4 сыныф.
Мевзу: Къыш. Къыш
акъкъында шиирлер.
Дерснинъ макъсады.
1. Йыл
мевсимининъ аляметини огретюв.
2. Талебелерде
озь фикирини ифаделев, къабилиетлерини нутукъ медениетини инкишаф эттирюв.
3. Шиирни
ифадели огретюв.
4. Халкъ
агъыз яратыджылыгъында аталар сезлерини къулланув.
Дерснинъ таминаты.
Къыш акъкъында
презентация.
Карточкалар (нарат
оюнджакълары), шиирлер.
Дерснинъ кетишаты.
Тешкилий дакъкъа,
невбетчининъ рапорты.
Оджа: Балалар,
насыл йыл мевсими акъкъында мен шимди айтам?
Узанып
башлай куньлер,
Ерни
орьте экинлер,
Чичек
ача тереклер,
Къайтып
келе бульбуллер. (Баарь)
Кунеш
ерни къыздыра,
Тарлада
ишлер арта,
Богъдай,
арпа чалына,
Бол
берекет алына.(Яз)
Джыйыла
эп мейвалар,
сарарып
сола япракълар,
Ягъа
сувукъ ягъмурлар,
Учып
кете турналар.(Кузь)
Ава
кунь-куньден сувуй,
Геджелери
ель улуй,
Ерни
беяз къар къаплай,
Аяздан
сувлар бузлай. (Къыш)
Бугуньки
дерсимиз къыш акъкъында.
Бу
мевсимде табиатта насыл денъишмелер олуп кече?
Балалар: Авалар сувуй, къар
ягъа, ерлер бузлай.
Оджа: Къыш мевсимини сиз пек севесиз. Шимди бу
мевсимнинъ гузеллигини биз ресимлерде сейир этеджемиз. (презентация)
Сизлер
къыш мевсимини насыл кечиресиз?
Балалар: Чаналарда таямыз, къар топу ойнаймыз,
къардан адам ясаймыз.
Оджа: Насыл байрамны къайд этесиз?
Балалар: Янъы йыл байрамыны!
Оджа: Бу байрамда биз
наратны нелернен донатамыз?
Балалар: Наратны
тюрлю оюнджакъларнен донатамыз.
Оджа: Балалар,
тахтада нарат оюнджакъларыны коресиз, олар устюнде сёзлер язылгъан (къар,
бузлай, аяз, къар топу, къыш, сувукъ, ягъа, чана, тая)
Группаларда чалышув.
Лугъат.
Къар
– снег.
Аяз
– мороз.
Къыш
– зима.
Сувукъ
– холодно.
Чана
– сани.
Къар
топу – снежки.
ВАЗИФЕ: Бу
сёзлернен джюмлелер тизмек. Янъы сёзлерини дефтерге язмакъ.
Раатлыкъ
дакъкъасы.
Балалар
«Къар ягъа» шиирини айтып чешит арекетлер япалар.
Къар ягъа, къар
ягъа,
Япалакълап къар
ягъа.
Айды энди
балалар,
Къар топу
ойнамагъа.
Оджа: Шимди биз
сизлернен ифадели шиир окъуйджамыз, «Январь» шиири.
Январь
Тахвимде бугунь
январь,
Чевре этраф
ап-акъ къар, къышта аяз, серт ава,
Тосат-тосат
къар ягъа.
Яна эвде
собамыз,
Тышта тек
Къышбабамыз,
Кельди кене
йылбашкъа,
Байрам къарткъа
ве яшкъа.
Наратымыз энъ
тёрде,
Ярашыкълы
корюне.
Халкъта Йылбаш
байрамы,
Опем
ана-бабамны.
Балалар шиирни
ифадели бирер - бирер окъуйлар.
ВАЗИФЕ: «Халкъта Йылбаш байрамы
Опем ана бабамны»
Сёзлерини
насыл анълайсыз?
Балалар: Эр бир инсан озь
ана – бабасыны севмек, урьмет этмек керек.
Аталар
сёзлери.
Ана
– бабанъны урьмет этсенъ, озюнъде урьмет къазанырсын.
Ана
– бабанъа сёз къайтарма.
Ана
- бабасыны хорлагъан, озю хорланыр.
Къарткъа
урьмет, яшкъа ёл.
Оджа: Бу аталар
сёзлерини дефтерге язынъыз.
Нетидже.
Балалар,
биз бугунь йыл мевсимлер ве къыш акъкъында лаф эттик. Янъы сёзлер огрендик, чокъ
субетлештик,чокъ вазифелер беджердик. Озь ана – бабанъызны севмек ве урьмет
этмек борджлусыз.
ЭВГЕ ВАЗИФЕ:
Ифадели
окъулгъан шиирни эзберден алмакъ.
Сагълыкънен
барынъыз!
Оставьте свой комментарий
Авторизуйтесь, чтобы задавать вопросы.