Конспект урока по крымскотатарскому языку на тему: "Джумле. Икяе,суаль,нида".

Къырымтатар тили дерси. 5-А, 5-Бсыныф.

Мевзу: Джумле. Икяе, суаль ве эмир джумлелери.

Макъсат: Джумле акъкъында талебелернинъ бильгилерини юксельтюв, джумлелернинъ  чешитлери, къырымтатар тилине севги ашлав.

Дерснинъ донатылувы:дерслик, карточкалар, ресимлер.

Дерснинъ кетишаты

1.Тешкелий къысым.

- Мерабанъыз, сайгъыллы талебелер!

2.Эв вазифеси тешкерюв. 

- Неге биз джумле деймиз?

3.Балалар суаллерге джевап бере.

-Сенинъ адынъ недир?

-Сенинъ ананънынъ ады недир?

-Сизинъ сыныфынъызда  къач талебе окъуй?

-Сизинъ дерслеринъиз саат къачта башлай?

-Сен къач яшынъдасынъ?

(Талебелер  бири-бирине суаль берип  джевабыны айталар)

4.Янъы  мевзуны анълатув.

-Энди биз сизнен янъы мевзунен таныш олайыкъ. Джумлелер  макъсадына  коре учь тюрлю  ола: икяе, суаль ве эмир джумлелери.

Икяе джумлесинде  бир шей  акъкъында хабер я да икяе этиле.

Меселя: Мен къорантамны пек севем.

Суаль джумлесинде бир кимсе я да бир шей акъкъында сорала.

Меселя: Сен къорантанъны севесинъми?

Эмир джумлесинде риджа, эмир, теклиф, ялварув, нашат, мураджаат киби маналарны бильдир.

Меселя: Сен къорантанъны севмек керексинъ!

5.Дерсликнен чалышув.

Келинъиз биз шимди балалар дерсликтен чалышайыкъ. Джумлелерни окъуп насыл джумле олгъаныны анълатайыкъ.

6. Раатлыкъ дакъкъасы.

7.Икяе джумлелерни суаль джумлелерине  айландырынъыз.

1.Бабамны футбол оюны пек меракъландыра.

2.Ярын денъизге бараджакъмыз.

3.Биз бугунь беш  алдыкъ

4.Къартанам манъа чиберек пиширди.

8.Эр бир   сырада джоюлгъан  сёз бар. Оларны тапынъыз ве келишкен сырагъа къоюнъыз.

1.Шефтали, эрик, согъан, вишне.

2.Баш, козь, кевгир, бурун.

3.Къартоп, бибер, армут, сарымсакъ.

4.Тавшан, къаплан, папий, аюв.

5.Къолтава, табакъ, агъыз, къазан.

6.Торгъай, къаз, къашкъыр, къаргъа.

7.Юзюм, къавун, кираз, хавуч.

9.Пекитюв

-Джумлелер къач тюрлю ола биле?

-Мисаллер  кетиринъиз.

10Лугъат иши:

Икяе джумле-повествовательное предложение

Суаль джумле-вопросительное предложение

Эмир джумле- повелительное предложение.

Теклиф, ялварув-просьба

10.Эв вазифеси.

Экишер икяе, суаль ве эмир джумлелер тизип дефтерлеринъизге  язынъыз.