Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Конспект урока по татарскому языку на тему "Сүз төркемнәре. Кабатлау."( 3 класс)

Конспект урока по татарскому языку на тему "Сүз төркемнәре. Кабатлау."( 3 класс)

  • Начальные классы

Поделитесь материалом с коллегами:

Сүз төркемнәре. Кабатлау.

Максат:

1) “Сүз төркемнәре” темасын гомумиләштереп кабатлау.

2) Укучыларның уйлау, фикерләү сәләтләрен, иҗади активлыкларын, сөйләм телләрен, тест белән эшләү күнекмәләрен үстерү;

3) Әти-әниләргә, олыларга мәхәббәт, туган телне ярату хисләре тәрбияләү.

Җиһазлау: интерактив такта,док.камера, компьютер, карточкалар.



Дәрес барышы.

I.Оештру өлеше. Уңай эмоциональ халәт тудыру.

- Барыгызга да хәерле иртә! Елмаеп, күтәренке күңел белән дәресебезне башлыйбыз.

II. Төп өлеш.

1) Кереш әңгәмә.

Гаилә” рәсеме буенча әңгәмә.

- Бу рәсем сезгә танышмы? Нәрсәне аңлата?

- Әйе, сез өйдә бер гаилә, мәктәбебездә бер гаилә булып яшибез, сыйныфта үзебез бер гаилә кебек. Шушы гаиләдә без нинди телдә сөйләшәбез?(туган телебездә) Бу матур сүзләр безнең дәреслегебездә тупланганнар, алар да бер матур гаилә булып яшиләр.

2) Матур язу күнегүе. Бирелгән сүзләрдән җөмлә төзеп язарга.(сүзләр чәчелеп бирелә)

Мин тату гаиләдә яшим.

3) Сүз төркемнәрен кабатлау.

- Җөмлә нәрсәләрдән тора?

- Сүзләр турында нәрсә әйтә аласыз?(сүзләр төрле була, төрле мәгънә белдерәләр)

- Әйе. Төрле мәгънә белдерүләренә карап. Сүзләрне төркемнәргә бүләләр. Сүз төркемнәреннән исем, сыйфат, фигыль турында беләбез.

4) Биремнәрне үтәү һәм исем, сыйфат, фигыль турында кабатлау.

А) Нокталар урынына тиешле хәрефләр куй.

(Укучылар интерактив тактада эшлиләр)

А...ма, ...ни, бал...лар, ...ти, й...рт.

- Сүзләргә сорау куегез. Исем дип нәрсәгә әйтәләр?

Б) Кайсы сүз артык?

Матур, уйный, шатлана, эшли.

В) Сүзләрне парлап тоташтыр.

Акыллы кояш

Якты бала

Тәмле бәйрәм

Күңелле аш

- Сыйфат дип нәрсәгә әйтәләр?

5) Мин әнигә булышам (Ә.Габиди)

Әни пәрәмәч пешерә

Вак итеп, тәмле итеп:

Без табында чәй эчәбез

Бергәләп, тәмле итеп.

Мин дә булыштым әнигә

Пәрәмәчләр ясарга.

Үзең эшләгәч, тәмле ул –

Кирәк эшләп ашарга!

1нче төркем – исем, 2нче төркем – сыйфат, 3нче төркемгә фигыль табып язарга.

6) Физкльтминутка. (Музыка куела)

7) Иҗади эш. “Минем гаиләм” кечкенә күләмле хикәя төзү.

- Дәрестә нинди сүзләр еш очрый?

(әти, әни, балалар, гаилә)

- Әйе, әти-әниләр – гаилә башлыклары. Гаилә кемнәрдән тора? Гаилә кешеләре ничек яшәргә тиешләр?(Укучылар кыскача үз гаиләләре турында сөйлиләр)

- Тату гаиләдә яшәү – бик зур бәхет ул.

8)Җөмләләр әйтеп яздыру һәм асларына сызу.

Әтием йортлар төзи. Әнием тәмле ашлар пешерә.

III. Тест. “Дөрес җавапны сайла”.

Җаваплар сигнал карточкалары ярдәмендә күрсәтелә.

Нәрсә? Соравына җавап биргән сүзне тап .

1) Шагыйрь; 2) эт; 3) дәү әни; 4) төзүче;

Хаталы язылган сүзне тап.

1) йөгөрә; 2) аңладым; 3) укыйм; 4) коена;

Сыйфат нәрсәне белдерә?

1) Предметның билгесен;

2) Предметны;

3) Предметның эшен, хәрәкәтен, хәлен белдерә.

Артык сүзне тап.

1) матур; 2) яшел; 3) усал; 4) мәктәп;

Кирәкле кушымчаны тап.

Олыласаң олы..., олыларлар үзеңне.

1) -ны; 2) -га; 3) -да;

- Укучылар, бу мәкальне сез ничек аңлыйсыз? (Әйе, олыларга игътибарлы булырга, аларны яратырга, хөрмәт итәргә кирәк.)

IV. Өй эше бирү: индивидуаль бирем

Парсыз яңгырау тартык:

1)т 2) р 3) з 4) ч

Кайсы сүздә авазлар кимрәк:

1)болыт, 2) каеш, 3) сәгать, 4) ямьле

Иҗекләргә бүл:

1)К ү л, 2) к ә г а з ь, 3) в ә г ъд ә, 4) к у я н н а р

4. Алфавит тәртибендә яз: кәбестә, чынаяк, завод, орлык.

5. Исемне тап: Зур, йөгерә, матур, китап, тәрәзә, болыт, каеш, сәгать, ямьле.

V. Дәрескә йомгак ясау. Билгеләр кую.

- Дәрестә нинди эшләр башкардык? Нәрсәләр турында сөйләштек?

- Сез үзегезгә нинди сабак алдыгыз? (Туганнарга ярдәм итәргә, гаиләдә бер-береңне аңларга, дус-тату яшәргә кирәк. Өлкәннәрне хөрмәт итәргә, кечкенәләргә мәрхәмәтле булырга тиешбез.)

- Әйдәгез, дәресебезгә йомгак ясап, экрандагы юлларны бергәләп укыйк әле.

Тату гаиләдә җан ял итә,” – дип,

Халык юкка әйтмәгән.



Автор
Дата добавления 17.08.2015
Раздел Начальные классы
Подраздел Конспекты
Просмотров201
Номер материала ДA-006992
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх