Конспект урока по крымскотатарскому языку на тему "Обращение" для 5 класса

План урока по крымскотатарскому языку

Мевзу: Хитап ве онынъ имлясы.

Сыныф-  5

Дерснинъ макъсады:

 - хитап акъкъында малюмат бермек, онынъ эмиетини бельгилемек;

Дерснинъ вазифлери:

Окъутув

·        хитап акъкъында бильгилерни зенгинлештирмек.

·        джумлелерде хитапны айырмакъны ве токътав ишаретлерни догъру къоймакъны огретмек;

Инкишаф этюв:

·        талебелернинъ агъзавий ве язма нутукъларыны,

·        лингвистик ве коммуникатив компетентликлерни инкшаф этмек ве муккемелештирмек;

·        сёз байлыгъьны арттырмакъ

Тербие этюв:

·          ана тилине севги ашламакъ,  

·          самимийлик дуйгъусыны арттырмакъ

Дерснинъ донатулывы: слайдлар, проектор, компьютер, схемалар. Дерснинъ чешити: янъы бильги алув  дерси.

Дерснинъ кетишаты.

1.   Тешкилий къысым

а) Селямлашув.

- Мерабанъыз, балалар!Сизлерни корьмеге мемнюм олдым

     б) Мотивация: Балалар, мен икметли бир икяени сизге анълатмакъ истейим.

Бир яш йигит озь оджасына келип айта:

- Оджа, мен эр кунь, Сиз огреткени  киби, «къуванчыны озь аятыма  къабул этем» деп сёзлерни текрарлайым, амма  аятымда ич бир къуванч ёкъ.

Икметли оджасы йигитнинъ огюне къашыкъ, фильджан ве мум къоя.

- Буларнынъ арасындан бирде бир шейни сайла.

- Мен къашыкъны сайладым, - деди йигит.

- Бу сёзлерни беш кере текрарла, - айтты оджасы. Йигит беш кере сёзлерни текрарлай.

- Мына коресинъ, истесенъ бинъ кере текрарла, амма бу къашыкъ сенинъ олмады. Демек, бу шей сенинъ  олмасына  не япмакъ керек?.

- Не япмакъ керек оджам? - сорады йигит.

- Къолыны узатып, бу къашыкъны алмакъ керексинъ, - айтты оджасы.

Мен де сизге, оджа оларакъ, бугунъки дерснинъ бильгилерини алып, амелиатта къулламакъны риджа этем.

2.           Бильгилерини актуаллештирюв:

     а). Субет суаль-джевап шекилинде                                         (слайд 2)

Кечкен дерсте сиз «Кириш сёзлер » мевзусынен таныш олгъан эдинъиз.

1.     Кириш сёзлерни айткъанда, я да окъугъанда, насыл къайд этилелер? (интонациянен)

2.     Кириш сёзлерни языда  насыл токътав  ишаретине къайд этемиз? (виргульнен)

3.     Кириш сёзлернинъ мисаллерини   кетириньиз. (мумкюн олса, багъышланъыз, лютфен, эльбет, бельки, гъалиба....)

б) Вазифе: Теркибинде кириш сёз олгъан джумлелерни бельгиленъиз                    (слайд 3)

А) Тюневин Али агъамыз кельди.

Б) Биз, гъалиба, берабер бир мектепте окъуймыз. В) Сагълыгъынъ насыл, Алиме?                

Г) Эбет, сен догъру айтасынъ!

Д) Айше, менимдже, ишке кетти.

3. Дерснинъ мевзу  ве макъсадны бильгилеви.

Бу дерсте биз янъы мевзунен таныш оладжакъмыз. Умют этем, сиз ичюн дерс меракълы олур. Сизлер янъы бильгилер алып, чешит мешгулиетлер устюнде чалышаджакъсынъыз. Мен эминим ки, Сиз оларны беджерип олурсынъыз.

Дерсимизнинъ суаллерни бельгилеймиз:

1.     Хитап – бу не?

2.     Хитапнынъ эмиети?  

3.     Джумледе ери?

4.     Токътав ишаретлер – (насыл?,  къайда?,  не ичюн?..)

-  Бу суаллерге джевапларны берип олурсынъыз, беджерерсинъ?

- Эдие, сен насыл тюшюнесинъ?

-   Сен,Эдем , айттып олурсынъ?

-   Балалар, я мен тамамен сизге мураджаат эткенини (суаль бергенини) сиз насыл анъладынъыз? (Догъру, мен адларынъызны айтып, сизге суаль бердим.) Демек, мен сизге хитап эттим.

-   Ким айтыр, хитап сезнинъ манасы недир?

-   Бу сезнен танышсынъыз?                                                     (Слайд 1)

Слайдда олгъан джумлелерни оджа чешит интонациянен  окъуй.     (Слайд 4)

·        «Балалар, мьшда келинъиз», - деди оджа.

·        «Келинъиз, азиз балалар, мында», - деди оджа.

·        «Мында келинъиз, балалар», - деди оджа

·        «Балалар! Янъы йыл байрамы хайырлы олсун!»

Оджанынъ суаллери:

- Оджа кимге айта?

- Оджа мураджаат эткенде, насыл сёзлернен дикъкъатны чекмеге истей? (Балалар, азиз балалар)

- Бу джумлелерни татиль этсек, меракълы сёзни тапмакъ мумкюн. О, муим, керекли функцияны беджере. Бу сез кимгедир мураджаат этип айтыла, бир де бирини адландыра. Адландыргъан сез - бир сез дегиль, сез бирикме де ола билир (меселя, азиз балалар.)

Бу сезге я да сез бирикмеге  ХИТАП дейлер

Нуткъымызда бу сезлерни теляффуз эткенде айры бир интонациянен айтамыз.

- Я языда бойле сёзлерни насыл бельгилейджемиз? Ким айта билир? (бир ишаретнен, токътав ишаретнен. Джумледе хитап виргульнен айырыла).

- Джумлелерге бакъкъанда, хитаплар къаерде ола (тура) билир? (Хитап джумленинъ башында, ортасында, сонъунда келе биле).

 Эгер хитап джумленинъ башында келип , эеджаннен айтылса, ондан сонъ нида ишарети къоюла. Хитап исимлернен ифаделене. Исимлер эм джыные эм де хас ола билелер.                                                                    Слайд 5 (Кластер)

4.    Оджанынъ ярдымымнен талебелер Кластерни толдуралар.

4.1. Ильк алгъан бильгилерни пекитюв:

1. Иджадий иш. Хитапнен кельген джумлелернинъ схемаларны тизмек. Слайддаки язылгъан джумлелернинъ схемалар тизийик.     Слайд 4

Хитапны ерине тегеречик сызамыз, ве онынъ ичинде X арифини язамыз. (Х)

Биринджи джумледе кимге мураджаат этемиз, хитаптан сонъ насыл ишарети тура?.

1-джи джумленинъ схемасы - [Х, ....]

Экинджи джумледе кимге мураджаат этемиз, хитап огюнде ве сонъунда насыл ишаретлери тура?

2-джи джумленинъ схемасы - […, Х, …]                     Слайд   6         

Учюнджи джумледе кимге мураджаат этемиз, хитап огюнде насыл ишарети тура?

3-джи джумленинъ схемасы - […,Х].

Дёртюнджи джумледе кимге мураджат этиле, хитап огюнде насыл ишарети тура?

4-джи джумленинъ схемасы - [Х! ....]

Иджадий ишнинъ нетидже чыкъарув (ОЮН шекилинде).

Оджа джумленинъ башы айта, талебелер оны битире:

-              Эгер хитап джумленинъ башында олса, виргуль ....

-              Эгер хитап джумленинъ ортасында олса, виргуллер....   

-              Эгер хитап джумленинъ сонъунда олса, виргуль....

-              Машалла! Энди бираз раатланайыкъ.

5.       Раатлыкъ дакъкъасы

6. Пекитюв:

1. Талим  мешгъулиетлер устюнден чалышув                  слайд 9

1   сыра - хитап джумленинъ башында кельген джумлелерни язып ала.

2   сыра - хитап джумленинъ ортасында кельген джумлелерни язып ала.

3   сыра - хитап джумленинъ сонъунда кельген джумлелерни язып ала.

  Эльмаз, ишлеринъ насыл?          

  Ах, сен ярамаз, не ичюн мени къоркъуттынъ.

  Бизге бугунь мектюп кельди, балам.

  Саба шерифинъиз хайырлы олсун, къартана!

  Сервер, сен шимди насыл китап окъуйсынь?

  Бу шиирни, Кемал, эзберлемек керек.

2. Йырларны динълеп, хитапларыны тапынъыз.              Слайд 10

1.     Эбабиль                              2. Арманчыкъ

2.     Уч къушчгъым.                  4. Айнени

3. Слайдда схемалар бериле. Талебелер схемаларгъа эсасланып, джумлелер тизелер.                                      Слайд 11

[О, ... ]. схемадан  къызлар тизелер.

[..., О].- схемадан  огъланлар тизелер.

Талебелернинъ тизген джумлелерни тешкерюв.

7. Дерснинъ нетиджеси.

Оджанынъ талебелернен суаль-джевап субети.                Слайд 12

1.     Биз дерсте нени огрендик?

2.     Озь нуткъынъызда хитапларыны айырып олурсызмы? Насыл?

3.     Языда хитап насыл токътав ишаретлеринен къайд этиле?

4.     Хитаплар насыл сез чешитине аит?

8. Эвге вазифе берюв:

3 джумле уйдырып язаджакъсынъыз, хитаплар джумленинъ ортасында олмакъ кереклер                                                         

Схема […., Х,...].