Күні:
19 ақпан 2015 жыл.
Сынып:
9-сынып.
Пән:
қазақ тілі.
Сабақтың
тақырыбы: Ақпараттық құралдар.
Мақсаттары:
1.Білімділік: Жаңа сөздермен сөз тіркестерін меңгерту, сөйлемдер
құрай алуға дағдыландыру. Ақпарат құралдарын жан-жақты пайдалана отырып,
тақырыптың өзектілігін түсіндіру.
2.Дамытушылық: Сөздік қорын байыту, белсенді сөздік қорын
пайдаланып,
лексикалық тақырып бойынша сөйлей, сөйлесе алуды,
ойын барысында сұрақтарға жауап беруге үйрету.
3.Тәрбиелік: Өз елінің тарихын біліп, құрметтеуге, жаһандану дәуірінде өз беттерінше ақпарат құралдарын дұрыс
пайдалануға тәрбиелеу.
Сабақтың түрі: жаңа сабақ
Сабақтың әдісі: Кембрридж
университетінің деңгейлік бағдарламасының жеті
модулі, ойын технологиясы, дамыта оқыту технологиясы.
Сабақтың көрнекілігі: газет, журналдар, интерактивтік тақта, слайдтар, ойын «Сиқырлы
лотерея» , газет қиындылары, ұлттық киімдер, плакаттар, үлестірмелі материалдар, бейнекөрнекілік.
Пәнаралық байланыс: Қазақстан тарихы, қазақ
әдебиеті, информатика.
Сабақтың барысы:
1.Ұйымдастыру кезеңі. Мұғалімнің кіріспе сөзі.
Танысу.
ІІ.
Үй тапсырмасын тексеру. Психологиялық ахуал қалыптастыру.
1
слайд. Жалпылай тексеру. «Сиқырлы
лотерея» ойыны арқылы оқушылардың сөздік қорларын бақылау, өткен тақырыптардың
сөздігін пысықтау, грамматикалық ережелерге шолу жасау. (мұражай, сан есім,
тілші, жеңіс, ақпарат т.б. сөздердің аудармасын өздеріне тиген лотереядан
табу).
2 слайд. Ең соңғы «Джек
пот» сөзі аталған кезде сабақтың тақырыбы анықталады.
3 слайд. Топқа
бөліну.
«Сиқырлы лотерея» ойыны барысында оқушыларға газет
қиындылары таратылады. Сол газет қиындыларын құрастыру арқылы 3 топ құралады.
4-слайд. Бүгінгі күннің ретін, тақырыпты дәптерлеріңе жазып
алыңдар.
5 слайд. 2.Сабақ
тақырыбын, мақсатын таныстыру:
-Балалар, бүгін «Ақпарат құралдары» тақырыбымен
танысамыз.
1. Сендер қалай ойлайсыңдар, біз бүгін сабқта не істейміз?
2. Не үшін осы тапсырмаларды орындаймыз?
Осы тақырып бойынша сөйлей алуға,сөйлесе білуге жаттығамыз, яғни
алған білімімізді бекітеміз, бүгінгі сабағымызда алған білімімізді дұрыс
қолдана алатынымызды дәлелдеуге тырысамыз ба?
3. Білімді өзектеу кезеңі.
6 слайд. Назарларыңды
тақтаға аударыңдар. Жаңа сабаққа кіріспес бұрын сабағымыздың гипотезасын қойып
алайық. Натан Ротшильдтің сөзі «Кім ақпаратқа ие болса, әлемді сол басқарады»
деген сөзін сабағымыздың барысында зерттеп, сабақтың соңында бір тұжырымға
келетін боламыз.
IV.
Жаңа сабақты түсіндіру.
7
слайд. Интерактивті тақтадан «Жаңалықтар үзіндісі» бейнематериал қарау.
Бейнекөрнекілікте биылғы 2015 жыл Қазақстанда «Қазақстан халқы ассамблеясы»
жылы болып жарияланғаны туралы айтылады.
Сұрақтар
қою:
1.
Бұл не?
2.
Жаңалықтарды біз қайдан тамашалап тұрмыз?
3.
Сабақтың басында сендер топ құрау барысында қандай сурет шықты?
4.
Сонда ақрпарат құралдарына не жатады?
5.
Сендер ақпарат құралдарының қандай түрін көбірек пайдаланасыңдар?
Слайдтарға көңіл аударамыз.
8 слайд. «Ақпарат». Информация латынның
түсіндіру, баяндау, хабардар ету деген ұғымдарды білдіретін informatio сөзінен
шыққан.
1.
9 слайд. Істің жағдайы қандай да
болмасын оқиға немесе біреудің қызметі туралы хабарлау, мәлімет беру.
2.
ХХ ғасырдың ортасынан бастап адам мен адам, адам мен автомат
арасындағы деректер алмасуды, жануарлар мен өсімдіктер арасындағы сигналдар
алмасуды, тұқымқуалаушылық белгісін бір жасушадан басқа бір жасушаға, бір
ағзадан екінші бір ағзаға жеткізуді қамтитын жалпы ғылыми ұғым.
10 слайд. Қазіргі уақытта біз сендермен
Жаһандану дәуірінде өмір сүріп жатырмыз. Орысша айтқанда «Век информатизации»
дейді. Біз күнделікті өмірімізді ұялы байланыссыз өткізе алмайтындай дәреджеге
жеттік. Әлемнің кез келген бұрышында тұрып-ақ ақпарат алмаса береміз. Мысалы,
амандығымызды білеміз, түрлі файл, фото, ән, видео жібере аламыз. Осының
барлығы ақпарат алмасу.
11 слайд.
3.
Кибернетиканың негізгі ұғымдарының бірі – ақпарат. Ақпаратты
жеткізу, қабылдау, түрлендіру және сақтаудың жалпы мәселелерімен ақпарат теориясы
айналысады. Ақпаратты зерттеуде математикалық статистика әдістері де
қолданылады.
4.
12 - 13 слайд.
5.
– Балалар, мен бүгінгі сабаққа дайындалу барысында өз мектебімде
осы математикалық статистика әдістерін пайдаланып көрдім. Өзімнің шағын
зерттеуіммен сендерді таныстырсам деймін және сендердің де осыған байланысты
пікірлеріңді білгім келеді. Сауалнаманы мектеп оқушылары, мұғалімдер,
ата-аналар арасында өткіздім. Қатысушылар пайызымен таныстыру.
Ø Ақпаратты
қайдан аламын?
Ø Адам
тамақсыз, сусыз, ақпаратсыз қанша өмір сүре алады? - деген сұрақтар көлемінде
өтті.
14 слайд. Сауалнаманың
қорытындысымен таныстыру.
Проблемалық сұрақтар қою.
-
Ал енді сендер осы шағын статистикаға байланысты не ойлайсыңдар?
-
Сендер қалай ойлайсыңдар, қазіргі зманда ақпаратсыз күн көру
мүмкін бе?
-
Мысалы, сендер барлықтарың Даниэль Дефоның «Робинзон Крузо»
оқиғасын оқыған шығарсыңдар. Ондағы басты кейіпкер Робинзон Крузо әлеммен
байланысы жоқ бір аралда 28 жыл, 2 ай, 12 күн өмір кешіпті.
-
Ал біздің бүгінгі кезімізде сондай жағдай мүмкін бе?
-
Қалай ойлайсыңдар, сендер ақпарат құралдарысыз ең болмаса бір күн
өмір сүре аласыздар ма?
Флипчартпен
жұмыс. Сөздік жұмысы: интерактивті тақтадағы сөздерді аудармаларына қарай дұрыс
орналастыру.
Оқулықпен
жұмыс. Сабақтың грамматикалық бөлімі.
-
Балалар, оқулықтағы 143 беттегі 4-тапсырмаға қараңдар. Бұл
тапсырманы жазбаша орындаймыз. 4-тапсырмада сөйлемдерді дәптерлеріңе жазып,
жалғау түрлерін ажыратыңдар делінген. 1-топ. сіздер 1-сөйлемді жазып, жалғау
түрлерін ажыратыңдар. 2- топ 2-сөйлемді жазып, ал 3-топ 3-сөйлемді жазып,
жалғау түрлерін ажыратасыңдар.
Флипчартпен
жұмыс. Ал енді, тақтаға қарап, жауаптарыңды тексеріп шығайық.
V.
Бекіту.
15
слайд. «Тілші түйіні» бағдарламасы.
Оқушылар
ұсынылған ұлттық киімдерді киеді, үш топтың үш оқушысына түрлі арналардың
логотипі бар бейдж тағылады (тілшілер тағайындалады).
-
Құрметті тілшілер, сіздер қазір өте маңызды сұхбат алуға
барасыздар. Негізінде тілшілер сұхбат алуға барғанда, дайын материалмен барады.
Сондықтан міне сендердің материалдарың, өз топтарыңдағы Қазақстан халқы
ассамблеясының делегаттарынан сұхбат алыңыздар.
-
Ал әр топ осы тапсырма тақырыбы бойынша өз шағын газеттерін
шығарады және сол газеттің атауын ойлап , жазып қояды.
Оқушыларға
дайын сұрақтар, суреттер беріледі, бірақ суреттердің қажет еместерін алмау
шарт.
1-топтың
сұрақтары:
1. Биылғы
жылы Қазақстан халқы ассамблеясының нешініші сессиясы өтеді?
2. Қазақстан
халқы ассамблеясы жұмысының негізгі мақсаты не?
3. Қалай
ойлайсыз, Қазақстанда осындай ассамблеяның болғаны қажет пе?
2-топтың
сұрақтары:
1. Биыл
Ұлы Отан соғысының Жеңісіне неше жыл толады?
2. Жеңіс
күні қашан тойланады?
3. Мысалы,
сіздер Жеңіс күні мейрамын қалай өткізесіздер?
3-топтың
сұрақтары:
1. Биыл
Қазақстан тарихында қандай үлкен мереке тойланады?
2. Қазақ
хандығын құрған кім?
3. Сіздің
ойыңызша, қазақ хандарының сол кездегі арманы не еді? Сол армандары орындалды
ма?
Тапсырма
соңында оқушылар сол газет атауын өз топтарына жазып қояды. Газеттер тақтаға
ілінеді.
VІ.
Қорытынды.
Оқушылар
арасында шағын диспут өткізу арқылы қорытындылау.
16
слайд. Бүгінгі біздің Ақпарат құралдары тақырыбының өзектілігі неде?
Ақпарат
құралдары қажет пе?
Ақпарат
құралдары қажет емес пе?
Топтар
ақтаушы және қарсы дәлел дайындап айтады.
17
слайд. - Ал енді, гипотезамызға ораламыз, осы гипотезаны біз
қабылдаймыз ба, әлде басқа көзқарасқа келдік пе?
VІІ. Бағалау.
-
Құрметті 9- сынып оқушылары, бүгін біз сендермен көптеген
тапсырмалар орындадық, ал енді бүгінгі өздерің шығарған газеттеріңе әр топ
өзінікінен басқа топтың газетіне баға қояды, сол баға бүгінгі сабаақтың бағасы
болып есептеледі, сендер біздің бағанадан бергі айтып жатқан әлеуметтік
желілерде бір біріңмен сұхбат құрасыңдар, сонда фото, немесе бір біріңнің
сөздеріңді бағалайсыңдар ғой, дәл солай қазір білімдеріңді бағалауға
тырысыңдар. Ұнаған газеттің астына «Класс» немес «Ұнамайды» деп басасыздар.
Рефлексия.
Флипчарттағы
өздеріңе лайықты орынға аттарыңды жаза қойыңдар.
-
Рахмет, балалар, әрқайсыларың сабақтан әр түрлі әсер алған
екенсіңдер. Сабағымыздың соңында мен сендерге алғысымды білдіре отырып, Елбасымыздың
сөзімен аяқтағым келіп отыр. Бейнематериал.
VІІІ.
Үйге тапсырма:
18
слайд. Шығармашылық тапсырма. «Мен ақпарат құралдарын қалай
пайдаланамын?» тақырыбына шағын эссе жазу.
Оставьте свой комментарий
Авторизуйтесь, чтобы задавать вопросы.