Конспект урока по теме : Озь акъкъымда икяе. (Адым, сойадым, яшагъан ерим, окъугъан мектебим)

Подготовила учитель начальных классов МБОУ «Украинская школа» Тохлу Мавиле Музеировна

Мевзу: Озь акъкъымда икяе. (Адым, сойадым, яшагъан ерим, окъугъан мектебим).

Дерснинъ макъсады: Талебелер озьлери акъкъында айтмагъа ве сораштырмагъа огренеджеклер. Хаберлик аффикслерини къулланаджакълар. Ана тилине севги ашламакъ.

         Коммуникатив вазифе: Мевзу боюнджа малюматны айтмакъ ве сораштырмакъ.

Огрениледжек селер: озь, акъкъында, икяе, яшамакъ, кой, шеэр, къасаба.

Дерснинъ теминаты: алыштырма дефтерлер.

Дерснинъ кетишаты:

 I.            Текрарлав

-         Балалар, биз кечкен дерсте насыл мевзунъы кечтик? (6-дан 10- гадже сайылар)

-         Я бугунь сизинъ къач дерсинъиз бар? (беш)

-         Къырымтатар дерси къачынджы дерсте оладжакъ? (экинджи)

II.            Янъы материалны анълатув

Оджа талебелерде меракъ догъурмакъ ичюн шойле дей: «Бугунь бизге телевидениеден мухбир келеджек. Сиз онъа озюнъиз акъкъында икяе этеджексинъиз». Оджа хаберлик аффикслерини къулланмагъа огрете, оларны сеснен къайд эте. Озю акъкъында айткъанда бойлер демен керек: Мен талебем, сен талебесинъ, о талебедир. «Микрофонны» алып, ана тилинде яхшы лаф эткен талебеге суаллер бере:

 – Сенинъ адынъ, сойадынъ не?

 – Меним адым Левиза, Сойдым Османова.

– Сен талебесинъми?

 – Эбет, мен талебем. Мен биринджи сыныфта окъуйым.

 – Сен яхшы окъуйсынъмы?

–  Э, яхшы.

– Машалла! Сен къайда яшайсынъ?

– Къарачель коюнде яшайым.

– Бош вакътынъда не япасынъ?

– Къокъланен ойнайым.

III . Раатлыкъ дакъкъасында

Балалар бири-бирине китап берип айталар:

-                     Мен китап берем.

-                     Мен он алам,

«Сагъ ол», - дейим.

  Экинджи раатлыкъ дакъкъасында балалар озь мучелерини косьтерип айталар:

  Эки къол, эки аякъ.

  Он пармакъ.

IV Пекитюв

Сонъ икяени къалгъан талебелер де айталар. «Интервью» ичюн телевизор экраныны анъдыргъан картон черчивени къуланмакъ мумкюн. Бойледже, балалар телеяйында иштирак эткен киби олалар. Журналист ролюни башкъа талебелер ойнайлар.

         Эвде талебелер ана-балалар  ярдымынен дефтерлерине озь фотоларыны япыштыралар, адларыны ве сойадларыны язалар.

V Дерснинъ нетиджеси

-         Балалар, бугуньки дерсни бегендинъизми?

-         Биз насыл янъы сезлернен таныштыкъ?