Конспект урока по крымскотатарскому языку 4 класс на тему антонимы

         4 сыныф Ана тили

Мевзу:     «Антонимлер»

Оджа : Алимова.З.С.

МБУМ Гришино мектеби

2019-2020 окъув сенеси

Макъсат: - антонимлер акъкъыцда малюмат берюв,оларнен джумлелер тизюв,джумлелерде догьру бельгилев,мевзуны мешгъулиетлернен пекитюв;

-агьзавий ве язма нутукъларны зенгинлештирюв ве инкишаф эттирюв;

-ана тилине севги ашлав.

Донатма: дерслик,дефтер, карточкалар,корьгезме васталардестлер, джедвель, булмача*

Дере кетишаты

Тешкилий къысым

Селямлашув

Невбетчинен субет

Талебелернинъ бильгилерини актуаллештирюв:

1. «Къыш» мевзусында субет: /

а)   Шимди насыл йыл мевсими?

б)   Къышнынъ насыл айлары бар?

в)  Къыш вакътында табиатта насыл денъишмелер ола?

г)   Къышта балалар уасыл оюнлар ойнайлар?

д)   Къышта насыл кийинмек керек?

2.Эв вазифесини тешкерюв: ( берильген сёзлерге синонимлерни тапмакъ)

Рузгяр, эль, акъ, юзь )Ладам , къырмызы

Джумлелер тизмек.

                                                                            Булмача

1 .Акъшам олса,корюнир.

Саба олса джоюлыр

2 .Бир ерде атеш яна. Бутюн дуньяны къыздыра.

Арабагъа екиле, Арпа.джылап бегене.

Дёрт аякълы,туякълы, Бою алчакъ.

Юнюнден анам оре Чорап ве къолчакъ.

5. Кошеде тыпыр - тыпыр, Кимдир экен бу ишкир?

6. Бу айвандыр - йыртыджы, Озю сары,айнеджи. Яшай дагъда.ювада, Тавукъ тутмакъ мурады.

7. Бир сёнер,бир янарым, Тийген ерни якъарым.

Антонимлер ярдымынен биз сёз байлыгъымызны арттырамыз, нуткъумыз дюльберлеше, зенгинлеше.

Янъы мевзу:

1.Дерс макъсатларынен таныштырув: Антонимлер не олгъаныны анълатмакъ, оларны догъру бельгилемек, оларнен джумлелер тизмек; озь нуткъумызны зенгинлештирмек ве тувгъан тилимизде догру къулланмакъ.

Оджа : демек, талебелер, бугуньки мевзумызнынъ ады - Антонимлер.

Лугъат иши: къаршы - противоположный

Мана - значение

Топлар, биберлер, кягъытлар, къалемлер вастасынен джедвельнен чалышып, мевзуны анълатув.

Антонимлер
Балабан	(топ)	Кучюк (топ)
Аджджы	(бибер)	Татлы (бибер)
Беяз	(кягъыт)	Къара (кягъыт)

Башкъа тиллернен багълав (рус тилинде: большой - маленький, горький - сладкий; украин тилинде: великий - маленький, пркий - солодкий)

Инсан не къадар чокъ тиль бильсе, о къадар бильгили, медениетли олур.

Демек,балалар,ким айтаджакъ,антонимлер бу насыл сёзлер?

Антонимлер недир?

Догъру, антонимлер - бу къаршы маналы сёзлердир.

Анъладынъыз? Суаллер бармы? Олмаса, девам этейик. Энди биз шу мевзу боюнджа оюн шекильде бир къач вазифелер беджереджекмиз.

Пекитюв:

1.Биринджи оюнымыз - Аксини айт оюны. (Оджа талебелерге джумлелерни окъуй, талебелер етишмеген сёзлерни тапып, берабер айталар)

Мен санъа якъын десем,

Сен манъа ... дейсинъ.

Мен санъа узун десем,

Сен манъа ... дейсинъ.

Мен санъа сыджакъ десем ,

Сен манъа ... дейсинъ.

Мен санъа къоркъакъ десем,

Сен манъа ... дейсинъ.

Мен санъа тузлу десем,

Сен манъа ... дейсинъ .

Оюннынъ башы десем,

Сен манъа ... дейсинъ.

2.Раатлыкъ дакъкъасы:

Биз турамыз, отурамыз,

Дефтеримизни ачамыз,

Кереги киби къоямыз.

Къалемни къолгъа аламыз,

Раледе догъру отурамыз,

Темиз ве дюльбер язамыз.

3.Лото оюны ( Оджа карточкалар таркъата. Карточкаларда аталар сёзлери язылгъан . Эр бир карточканынъ озь ракъамы бар. Кимнинъ ракъамы чыкъса, о окъуй, антонимлерни айта ве тахтада яза. Сонъ шу антонимлернен джумлелер тизиле.

Аталар сёзлери: 1. Йипнинъ узуны яхшы,сёзнинъ къыскъасы.

2.Яхшылыкъ яманълыкътан къуветлидир.

3. Досткъа дост ол, душмангъа - душман.

4.Къыйыш терек догъру осьмез.

5. Не балдан татлы ол,не зеэрден аджджы ол.

6. Алгъан бильмез,берген билир.

7. Къартлар кельсин ашкъа, яшлар кельсин ишке.

4.Дерсликнен чалышув:

115 - нджи иш (антонимлернен джумлелер тизюв ве оларны тахтада язув)

 

                                                                                 ТЕСТ

1. Антонимлер - бу:

    а) манадаш сёзлер б) къарма- къаршы сёзлер в) аддаш сёзлер.

2. Янъы сёзюнинъ антоним чифти:

   а) эски б) чиркин в) дюльбер

3. Яхшы сёзюнинъ антоним чифти:

  а) догъру б) яман в) къыйыш

4. Саба сёзюнинъ антоним чифти:

а) кеч б) акъшам в) ярын

5. Агъыр сёзюнинъ антоним чифти:

    а) къолай  б) къалын в) енгиль

6. Юксек сёзюнинъ антоним чифти:

    а) буюк б) алчакъ в) балабан

Дере нети джеси:

1. Балалар, биз бугунь насыл мевзуны огрендик?

2. Антонимлер – бу насыл сёзлердир?

3. Мисаллер кетиринъиз.

Эв иши: 119- ынджы иш Баалав.

Краткое описание документа:

Конспект урока по крымскотатарскому языку на тему антонимы.В данном конспекте изложен материал на тему Антонимы изучающиеся в 4 классе.

Антонимы - это противоположные значение слова, которые используются в разных языках для обозначение противоположности слов.Например холодное(горячие),белое черное и т.д.