Конспекти на тему " диктант жинағы"

                                                                 Ақтөбе облысы Қобда ауданы            

                                                 Бұлақ негізгі мектебі

                                                           Бастауыш сынып мұғалімі

                            І санатты

1 – тоқсан (19- 22сөз)

Күз айлары

    Күз – тамаша уақыт. Күз айлары – қыркүйек. Қазан, қараша. Құстар жылы жаққа ұшып кетеді. Жапырақтар сарғайды. Жиi-жиi жаңбыр жауды. Мен күздi жақсы көремiн.

                                                                                                       (22 сөз)

Әже

Менiң  әжем  бар. Ол  маған  ертегi  айтып  бередi. Бүгiн  аналар  мейрамы.  Мен  әжеме гүл сыйладым. Ол қатты қуанды. Мен әжемдi  жақсы  көремiн.

(22 сөз)

Жаңбыр

    Біздің ауылда  бүлдірген көп  өседі. Айжан мен Ақсәуле бүлдірген теруге  барды. Бір кезде  күн  бұлттанды. Жаңбыр жауа бастады. Қыздар тез үйлеріне қайтты.

(22 сөз)

2 – тоқсан (22-25сөз)

Iшiк

     Iшiк – жылы киiм. Iшiктi аң терiсiнен жасайды. Оның сырты қымбат матамен қапталады. Iшiктi  күн суытқанда киедi. Ол әрі жеңiл, әрi жылы. Iшiк киген адам  тоңбайды.

(25сөз)

Қала

Бiз  қалада  тұрамыз.Бiздiң  қаламыз  әдемі. Қаланың  үйлерi  биiк, көшелерi  кең. Көшелер  жасыл  желекке  бөленген.  Қаламыз  өте  таза. Мен  өз  қаламды  жақсы  көремiн.

(24сөз)

Қыста

     Қыс  келдi. Қар  қалың   жауады. Аяз  қатты  болды. Өзен  суы  мұз  болып  қатты. Балалар  қармен  ойнады. Бәрi  жылы  киiм  киген. Мектептер  жаңа  жылға  дайындалып  жатыр.

(25 сөз)

3-тоқсан (25-28 сөз)

Қыс

     Қыс мезгілі. Далада қар жауып тұр. Балалар қармен ойнап жүр. Олар қардан қуыршақ жасады. Балалардың қолдары тоңды. Бірақ  қуыршақтары әдемі болып шықты. Қуыршақтың көзі көмірден жасалды. (26сөз)

Кезекшi

     Бүгiн  Жанар  мен  Айнұр  сыныпта  кезекшi. Олар  мектепке  ерте  келдi. Алдымен  парталарды  реттеп  қойды. Жанар  терезелердi  ашты. Айнұр  тақтаны  дымқыл  шүберекпен  сүртті. Қыздар  өз  мiндеттерiн  ұқыпты  орындады.

                                                                                                                  (27 сөз)

Наурыз

      Наурыз - жыл  басы. Наурызда  күн  мен  түн  теңеледi. Қазақ  күнпарағында  наурыз - жаңа  жыл. Наурызда   наурыз  көже  пiсiредi. Қаламызда  наурыз  тойы  жақсы  өтедi. Наурыз  күнi  ауа  райы    жақсы  болады.

                                                                                                                 (28 сөз)

4-тоқсан (28-30)

Көктем келді

     Көктем келді. Күн жылынды. Қар еріді. Жылғалардан су ақты. Ағаштар гүлдеді. Көктемгі жұмыс қызу жүріп жатыр. Мал төлдей бастады. Төлдердің күтімі жақсы. Алыс жақтан құстар ұшып келе бастады. (28)

Ұя

    Қарлығаш  ұя  салды. Бiрақ  ұяға  торғай  орналасып  алды. Қарлығаш басқа қарлығаштарды көмекке шақырды. Көмек көрсетуге көп қарлығаштар келдi. Олар ұядағы торғайды қуып шықты. Қарлығаш ұясына орналасты. Достарына  рахмет  айтты.

(29сөз)

Мазмұндама

Қошақан

    Дәулет пен  Хасен  құмнан   жуа терді.Олар  жолдың  шетінде  қалған ақ  қозыны көрді. Қошақанның  енесі  жоқ  екен. Қошақан өз  аяғымен  жүре  алмады. Ол өте әлсіз еді. Екі бала қозыны  кезектесіп  көтерді.Екі  дос  түс  ауа  қошақанды ауылға аман- есен жеткізді.Олар қозыны аға шопанға әкеліп берді. Шопан балаларға алғыс  айтты.   (50сөз)

Боран

       Қыс мезгілі. Жер  бетiн  тегiс  ақ  қар  басқан. Асқар  мен  Елдос  сабаққа  келе  жатыр. Жылтылдаған  ақша  қар  көз  аштырмайды.

     Екеуi  бiрiн-бiрi  қуалап, қар  лақтырысып  келедi. Кенет  долы  боран  басталды. Екеуi  мектепке  қарай  жүгiре  жөнелдi. Сол  кезде  қатты  дауыс  естiлдi. Балалар  дауыс  шыққан  жаққа  қарай  жүгiрдi. Бұл  жаурап  жылап  отырған  Мұрат  екен. Балалар  оны  үйiне  әкелдi. (55 сөз)

Қамқоршылар

      Көктем келді. Асан мен Үсен далаға шықты. Бір топ бала жасаған ұяларын көтеріп алыпты.

     Асан мен Үсен ойланып қалды. Үйлеріне қайтып келді. Қолдарына балға мен ара алды. Олар ұя жасауға кірісті. Зымыраннан айнытпай ұя жасады. Мұндай әсем ұяны бұрын-соңды көрмеген балалар таң қалды. Құстар да қаптап кетті. Асан мен Үсеннің куанышында шек жоқ. (54 сөз)

Әжей мен балалар

       Біздің үйдің он алтыншы пәтерінде жалғыз басты сырқат әжей тұрады. Бірақ Тұрар апай ешқашан үйде жалғыз болмайды. Оған күн сайын жақын жердегі мектеп балалары келіп тұрады. Ұл балалар дүкеннен азық-түлік сатып әкеледі. Қыздар дәмді тамақ жасап береді.Олар әжейдің шағын бөлмесін жинастырып, таза етіп қояды. Мереке күндері тіпті жайнатып жібереді. Соғыс жылдары ел басынан өткен қилы-қилы оқиғалар жайындағы әжейдің қызық әңгімелерін балалар ынтыға тыңдайды. (67)