Конспекта на тему " Ханшайым-2017 "

Сабақтың тақырыбы:         «ИФМ ханшайымы - 2017»

Сабақтың мақсаты:

Білімділік: Мұғалімдердің лидерлік қасиетін ұштап, аналитикалық қабілетін ашу, интеллектуалдық деңгейін арттыру.

Дамытушылық: Мұғалімдердің логикалық ойлауын, танымдық қызығушылығын, ақыл-ойын жан-жақты дамыту.

Тәрбиелік: Пәнге, білімге, шығармашылыққа, ойын еркін жеткізе білуге тәрбиелеу.

Сабақтың түрі:сайыс сабақ

Сабақтың әдісі: сұрақ-жауап, ойын элементтері

Пәнаралық байланыс: информатика, физика, математика, қазақ тілі, музыка

Сабақтың көрнекілігі: Интерактивті тақта, слайд, шар.

Сабақтың барысы:

I. Ұйымдастыру кезеңі:

(Сайысқа қатысатын мұғалімдер өз еркімен сахна төріне шығады)

Келіп тұр сайысқалы жастар мында,

Алға озар ең мықтысы осы жолда.

Көпшілік білімдерін сынамақшы.

Сұрайық шығуларын жұрт алдына.

II. Негізгі бөлім               

Армысыздар қадірменді ұстаздар, көрермендер және «ИФМ ханшайымы-2017» сайысының үміткерлері!

                 Шын жүйрік шабысымен танылады,

                 Нақты білім, терең ой сыналады.

                 Шын жүйрікті танитын шабысынан,

                 Сайлайық әділқазын арамыздан!

Сайысымызды бастамас бұрын, әділ-қазылар алқасымен таныстырып өтейін. Әділ-қазы алқасының мүшелері:

Көңілді ұстаздар қауымы

Бар өнерін алдарына салады.

Кім біледі, көп оқыған болса егер,

Бүгінгі күн жеңімпазы болады.- дей келе сайысымыздың шарттарымен таныстырып өтейін.

Бүгінгі сайыс 6 кезеңнен тұрады.

I кезең. Таныстыру кезеңі (Әркім өзін таныстырады)

II кезең. «Кім жылдам?» (Сұрақ-жауап)

III «Білгенге маржан!» (Мақал-мәтелдерді сәйкестендіру )

IV кезең. «Тапқыр болсаң, тауып көр» (Жұмбақ)

V кезең. «Аз сөйле, терең ойла» (Логикалық сұрақтар)

VI кезең. «Өнерлі өрге жүзер» (Өнер)

Құрметті ұстаздар және жанкүйерлер! Барлықтарыңызды менімен бірге қызықты «ИФМ» әлеміне аттануға шақырамын. Өздеріңізбен бірге ойлау жылдамдығын, тапқырлықты, шапшаңдықты алып жүруді ұмытпаңыздар!

I кезең. «Таныстыру кезеңі». Бұл турда әркім өзін таныстырады. Таныстыруға жоғары ұпай – 5 ұпай беріледі.

II кезең.

«Кім жылдам?» (Сұрақ-жауап) Бұл кезеңде 1 минут ішінде 5 сұрақ беріледі. Әркім өз орнында, берілген қағаздағы сұраққа жауап береді. Әр сұрақтың бағалануы – 5 ұпай.

1 үміткер

1.     Бөлмеде 7 май шам жанып тұрды. Сен жанындағы екеуін өшірдің, қаншасы қалды?                                  (екеуі, қалғаны жанып кетеді.)

2.     Жылдамдықты өлшейтін құрал?        (Спидометр)

3.     Жай бөлшектер нешеге бөлінеді?      (2ге. Бұрыс және дұрыс)

4.     Әлемнің жеті кереметін ашқан пән?   (Геометрия)

5.     Адамның денсаулығына зиянды компьютер құрылғысы?   (Монитор)

2 үміткер

1. Бір көйлек жылы ма, әлде бір көйлектің қалыңдығындай үш көйлек жылы ма?                                                                                 (3 көйлек)

2. Қай планетаның сақинасы бар?                                             (Сатурн)

3.  Ең жақын жұлдыз?                                                                 (Күн)

4. Ең үлкен екі таңбалы сан?                                                      (99)

5. Компьютерден өшірілген құжаттар сақталады?                  (Корзина)

3 үміткер

1.     Егер стакандағы судың бәрін ішіп қойса, ішінде не қалады?                                                                                                                                                                                               (ауа, су буы)

2.     Тік бұрыш қандай бұрыштан үлкен?                                 (сүйір)

3.     Ауқымды желіге қосылу үшін қажет құрылғы?               (Модем)

4.     Температураны өлшейтін құрал?                                       (Термометр)

5.     Windows-тың негізгі экраны?                                            (Жұмыс үстелі)

4 үміткер

1.     Аңшы орманға келіп, бұтақта қонып тұрған сауысқанды атқан екен, бірақ қарға құлапты. Бұл қалай болғаны?                                                                  (сауысқан аппақ қарға құлады)

2.     Компьютердің «миы»?                                               (процессор)

3.     Санның ноль дәрежесі неге тең?                               (1-ге)

4.      Аспан денелері туралы ғылым?                                (астрономия)

5.     Қарама-қарсы сандардың қосындысы?                      ( 0 )

5 үміткер

1.     Марс планетасында жұмыртқаны пісіруге болама?                                  (Болмайды, себебі атмосфера өте сирек)

2.     1кг тас ауырма, 1 кг мақта ауырма?                                             (тең)

3.     Дүниежүзілік компьютерлер арасындағы байланыс ортасы?    (интернет)

4.     Параллелепипедтің неше қыры бар?                                            (12)

5.     360 минуттан неше сағат шығады?                                               (6сағат)

6 үміткер

1.     Айдың бетінде тұрып “аққан жұлдыздарды” көруге бола ма?                     (Жоқ, өйткені айда атмосфера жоқ)

2.     Қандай сан 9-ға қалдықсыз бөлінеді?                                                                                         ( цифрлардың қосындысы 9-ға бөлінсе)

3.     Жою пернесі?                                                            (Delete)

4.     Ең үлкен уақыт өлшемі?                                          (Ғасыр)

5.     Молекулалардың бір-біріне өту құбылысы?          (диффузия)

III кезең.

Сөзге бай қазақпыз ғой жанымыз,

Келіспей ме мақалменен сәніміз.

Сәйкестіріп бағытты сызықтармен,

Физикалық құбылысты табыңыз – дей келе сайысымыздың екінші кезеңі «Білгенге маржан» атты мақал-мәтелдер жарысына кезек берейік. Тапқан әр мақал-мәтелге 10 ұпайдан беріледі.

Қарыстан сүйем жақын                                                Жылу өткізгіштік  

Тонның жылуы терісінен

емес жүнінен                                                               Физикалық шама

Қимылдаған қыр асар                                           Заттың агрегаттық күйі

 Таумен тасты су бұзар

Адамзатты сөз бұзар                                           Механикалық қозғалыс

Аяқ сүрінсе басқа салмақ түсер                                     Жылдамдық

Шапшаң озар

Жатқан қалар.                                                                        Инерция

Бір құмалақ бір қарын                                Физикалық шаманы өлшеу

майды шірітеді                                                                

             Жеті рет өлшеп бір рет кес                                       Диффузия

Көсеу ұзын болса қол күймес                                    Жылдамдық

Отқа салса темірде балқиды                                    Жылу өткізгіштік

Аттыға жаяу жолдас болмас                   Заттың агрегаттық күйі (балқу)                                                                                                                                

Дән себілмей астық өнбейді                                     Булану конденсация

Дария буланбай шық түспейді.

IV кезең.

                   Шыңына ойдың қонайық

                               Көңілге қуаныш алайық

                               Берілсе сырлы жұмбақтар

                               Шешуін бірден табайық – дей келе сайысымыздың үшінші кезеңі «Тапқыр болсаң тауып көр» атты айналымға берейік, бұл кезеңде сайысқа қатысушы үміткерлер ортаға шығып, жасырылған жұмбақтың жауабын шешеді. Егер шешімін таба алмай қалса, қарсылас топ жауап беруге мүмкіндік алады. Бағалануы әр жұмбақ – 10 ұпай.

        1. Жай көзге көрінбейді

        Қозғалуға ерінбейді                                          (молекула)

        2. Жоғарламайды ешқашан

        Түрлендірсең егерде

        Басқа күйге ауысса

        Жұмыс істейді әрқашан                                    (энергия)

        3. Өзі затты құрайды

        Теңелуге таразыны сұрайды                               (масса)

           4. Көтерілсе жоғары

        Ерітер мұхит мұздарды

        Төмен түссе шамалы

         Сездірер суық ызғарды                                     (температура)

        5. Қозғалысқа келтіріп

        Жылдамдығын береді

        Өлшем бірлігін қарасаң

        Ньютонға келеді                                                     (күш)

6.Оңынан оқы тіршілік нәрі

Солынан оқы онсыз адам

өсімдік, аң, құс

әп-сәтте сөнер

тұншығып бәрі                                                        (ауа)

             7. Батырманы басасың

             Қажетіңді ашасың                                                  (enter батырмасы)

            8. Дүниеде бүтін сан бола бермейді,
            Көңілге армандаған қона бермейді.
            Бүтін нәрсе бөлігін көрсететін
            Қандай сан бар, достарым айтыңдаршы.               (Бөлшек сан)

            9. Түзудің бір бөлігі
           Екі шеткі нүкте көрігі
           Ұзындығы және бар
           Айтшы сыйлық сенікі                                              (Кесінді)

          10. Нүктеден екі сәуледен
          Құрылған айтшы бұл не екен?                                   (Бұрыш)

          11. Егіз туған қос жүйрік
          Жарысқа шауып терлейді.
          Бірін – бірі көрмейді
          Бір мәреге келмейді.                                          (Параллель тузулер)

          12. Бірдей сан бірнеше рет,
          Көбейтуден тұрады.
          Егер оны ықшамдасаң
          Қандай атау болады                                                      (Дәреже)

V кезең.

Ағатын мөлдір бұлақтар

Білімнен кім бар жырақтар

Тақтаға қарап үңілсең

Сырлы сауал сұрақ бар – дей келе «Аз сөйле, терең ойла» атты кезеңге берейік. Бұл кезеңнің басқа кезеңнен айырмашылығы әр үміткерге 2 логикалық сұрақтар қойылады. Дұрыс жауапқа 10 ұпайдан беріледі.

1.     Сатыда 21 баспалдақ бар. Мұратбек пен Ерлан осы баспалдақтармен жүріп, санай бастады: біреуі төменнен жоғарыға, ал екіншісі жоғарыдан төменге қарай жүрді. Олар Мұратбектің 10-шы деген баспалдағында кездесті. Бұл баспалдақ Ерлан үшін нешінші болған?                                             Ж: 12 

2.     Ұлу биіктігі 10м ағашқа шықпақ болады. Ол тек күндіз ғана және бір күнде 3м өрмелей алады. Түнде ол демалу үшін тоқтағанда 2м төмен түседі. Егер ол бірнші күннің таңертеңінде өрмелей бастаған болса, ұлу ағаштың басына қашан жетеді?                                                                                  Ж: 8 күнде

3.     Бір бала ас үйде тарақандарды ұстап жүріп,5-ін өлтірді, ал 3 есе көбін жаралады.3 тарақанды өте ауыр жаралады және олар жарақаттарынан өліп қалды, ал қалғандары тіріліп кетті,бірақ балаға ренжіп көршіле-ріне мүлдем кетіп қалды.Көршілеріне неше тарақан кетіп қалды?         Ж:12

4.     Арыстан қойды 2 сағатта, қасқыр 3 сағатта, ит 6 сағатта жеп бітіре алады. Үшеуі қатар жесе, қанша уақытта жеп бітіреді?                                        Ж: 1 сағ

5.     Екі ожау – бұл шелектің жартысы, ал үш кесе – бұл ожаудың жартысы. Онда екі шелек – неше кесе?                                                                                     Ж: 48

6.     357 цифрларын пайдаланып, қанша үш орынды сан жазуға болады?             Ж: 6

7.      Сандар белгілі бір заңдылық нәтижесінде алынған.

«85» = 6425,   «92» = 814,  «17» = 149,   «31» = 91 болса «37» -?                                  Ж: 949

8.     Бес орындыққа 5 адамды отырғызу қанша тәсілмен орындалады?                  Ж: 120

9.     Қолымызда 10 саусақ бар. 10 қолда неше саусақ бар?                                               Ж: 50

10. Мына өрнектің мәні 50-ге тең болатындай етіп жақшаларды қой.                                                          4·12+18:6+3                                    Ж: 4·12+18: (6+3)

11. Сапырып-сапырып Сарманға бер,

Құйып-құйып Құрманға бер.

Есіктегі екеуге бер,

Төрдегі төртеуге бер.

Өзің іш те, маған бер                                                                                                     Ж: 10

VI  кезең. «Өнерлі өрге жүзер» ортаға шығып өнерге байланысты жеребенің біреуін суырып берілген тапсырманы орындайсыз.

Біреу озса жарыста,

Біреу артта қалады.

Ренжімей тараса,

Озбағандар жарады.

Жарыс заңы ежелден,

Жеңімпазды анықтау.

Жеңімпаз болу шарты сол,

Еңбектену жалықпау.

Шеберлік пен білімді,

Сарапқа сап көріңіз.

Әділ қазы алқасы,

Әділ баға беріңіз.

         Әділ қазылар бағасын бергенше музыкалық сәлемдеме. Жеңімпаз марапатталады.

Ғылым дами берсін ғаламдағы

Білімді үйренейік жаңа замандағы

Аман сау тұрыңыздар осыменен

          «ИФМ ханшайымы» тәмамдалды.

        Қадірлі көрермендер мен сайыскерлер уақыттарыңызды бөліп келгендеріңіз үшін мыңда бір рахмет айтамын!!!