеш ца хилар, цундела доккха элп
ы ца хилар.Берашна 1емар ду шайн ц1ахь дуьйна дешаран кхиамаш
баха ойла т1е а ерзина , белхан кечам а болуш хила.
3.
Личностни:берашна хуур ду шайн могашаллина пайдениг ган ,
лело.. Берашна 1емар ду кегий болуш дуьйна шайн амалехь диканиг кхио, вониг
д1ататта.
Урок
д1аяхьар.
1. Маршалла хаттар.
2. Дешаре шовкъ кхоллар.
·
Муьлха элп ду совнаха?
Ё,Щ,Ф,Ы.
-Хун ду цу элпийн юкъара? (Уьш оьрсийн
матера т1еэцначу дешнашкахь бен ца лела).
-Муьлханиг ду совнаха? (Ы).
-Х1унда ? (И вайна яздан ца хаьа).
· Муьлха
элп дайна?
Грозн…ый, в…шка, л…жанаш.
-Д1адеша дешнаш. Муьлха элп дайна? (Ы).
-Муьлха аз билгалдо Ы элпо? (Ы).
-Аз (Ы) мукъа ду я мукъаза ду? (Мукъа).
3. 1алашо йовзийтар.
-Бераш , таханлера т1едилларш аша шаьшша
билгалдаьхна хила дезаш ду. Шайна хазахетачу суьрташ чохь. Х1ун кхиамаш баха
дагахь ду шу?
(Бераша дуьйцу : шаьш х1ун болх бан дагахь ду).
-Вайна тахана девзар ду йозанан элп ы .
1емар ду и элп ша дешнашкахь а кхечу элпех хоьттина а яздан.
4. Йозанан элп ы довзийтар , яздар.
·
Йозанан элпаш ы довзийтар.
-
Бераш , муьлха элп девзира вайна яханчу урокехь? (ы).
-Схьагайта
шайгарчу элпаш юккъехь зорбанан элп ы.
-Хьанна
девза йозанан элп ы? Схьагайта и.
-Доккханиг
хуьлий элп ы? (Ца хуьлу).
-Элп
ы доккханиг ца хуьлу, дешнашна юьххьехь и яз ца до.
-
-Хьан делира дика жоьпаш?
·
Йозанан элп ы яздар.
(Хьехархочо
тептарш т1ехь яздина хила деза элп ы. Уьн т1ехь а гойту элп ы
муха яздан деза).
Т1адам
буьллу лакхарчу белхан мог1анна т1е. Билгалонна беллачу мог1ане терра охьавог1у
. Лахарчу белхан мог1анна т1е кхочуш , хьаьвзаш хьалавоьду мог1анна юккъе
кхаччалц ,т1екъовлу элп . Кхузахь генна лакха к1егарвоьду, лечкъарг юьллуш.
Лечкъарга т1ехула охьавог1у лахарчу белхан мог1анна т1е кхаччалц , юьллу
техкарг, цу т1ера д1а тасалуриг.
ы ы ы ы ы ы ы ы ы ы ы ы ы ы ы ы ы ы ы ы ы ы ы ы Д1аязде
и элпаш . Хазачу элпашна т1ехула т1адамаш дахка.
-Х1ун кхиамаш бехи аша?
·
Дешнашкахь йозанан элп ы яздар.
Уьн т1е д1аяздо дешнаш.
Грозный , вышка, лыжаш.
-Д1адеша дешнаш. Маса дешдакъа ду ГРОЗНЫЙ дашехь?
(Шиъ).
-Х1унда ду шиъ дешдакъа? (Шиъ мукъа аз ду).
-Д1аязде дешнаш , ы элпана буха сиз хьакха.
5. Сада1аран миноташ.
Вай
яздира,
яздира,
Куьйган
п1елгаш к1адделира.
Вай
жима садо1ур ду,
Т1аккха
юха а яздийр ду.
6. 1амийнарг т1еч1аг1дар.
·
ВЫШКА дешан схема х1оттор.
-Муьлха элп ду дуьйцург?
…элпан г1иллакх а довзийти аса,
Дешнашна хьалха и ма леха аша.
-Муьлха дешнаш девза шуна ы элпаца?(Вышка,
лыжанаш,Грозный).
-Маса дешдакъа ду ВЫШКА дешан? (Шиъ).
-Муьлханиг ду хьалхара? Шолг1а?
-Муьлханиг ду хьалхара аз ?(В).
-Аз (В) мукъа ду я мукъаза ду? (Мукъаза).
-Муьлханиг ду шолг1а аз? (Ы).
-Аз(Ы) мукъа ду я мукъаза ду? (Мукъа).
-Муьлханиг ду кхоалг1а аз? (Ш).
-Аз (Ш) мукъа ду я мукъаза ду? (Мукъаза ду).
-Муьлханиг ду доьалг1а аз? (К).
-Аз (К) мукъа ду я мукъаза ду? (Мукъаза).
-Муьлханиг ду пхоьалг1а аз? (А).
-Аз (А) мукъа ду я мукъаза ду? (Мукъа).
-Маса аз ду ВЫШКА дашехь? (Пхиъ).
-Маса элп ду? (Пхиъ).
-Маса еък1ов хила еза вайн схемин? (Пхиъ).
-Йилла схема.
·
Предложени язъяр.
Уьн т1е язйо предложении.
Вайн махкахь дуккха а
вышканаш ю.Цара схьаузу лаьтта бухара мехкадаьтта.
-Д1аеша предложенеш. Муьлханиг ду т1еэцна
дош? (Вышка).
-Д1аязъе и предложенеш.
7. Жам1 дар.
-Чакхъяккха сан ойла:
Вышка, Грозный, лыжанаш дешнашкахь хеза аз ..(ы).
Аз (ы) йозанехь билгалодо …(ы) элпаца.
Аз (ы) лакхало, цундела иза ду ….(мукъа аз).
Элп ы ца хуьлу нохчийн дешнашкахь , хуьлу
т1еэцначу ….(т1еэцначу) дешнашкахь.
8. Рефлекси.
-Х1ун кхиамаш бехи аша? Хьан бина шен болх дика
кхочуш?
-Кхана а дуьйла шайн белхан план а х1оттаяй , и
кхочушбан г1ирс а хилийта шайгахь.
