Конспект урока. Сочинение " Пою мою республику"

               «  Пою  мою республику » 

                                      Сочинение на тему:                                                                                            

 « Куда бы малина ни заманила, а родное  село назад привело »

« Алтын көмөш яуған  ерҙән, тыуған үҫкән ил артыҡ »

 Галимова Лилия Гадиловна  3Б кл.

 МБОУСОШ им. А.Г.Хуснутдинова с. Учалы

 Учалинский район

                                              Учитель: Нутфуллина Разида Вазировна

                                       - 2014-

Минең исемем- Лилиә. Мин  доньяның  бар  матурлығын  туплаған  Учалы ауылында йәшәйем. Йәшәгән еремде ожмах менән сағыштырырға мөмкин. Сөнки балыҡҡа мул күлдәре,  еләк-емешкә бай урмандары менән күп кешеләр маҡтана алмайҙыр. Башҡа илдәрҙе, ундағы халыҡтар тормошон мин тик телевизорҙан ғына күҙәтә алам. Шулай булһа ла әлегә минең өсөн иң матур  ер  - Учалы.  Беҙҙең республикабыҙ ҙур .Унда бик тырыш һәм эшсән халыҡтар йәшәй. Башҡортостаныбыҙҙың һәр бер районы үҙенең ҡабатланмаҫ тәбиғәт матурлығы, халҡы менән ғорурлана ала. Республикабыҙҙа күпләп алтын , көмөш, баҡыр һәм башҡа файҙалы ҡаҙылмалар табыла. Бында  инде беҙҙең районыбыҙ беренсе урында тора тиһәк тә , хата булмаҫ. Учалы ҡалаһындағы тау байыҡтырыу комбинаты  бөтә Рәсәйгә билдәле.  Ошондай бай һәм матур ерҙе ташлап ҡайҙа китәһең  инде? Мәктәпте бөткәс , мин  табип һөнәренә уҡырға теләйем.  Бер ҡайҙа ла ситкә китмәйенсә , үҙемдең районыма эшкә киләсәкмен. Бөгөнгө көндә күп кешеләр  тыуған илдәрен, торған ерҙәрен ташлап  сит илдәргә сығып китәләр .Мин ишетеп белгән  кешеләр  Италияла эшләп йөрөйҙәр.  Улар ни эшләптер үҙебеҙҙең ерҙә урындарын тапмағандар. Һөнәрһеҙ кеше  бер ҡайҙа ла үҙенең урынын тапмаҫҡа мөмкин. Халыҡ мәҡәле   башҡа илдә алтын – көмөш яуып торһа ла , үҙ илеңдә йәшәргә ҡуша . Беҙҙең ауылыбыҙҙа бик күп милләт кешеләре үҙҙәренә төйәк тапҡан . Улар тырышып донья көтәләр. Өләсәйем: « Ағас нәҫеле ерҙе, әҙәм нәҫеле илде үтеп инә» ,- ти торғайны.  Беҙ күпме генә илдәрҙе үтеп инһәк тә, тыуып үҫкән ерҙе онотмаҫҡа тейешбеҙ. Сөнки бөтә аҡыллы кешеләр сит илдәргә китеп  төйәк тапһалар, тыуған ерҙе кем күтәрер?    Һәр бер кеше үҙ иленә йәшәү сығанағы булып йәшәргә тейеш. Бөгөнгө көндә заман бик алға киткән.Кешеләр тормош ағышына ҡушылып бик ҡабаланып йәшәйҙәр. Бер илдә йәшәп , икенсе илдә эшләгән кешеләр ҙә бик күп. Улар үҙҙәренең балаларына тыуған ил төшөнсәһен дә аңлатып еткермәйҙәр. Бындай ғаиләләрҙә тыуған илен , ерен , әсәй телен һанға һуҡмаған кешеләр үҫә. Улар өсөн матди байлыҡ беренсе урында тора. Шундай кешеләр тыуған илде алтын менән көмөшкә алыштыралар ҙа инде. Минең дә атайым менән әсәйем көн буйына эшләйҙәр.Әммә кис булһа ,беҙ бөтәбеҙ ҙә бер өҫтәл артына ултырып, әсәй бешергән тәмле ашты ашап  оҙаҡ ҡына һөйләшеп ултырабыҙ. Атайым менән әсәйем – ябай эшселәр. Улар беҙгә яҡшы тәрбиә бирергә тырышалар. Уларға ҡарап мин дә тырышам: яҡшы уҡыйым, өйҙә лә ярҙам итәм. Тыуған илем туған телем , торған ерем , ата-әсәйем, иптәштәрем - минең терәктәрем. Мин ошо терәктәрһеҙ сит илдәрҙә нисек кенә яҡшы булмаһын, йәшәй алмайым. Төркиәнең диңгеҙе , Африканың сүллеге , Египеттың пирамидалары - миңә саф һыулы Өргөн күлен, хуш еҫле йүкә урмандарын, бейек Ирәмәлемде алыштырмаясаҡ. Шуның өсөн мин Башҡортостанымды , Учалымды бер ниндәй ҙә алтын - көмөшкә алыштырмаясаҡмын.Илебеҙҙә һәр ваҡыт тыныслыҡ булһын . Украинаның һуғыш ялҡыны беҙгә теймәһен. Һәр бер кеше үҙенең илендә,үҙенең өйөндә йәшәһен !

               :

                  Работа учителей над темами  самообразования

 Гайсин Ш.Х. - Изучение башкирского языка в условиях диалектизма-

 Баймухаметова Г.А. - Воспитание обучающихся средствами народной педагогики-

 Нутфуллина Р.В.  - Применение информационно- коммуникативных технологий

как средства  повышения качества знаний обучающихся-