Мевзу: Т,т арифлерни язув. Эджалар, сёзлер язув. Чешит теркиби олгьан сёзлерде огренильген арифлернен сеслер сырасыны бельгилемек (эт, ат, от).
Макъсат: Талебелерни баш Т ве уфакъ т арифлерни язмагъа огретмек. Т арифнен эджалар, сёзлер язмагьа огретмек. Иджадий къабилиетлерини инкишаф этмек. Сёз байлыгъыны зенгильлештирмек. Язувда джыйнакълыкъ тербиелемек.
Дерсиинъ донатмасы: язы дефтери, ресимлер, джедвеллер, арифлернинъ нумюнеси, тахта.
Дерснинъ кетишаты.
I. Тешкилий дакъкъа.
Даиречикни яраттыкъ,
Эллеримизни туттыкъ,
Бир – биримизге бакъып
Тебессюм багъышладыкъ.
- Энди ралемизге отурамыз.
II. Таянч бильгилерини актуаллештирюв.
Ормангъа кетемиз
1. Субет.
-Хатырланъыз, окъув дерсинде анги арифни огрендик?
- О насыл сес бильдире? Онынъ характеристикасыны беринъиз.
2. Сёзлернинъ сес-эджа талили.
Орманда
тавшанны расткетирдик. 
- Тавшан сёзи насыл сестен башлана?
Тавшан сёзюни талиль этинъиз ве схемасыны тизинъиз.
III. Дерснинъ мевзусыны ве макъсадыны еткизюв.
1. Уфакъ т арифнинь язылувыны талиль этюв ве анълатув.
Уфакъ т арифи учь элементтен ибарет. Биринджиси - догъру авукъ таячыкъ. Экинджиси - тёпеде тёгерекленген догьру авукъ таячыкъ, учюнджиси - тёпеде ве ашада тёгерекленген авукъ таячыкъ.
Энъ эвельден иш сатырнынъ усттеки сызыгъындан ашадаки сызыгъына догъру авукъ таячыкъ язамыз. Биринджи элементнинъ ортасындан тёпеге сызыкъ юрьсетемиз, оны иш сатырнынъ усттеки сызыгъы тюбюнде тегереклеп, догьру авукъ таячыкъкъа чевиремиз. Экинджи элементнинъ ортасындан учюнджи элементни язмагъа башлаймыз, сызыкъны тёпеге ве сагъ тарафкъа тёгереклеймиз. Оны иш сатырнынъ ашадаки сызыгъынадже догъру авукъ таячыкънен девам этемиз. Анда сагъ тарафкьа тёгереклеп, иш сатырнынъ орталарында язмагъа токътаймыз.
Бойле саювнен языла: «Бир-ве-эки-ве-учь-ве».
2. Пармакъ гимнастикасы.
Узун къулакълы тавшан,
Чалыдан чапып чыкъкъан.
Ойнай, йырлай, секире,
Балларны эглендире.
3. Мустакъиль язув.
4. Эки уфакъ тт арифни берабер язув ве т арифнен эджалар язув.
5. Физдакъкъа.
Терек, терек, теречик
Тереклерде япрачыкъ
Тюбюнде де тавшанчыкъ
Тишледи хавуч азчыкъ
6. Баш Т арифнинъ язылувыны талиль этюв ве анълатув.
Баш Т арифи дёрт элементтен ибарет. Оларнынъ биринджиси - узунлашкъан догъру авукъ таячыкъ, учю исе - узунлашкъан авукъ тёгерекленген таячыкълардыр.
Баш Т арифни тёпедеки ара сатыр сызыгъындан язмагъа башлаймыз. Узунлашкъан догъру авукъ таячыкъны ашагъа, иш сатырнынъ ашадаки сызыгъынадже, юрьсетемиз, анда сол тарафкъа тёгереклеймиз. Сонъра экинджи элементни язамыз. Тёпедеки ара сатыр сызыгъындан иш сатырнынъ ашадаки сызыгъынадже узунлашкъан догьру авукъ таячыкъ алып барамыз. Бурунгъы эки элемент язылувы киби, тёпедеки ара сатыр сызыгъындан учюнджи элементнинъ язылувы башлана. Ашагъа авукъ сызыкъ язамыз, иш сатырнынъ ашадаки сызыгьына токъунып, сагь тарафкъа тёгереклеймиз ве иш сатырнынъ ортасында токътаймыз. Сонъки, дёртюнджи элемент, эписи бурунгьы язылгъан элементлерни санки къаплап ала. Оны тёпедеки ара сатыр сызыгъындан азчыкъ ашаджа язмагъа башлаймыз, ве тёпеге, сагь тарафкъа тёгереклеп тёпедеки ара сатыр сызыгьы устюнден язмагъа девам этемиз.
Бойле тактнен языла: «Бир-ве эки-учь-ве-ве-дёрт».
7. Мустакъиль язув.
8. Дефтердеки вазифелернен чалышув.
9. Баш Т арифни уфакъ т арифнен ве башкъа арифлернен берабер язув.
10. Сезлер язув.
Арифлер «сачылгъан». Арифлерден сёзлер топлап, дефтеринъизге язынъыз.
Т Э
Т
А О Т
«эт», «ат», «от» сёзлерни язув
V. Дерснинъ нетиджеси.
- Анги арифни язмагъа огрендик?
- Насыл сес бильдире?
- Дерсте нени бегендинъиз?
Рабочие листы
к вашим урокам
Скачать
Конспект урока по обучению грамоте на крымскотатарском языке.
Тема: Согласные звуки [т], [т’], буквы Т, т. Мевзу: Т, т арифлерни язув. Эджалар, сёзлер язув. Чешит теркиби олгьан сёзлерде огренильген арифлернен сеслер сырасыны бельгилемек (эт, ат, от).
Цель урока: Научить учащихся писать заглавную букву Т и строчную букву т; учить писать слоги и слова с этой буквой.
Дерснинъ макъсады: Талебелерни баш Т ве уфакъ т арифлерни язмагъа огретмек. Т арифнен эджалар, сёзлер язмагьа огретмек. Иджадий къабилиетлерини инкишаф этмек. Сёз байлыгъыны зенгильлештирмек. Язувда джыйнакълыкъ тербиелемек.
6 662 871 материал в базе
Настоящий материал опубликован пользователем Серажитдинова Анжела Усниевна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс повышения квалификации
36/72 ч.
Курс профессиональной переподготовки
300/600 ч.
Курс повышения квалификации
36/72 ч.
Мини-курс
6 ч.
Мини-курс
10 ч.
Оставьте свой комментарий
Авторизуйтесь, чтобы задавать вопросы.