Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Русский язык и литература / Конспекты / Конспект урока по литературе "Герд и символизм"

Конспект урока по литературе "Герд и символизм"

  • Русский язык и литература

Поделитесь материалом с коллегами:


Кузебай Герд но символизм. Урок – пресс-конференция. ( 2 час)

Уроклэн валтись ужпумез (целез):

 1. Эскероно символизмлэсь тодметъёссэ, Кузебай Гердлэн но зуч поэтъёслэн лириказы вылэ пыкъяськыса.

Уроклэн ужпумъёсыз (задачаосыз):

 1. Кузебай Гердлэн биографиезлэсь но творчествоезлэсь аспортэмлыкъёсыныз тодматонэз азьланьтоно.

2. Дышетскисьёслэсь творческой быгатонлыкъёссэс азинтоно: литературной произведенилы анализ, выразительной лыдзиськон.

3. Вордскем шаерез, ортчемезлы но вашкалаезлы яратон но гажан мылкыд пычатоно.

Оборудование: Кузебай Гердлэн книгаосыныз но сборникъёсыныз выставка, солэн произведениосызъя суредъёс, Кузебай Гердлэн, М. Лохвицкаялэн, В.Брюсовлэн портретъёссы, мультимедийной оборудование.

Литература:

  1. Богомолова З.А. Голоса эпохи.// «Если б счастье мое было вольным орлом…». С. 376.

  2. Шкляев А.Г. Времена литературы- времена жизни. Ижевск: Удмуртия.1992.

  3. Шкляев А.Г. Араны егит муртъёс лыктозы. Устинов: Удмуртия. 1986.

Пресс-конференцилы дасяськыку, нылпиослы портэм ужъёс сётоно: тодэ ваёно Гердлэсь азльло дышетэм но лыдзем кылбуръёссэ, валэктоно, мар со пресс-конференция, кызьы со ортче; зуч литератураысь символизм амалэн гожъяськись поэтъёсты - М.Лохвицкаяез, В. Брюсовез - тодэ ваёно, соослэсь кылбуръёссэс эскероно.

Дышетскисьёс азьло ик люкисько куать группалы, пресс-конференциез дасяны но нуыны юртто.

1-тиез группа – эскерисьёс-тодосчис яке «литераторъёс». Таиз группа эскере но дася символизм тулкымлэсь тодметъёссэ.

2-тиез группа тодматске Мария (Мирра) Александровна Лохвицкаялэн но Валерий Брюсовлэн творчествоенызы, критикъёслэсь статьяоссэс дася.

3-тиез группа тодматске Кузебай Гердлэн «Чугун сюрес», «Бусы», «Чагыр кышет» кылбуръёсыныз, Кузебай Гердлэсь творчествоезлэн зуч символистъёсын кусыпъёссэ эскере.

Пресс-конференцилы оформление дасяло кык дышетскисьёс. Соос дасяло Кузебай Гердлэн, М.Лохвицкаялэн, В.Брюсовлэн книгаосынызы выставка, поэтъёслэсь портретъёссэс, быгато презентация лэсьтыны.

«Журналистъёс» (кык дышетскись) пресс-конференцилэсь мынэмзэ эскеро-возьмато: пичигес статьяос гожто, кудъёссэ лыдзо урок пумын.

«Библиотекаръёс» (кык дышетскись) юртто темая книгаос, кылбуръёс шедьтыны.

Одигез дышетскись пресс-конференцилэсь ортчемзэ чакла-эскере, котькуд дышетскисьлэсь ужамзэ дунъя, ужамзылы рецензия сётэ.

Класслэн (заллэн) шораз яке жок сьорын конференциез нуись (дышетись) но «корреспондентъёс» (дышетскисьёс), кудъёсыз темая портэм юанъёс сётъяло. Юанъёссы азьло ик дышетисен эскеремын-тупатъямын луыны кулэ.

Уроклы эпиграф:

Та яратон – чагыр кышет…

Уроклэн мынэмез.

1. Нуись (дышетись): туннэ асьмеос люкаським «Кузебай Герд но символизм» пресс-конференцие, кудаз отемын корреспондентъёс (нимъёссэс верано) но куноос. Корреспондентъёслэн юанъёссылы валэктон сётозы 1-ти жок сьорын пукись тодосчиосмы- литераторъёсмы. Кыкети жок сьорын пукисьёсмы тодматозы зуч поэтъёслэн М.Лохвицкаялэн но В. Брюсовлэн творчествоенызы. Куинетиез группа возьматоз Кузебай Гердлэн творчествояз символизм тулкымлэсь пычамзэ, зуч кылбурчиослэсь дышетскемзэ. 4-тиез жок сьорын пуко суредасьёсмы-оформительёсмы. Соос юрттизы залмес тупась темая чеберъяны. Нош «журналистъёсмы» чаклалозы-вералозы ужаммы сярысь, конференцилэсь яркыт интыоссэ возьматозы. «Библиотекарьёсмы» литературалы обзор лэсьтозы, тодматозы кылбур бичетъёсын но произведениосын. Быдэсак дунъялоз но чаклалоз конференцилэсь ортчемзэ дунъясьмы (нимзэ верано).

Пресс-конференцилэн ужпумъёсыз:

  1. Тодоно-эскероно, мар со символизм, кыче солэн тодметъёсыз но аспортэмлыкъёсыз.

  2. Тодматсконо символизм тулкымлэсь удмурт литературае пычамзэ, Кузебай Гердлэн творчествоез вылэ пыкъяськыса. Критической литератураез та темаеэ эскеремзэ возьматоно.

  3. Тодматсконо зуч символистъёслэн – М.Лохвицкаялэн но В.Брюсовлэн - куд-ог яркыт произведениосынызы.

Дышетись вера Кузебай Гердлэн биографиысьтыз яркыт тодметъёссэ, Москваын дышетскем аръёссэ, тодмо зуч поэтъёсын но писательёсын зеч кусып воземзэ, презентаци возьматэ. Собере дышетись кыл сётэ «корреспондентъёслы».

«Корреспондентъёслэн» юанъёссы:

  1. Валэктэ литератураысь символ терминэз но «символизм» тулкымез. 1-ти группа: Символ (грек кылысь – пус, тодман пус) - кылын вераны луонтэм валатонэз кыче ке образ пыр пусъён. Символлэн пуштросэз трос пумо луэ, кылсярысь Р.Валишинлэн романысьтыз «Тол гурезь» символ яке нылкышно лирикаысь «сяська». Символизм – лулчеберетын 1870-1910 аръёсысь нимысьтыз тулкым, гожъясьёс возьматоно дуннелэсь адскисьтэм, лушкем пуштроссэ но солэсь чеберлыксэ шараяны тыршо. Та ласянь удмурт литератураын тодмо луэ К.Герд, со В.Брюсов символист дорын дышетскиз.

  2. Вералэ зуч литератураысь В.Брюсов но М.Лохвицкая символистъёс сярысь. Кыче пытьы соос кельтизы Гердлэн творчествояз? Мария (Мирра) Александровна Лохвицкая (портретэз экран вылын) 19 даурлэн пумысьтыз – 20- даурлэн кутсконысьтыз зуч кылбурчи улиз туж вакчи но яркыт творческой улонзэ – 1869- 1905, 36 арес. Поттэмын куинь кылбур бичетэз. Нырысетиезлы сётэмын Пушкин нимо премия - 1896 арын. Зуч литературае пыриз таче яркыт нимъёсын артэ: В. Брюсов, С.Андриевский, К.Фофанов. Тодмо луиз символизм амалэн гожъяськеменыз. Тани мар гожтэ солэн творчествоез сярысь тодмо критик З.А.Богомолова: «Символисты-романтики. Их поэзия не могла не привлечь мечтательную, порывистую в своих идеальных представлениях о гармоничном мире М.Лохвицкую. Ее поэзия – взлет (радость) или падение (трагедия) духа. Романтизм (символизм) входил в поэзию, в миросозерцание поэтессы и содержательной, и формальной стороной, как и в творчестве ее великих современников В.Брюсова, К.Бальмонта, А.Блока. … Лирика Лохвицкой – сердечный порыв, горячность ( «Я жажду наслаждений знойных»), что определило ритмику, интонацию, музыкальность ее поэзии. Лирику Лохвицкой можно назвать медитативной, сосредоточенной на любви, радости, печали, обращенной к идеалу (небесному, земному), отличавшейся тонкостью, изяществом передачи переливов чувств, настроений, выражением надежды на вечное и мгновенное бытование «живой души» - так рождалась ее философия жизнеутверждения: «Забыта скорбь земли. Перед нами вечность», и как предвкушение счастья: «Забыта печаль в грезах чистых». Эти темы и мотивы пленили молодого Герда, он нашел родство со своими романтическими идеями». Мукетыз дышетскись лыдзе М. Лохвицкаялэсь кылбурзэ.

Если б счастье мое было вольным орлом

Если б счастье мое было вольным орлом,
Если б гордо он в небе парил голубом,-
Натянула б я лук свой певучей стрелой,
И живой или мертвый, а был бы он мой!

Если б счастье мое было чудным цветком,
Если б рос тот цветок на утесе крутом,-
Я достала б его, не боясь ничего,
Сорвала б и упилась дыханьем его!

Если б счастье мое было редким кольцом
И зарыто в реке под сыпучим песком,-
Я б русалкой за ним опустилась на дно,
На руке у меня заблистало б оно!

Если б счастье мое было в сердце твоем,-
День и ночь я бы жгла его тайным огнем,
Чтобы, мне без раздела навек отдано,
Только мной трепетало и билось оно!

Та кылбурез лыдзыса, егит Герд бурдъяськиз. Озьы кылдиз солэн «Шуд» кылбурез. (кылбурез луэ шара лыдзыны)

  1. Кызьы валэктэ Кузебай Герд « шуд» кыллэсь пуштроссэ?

Куинети группаысь дышетскись вера: Гердлэн лирической героез аслыз шуд уг утча яратонысь, ас понназ уг - вань калыклэн шудэз со понна дуногес. Символъёссы поэтъёслэн огкадесьгес луо: (экран вылын возьматоно)



Герд

Лохвицкая

Душес

Орел

Дуно зундэс

Редкое кольцо

Чебер сяська

Чудный цветок

Гердлэн героез – калыклэн шудэз понна нюръяськись. Гердлэн «Мон»-эз – со «Ми» - калык. Гердлэн «шудэз» пычамын гражданской лирикаен - со вань калыклэн шудэз, Герд оске ас калыкезлы, гажа сое.

  1. Кыче пытьы кельтиз Гердлэн творчествояз В.Брюсов?

Кыкети группаысь дышетскись: Валерий Брюсов (портретэз экран вылын) – зуч поэт, символизмлэн тулкымлэн валтись кылбурчиез. Вордскиз 1873 арын Москваын.Университетын дышетскыкуз, «Русские символисты» книгазэ поттиз. Брюсовлэн кылбуръёсаз ваче пумит сылись образъёс чемгес пумиськыло: улон – яратон, улонэз ужен вормон, выль улонэз данъян. Валтись лирической геройёсыз но солэн ваче пумит пуктэмын кадь: кужмо нюръяськись но улонэз каргась адями. Брюсовез лыдъяло Пушкинлэсь творчествозэ улзытисен. Выль сямен со шоры учкисен. «Брюсов приобрел репутацию мэтра литературы, его почитают, как "первого в России поэта" (А.А.Блок), "восстановившего позабытое со времен Пушкина благородное искусство просто и правильно писать" (Н.Гумилев)». З.А.Богомоловалэн гожтэмезъя, «Непосредственными моими учителями, - писал Герд в статье «Вотяцкая художественная литература,- были известные русские поэты: Валерий Брюсов, Иван Рукавишников, Георгий Шенгели, под непосредственным руководством которых я работал. Каждый из названных поэтов связан с символистами и организационно, и творчески». В.Брюсов – Герд понна одигез самой гажано но яратоно поэт. Соин ик солэн творчествояз яркыт пытьы кельтиз Брюсов-символист. «Ощущение в пути себя было присуще В.Брюсову», - гожтэ зуч критик Антокольский. Герд но – улонэз яратись, азьлань чебер малпанъёсын дыртись поэт.

В.Брюсовлэсь кылбурзэ («Век за веком», «сын земли» яке мукет сэ дышетись дэмламъя) лыдзе кыкети жок сьорысь дышетскись.

Мукетыз дышетскись шара лыдзе К.Гердлэсь «Чугун сюрес» кылбурзэ.

Куинети группаысь дышетскисьёс шара лыдзо «Бусы» но «Чагыр кышет» кылбуръёсты.

Дышетись дэмламъя вань группаосысь нылпиос кылбуръёслы анализ лэсьто. Соослы юртто «корреспондентъёс», «журналистъёс», «библиотекаръёс». Кылбуръёслы анализ лэсьтыны юртто таче юанъёс (экран вылын): 1. Кыче валтись малпанэз кылбурлэн? 2. Кыче символъёс юртто поэтлэсь мылкыдзэ шараяны? Кызьы? 3. Кыче куараос чемгес пумиськыло та кылбуръёсын? Кызьы герзаны луэ со куараосты лирической геройлэн мылкыдыныз но кылбурлэн валтись малпанэныз? 4.

Анализ лэсьтэм бере, корреспондентъёслэн куремзыя, «библиотекаръёс» кылбур бичетъёсын тодмато.

Кыл сётиське «журналистъёслы». Нылпиос лыдзо конференци куспын гожтэм вакчияк заметкаоссэс, статьяоссэс.

Эскерись-чаклась дышетскись котькуд дышетскисьлы дунъет сётэ.

Дышетись огъя йылпумъян лэсьтэ. Дышетскисьёс верало урок сярысь малпанъёссэс.





Мерзлякова Надежда Николаевна, Лудорвай школаысь удмурт кылъя но литературая выли категориен дышетись.











Автор
Дата добавления 14.12.2015
Раздел Русский язык и литература
Подраздел Конспекты
Просмотров131
Номер материала ДВ-257971
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх