Конспект урока по теме " Къоранта"

Подготовила учитель начальных классов МБОУ «Украинская школа» Тохлу Мавиле Музеировна

Мевзу: Къоранта.

Дерснинъ макъсады: къоранта не олгъаныны талебелерге анълатмакъ,  талебелернинъ нутукъны шеккилендирмек, ана тилине севги ашламакъ.

Огрениледжек сезлер: къоранта( = аиле), адам, ана, баба, къартана (= бита), къартбаба, агъа, тата (= апте), къардаш. Севмек. Чалышмакъ. Урьмет этмек. Аза, даветнаме, ульке, догъмуш.

Дерснинъ теминаты: талебелер къоранталарнынъ фотолары.

Дерснинъ кетишаты:

      I.            Текрарлав

- Балалар, биз кечкен дерсте насыл мевзунен таныштыкъ?  («Эвимиз» мевзунен)

Оджа балаларгъа ресимлерни косьтерип не олгъаныны сорай.

     II.          Янъы материалны анълатув

- Балалар, бизге бугунь мына бойле бир «Даветнаме» кельди. Ким озь къоранта акъкъында икяе айтып олса, шу «Даветнаме»ни алып олур. Келинъиз, башта къоранта азаларыны бильдтрген сезлерни огренейик. Дерсликтеки ресимге бакъынъыз. Мында Айшенинъ къорантасы тасвирленген.

Талебелер янъы сёзлерни менимселейлер. Оджа базы сёзлернинъ насыл тизильгенини анълата: Къыз + къардаш = къыз къардаш, огълан + къардаш = огълан къардаш.

III.            Пекитюв

Оджа : «Айшенинъ къорантасы акъкъында икяени динленъиз» дей .

Бизим къорантамызда 9 адам бар: аннам, бабам, къартанам, къартбабам, агъам, татам, къыз къардашым, огълан къардашым ве мен. Анамнынъ ады Мунире. Бабамнынъ ады Нури. Агъамнынъ ады Алим. О единджи сыныфта окъуй. Къыз къардашымнынъ ады Шание. О, 5 яшында. Огълан къардашым 3 яшында. Онынъ ады Айдер. Мен еди яшындам. Къорнатамыз Акъмесджитте яшай. Мен къорантамызны пек севем.

         Сонъ оджа ана тилини яхшы бильген балагъа суаллер бере: «Къорантанъыз балабанмы? Къач адам бар? – Беш адам. – Кимлер? – Анам, бабам, битам, агъам ве мен. – Къоранта азаларынынъ адларыны айт. Айтып олсанъ, мына бу даветнамени алырсынъ.

          Сонъ талебелер озь къоранталарынынъ фотоларыны косьтерип сойларынынъ адларыны айталар.»

IV.            Янъы материалнынъ девамы

 Эр кес озь къартаналырыны, деделерини бильиек керек. Дерсликтеки шеджереге (генеалогик терекке) бакъынъыз. Оджа шеджеренинъ насыл тизильгенини анълата ве эвде анна-бабаларынен, къартана- къартбабаларнен бирликте озь шеджелерини тизип, иш дефтерелерине язмакъ вазифесини бере.

   V.            Раатлыкъ дакъкъасында

Балалар кунешни, ягъмур ягъгъаныны, сувукъ олгъаныны арекетлернен косьтерелер.

Кунеш – сыджакъ,

Ягъмур – салкъын,

Къар – сувукъ.

VI Пекитюв

-         Балалар, сизлерден эписи къартаналаргъа, къарбабаларгъа, аналаргъа  -  къартана, ана, къартбаба деп айтасынъыз? (екъ)

-         Я ким насыл айта? (нене, букана, тапта, ката, деде, къартбабай, битай, анай ве дигерлер)

-         Догъру! Машалла!

-         Билесинъизмы не ичюн бойлер айтасыз? (не ичюн)

-         Чюнки къырымтатар халкъы озь эвлеринде озь шивесинде лаф этейлер. Бизим шивелер къырымтатар тильнинъ къуветлигини ве байлыкъны косьтере.

Балалар озь къоранта акъъында кичкене икяе этелер.

VII Дерснинъ нетиджеси

-         Балалар, бугуньки дерсни бегендинъизми? (пек)

-         Насыл янъы малюматлар бильдинъиз?

-         Насыл янъы сезлернен таныштыныз? (аиле, шиве, даветнаме, къардаш)