Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Русский язык и литература / Конспекты / Конспекты урока по родной литературе "Лирика И.М.Девина"

Конспекты урока по родной литературе "Лирика И.М.Девина"



Осталось всего 4 дня приёма заявок на
Международный конкурс "Мириады открытий"
(конкурс сразу по 24 предметам за один оргвзнос)


  • Русский язык и литература

Поделитесь материалом с коллегами:

Темась: И. М. Девинонь лирикац шачема ширеть

колга. (СД слайд)


Цельхне: ваномс поэтть лирикаса шачема ширеть

няфтеманц, касфтомс шабатнень кельгомаснон

традициятненди, обуцятненди, шачема

ширети, няфтемс лирикасонза патрио-

тизмать, кяль – валонь мазышить, моронзон

козя шиснон.

Эпиграфсь: Азотк:

Кода тяшка парцень пандомс,

Кода шумукс аф илядомс тейть.

И. М. Девин ( С Д слайд)

Урокть ходоц

Учительсь:

Севонь ляйнясь аф крхка, аф кели

Малаванза паксят и лугат.

Ули тоса мокшень сире веле

Эряенза, марнек, сазорхт – братт.

Церанза тя велеть пяк удалафт:

Кинь тят сяве – таза и шумбра.

Стиренза Теризморгать, ой мазыхть

Стама мазыхть – вешентть, аф муят

Тевса докат, валснон стак аф азсазь

Масторть келес мороснон кулят.

Тя велеса шачсь 1922 кизонь 20 июльста И. М. Девин. Нинге атнай шабаняль, мъзярда кулось тядяц. Ашса – нужаса люпштаф аватнень эзда кие – бди няфтсь нюрямняса ащи Ильгянь лангс и пъшкядсь:

«Путость соньге тядянц ваксс. Катк фкя пингть калмавихть кафцьконь нужасна». Кулезень ня валхнень Данила атяц, кардазе корхтайть и поладозе: « Къда Шкайсь нолдазе белай светти, шарьхкотьк, вастовок тейнза аноклась шинять ала». И видекс, эряфонь киц хуш сонь аф теждяль, но пяшксель кельгомада эряфти и ломаттненди.

Вага кода тяшти поэтсь идькс пингонц колга: (СД слайд)

Шачема велесон


Ташта куд шужярень крыша ала,

Сявок, ванца, васток – васток штадсь.

Кафта вальмат паннефт кизу – тялу,-

Тякось, мезе шабакс пингстон лядсь.

Тяса вайгялец нюрямонь мороть

Кайгондсь пилесон иляденьберьф.

Сяльде шиньгучкане паксять ероть,-

Кати – мезень кочкондома тердсь.

Касонь – тиень, школав ялга мархта

Монга молень – пильгсон пракстат, карьхть.

Озафтомазь нилененьк фкя партас,

Ниленди макссть «Валда ян» букварь.

Кизефкс шабатненди:

- Кода мяляфнесы поэтсь идькс пингонц, веленц?

Шабатне: (тяса поэтсь корхтай, што ся пингсь пяк стакаль, аделавсь аньцек Гражданскяй войнась. Сембе эрясть пяк ашуста, куттне вельхтяфтольхть шужярьса, школав якасть карьса, но секе пяк оцю мяльсна ульсь тонафнемс)

Учительсь: (СД слайд)

- И. М. Девинонь лирикасонза пяк кеме соткссь природать, перьфпяльть мархта, сонь стихонзон эса шачема крайсь, перьфпяльсь пяшксет касфты мазышида и седиень токай тайнада.

Поэтсь мушендсыне аньцек сонцень свежай тюсонзон.

- Тяни кулхцондсаськ И. М. Девинонь стихотворениянц

Кельгса тядянь – авань масторть


Тядянь – авань шачем крайняй,

Сетьме зарянь уженяй,

Вельхкссот сенем менельсь гайняй

Кизонь мани эрь шиня.

Етай потаень кибряса

Варьхмодема пингова

Ноляй медяруня расась

Панжи лаймова – кува.

Анцяй путерьксть эса палы

Атямъенгонь тюсса шись.

Сельмованфцень салазь салай

Менельбети моли кись.

Аньцек цибозсь мялень мольфтезь

Кихсни – хиксни лиембачк.

Улема, сон лажадсь кожфти,

Мезть сувазе расань начксь.

Кихсни – хиксни лаймоть вельхксса

Цибозсь, - анай пиземня…

Тядянь – авань масторть кельксян

Июлень мани эрь шиня.

Кизефксне:

- Кодама тюст сявонди поэтсь шачема краенц няфтемста?

(Шабатне азондсазь эсь мяльснон – арьсемаснон.)

Учительсь:

- Тяни ванцаськ стихотворениять кяленц. Въдь И. М. Девин лац марязе тядянь – алянь валть таньфонц, сонь ваймонь эжди лямбонц и музыканц.

Кизефкс:

- Кодама васта занцихть стихотворениять эса изобразительно – выразительнай средстватне?

- Няфтесть метафоратнень, эпитеттнень, конатнень вельде сатови кялень козяшись.

(Шабатне азондсазь кялень образнай средстватнень:

зарянь уженяй – эпитет, медяруня расась –эипитет, менельсь гайняй – метафора, ноляй расась – метафора и стак тов)

Учительсь:

- Кодама смузю И. М. Девинонь стихотворенияц «Спасиба, тядя!» Тяса поэтсь панчсесы седиень таколдоманц тядянь кельгомати. Лувсак стихонц, и сельминголет эвондай сембодонга кельгома ломанце – тядяце. А тядянь кельгомась сюлмаф шачема крайти кельгомать мархта. Кулхцондсаськ поэтть стихотворениянц «Спасиба, тядя!» эсь лувфсонза. ( СД слайд)

Цють валдашкодозь ушеды тонь тевце:

Крьвястят тол и пянакуд уштат.

И васенцекс кульсак эсь тядянь лемцень,

Мзярда кудса нинге аш кушт – кашт.

Тон содасак ся вайгяльть сембонь еткса

И мярьгат:

- Удок тага цють, идняй..

Тон мяляфтсак, вай, стямась стака одста,

Мзярс кувака онце апак няйхть.

И нажядят сияк кроваткять малас.

Да стане, што тонь мольфкяце – пухкя.

И етамбачка петьсак одеялать,

А эздост, одеялада, аф фкя.

Спасиба, тядя, лямбе кядцень инкса,

Минь эсонк мес сон симди, анды, щай.

Спасиба, тядя, эряфонкса – шинкса,

Спасиба, тядя, мес тон тядят най!

Учительсь:

- Шабат, кие миндейнек азондсы наизусть «Сенемас» стихотвореният?

( Шабатне лувсазь наизусть стихотворениять и азсазь мяльснон – арьсемаснон)

Учительсь: (СД слайд)

- А тяни, шабат, аряда кандсаськ арьсеманьконь Девинонь шачема веленцты – Сире Теризморгати.

- Пингсь иляденди Сельмонь коньчтыема кармасть ни Теризморгать вельхксса васенце тяшттне. Цифтордыхть, чипоряйхть фкя – фкянди и апак фатяк сетьмозевихть, мярьгат, кулхцондыхть, мезе тиендеви мастор лангса. И афкукс. Марясак: кати веленять тона пестонза, кати мянь Сивинь ляйнять ширде срадсь Теризморгать келес мокшень, седис кундай и пяк кунардонь народнай морось « Эрзянь Полюнясь,Полю баяраванясь». А вов ни сонь полафтозе «Яшань Дарюнясь». И тусь , тусь морось велеть фкя песта омбоцети, седиста седис, ваймоста ваймос. Кудста кудс, поколенияста поколенияс етни поэтть шачема ширесонза кельгомась мороти, етни кода народнай пара традиция. И аф ли тяста, шять, сувась Илья Девинонь седизонза и кеме «нардишекс» нолдазень эсь юронзон сонь сембе творчестванц пачк оцю кельгомась народнай традициятненди, шачема ширенцты, Родинанцты и сонь ломанензонды.

Кизефкс:

- Шабат, а кодама народнай традицият тинь содатада?

( шабатне лятфнесазь Тройцять, Роштувать, свадьбань илатнень и стак тов)

Учительсь:

- Девинге пяк кельгозень народнай традициятнень, мокшень мазы сюреса серматф щапнень. Сон тяштсь синь колгаст пяк мазы стихотворения

Баллада мокшавань щапнень колга (СД слайд)

Вага, тядяй, петьксу панарце,

Вагот кумбря мархта понань цекне.

Сермадомстост маряйть павазцень,

Кода морасть вальмя алот цефксне.

Вагот хромонь сурму кямотне,

Шальвайце, руцятне – панчфуфт, акшет…

Вийсна изь сата керомс шямоттнень

Паршицень, мезть праздникова щакшнеть.

Тясот тенькань цифксне, ожнатне

И сюлгапне, вай, синь кода мазыхть!

Коста сембе сявовсть, ожкаське,

Тядязти шта кие эсост казендсь?...

Тядянь – акань арзят кирдеда,

Тянивок синь питнесновок аш.


Кизефкс:

- Кодама тюст сявонди поэтсь мокшень щапнень няфтемста?

- Кода арьсетяда, мес Девин тяштсь стихотворения мокшавань щапнень колга?

( Шабатне азондсазь эсь мяльснон – арьсемаснон, што поэтсь тяса эняльди , штоба минь вестеньге афолеськ юкста традициятнень. вышивкать, мокшавань щапнень.)

Учительсь:

-А тяни , шабат, ваность стенттнень, тяса няйсасть И. М. Девинонь

народнай хоронь участникнень мархта Сире Теризморгаса, тяса и шабань ансамбльсь. А кие тяштезе музыкать Девинонь стихонзонды?


( Н В Кошелевась – минь земляконьке)

Учительсь:

- Да, тяса няйсасть и Кошелевать портретонц.

Моравии морсь «Панжи , панжи лайме порась» (СД слайд)

Учительсь:

- Шабат, а тяни ванцаськ эпиграфть, кодама смузь путсь И. М. Девин ня валхненди:

Азонтк:

Кода тяшка парцень пандомс,

Кода шумукс аф илядомс тейть:

( шабатне азсазь, што поэтсь пара валса корхтай эсь шачема

краенц колга, што сон макссь тейнза сенем менель, розень паксят, туста вирхть и лац ли сон эрязе эряфонц, кадсь ли мезевок эсь мельганза.)

Урокть кемокстамац (СД слайд)

- Мезе пажеде эстейнт од И. М. Девинонь творчестваса?

- Кода поэтсь няфнесы кельгомать перьфпяльти, шачема крайти,

ломаттненди?

- Кодама стихотворнай строчкат тусть мялезонтт и мес?

Оценкань путомась.


Тест мокшень кяльса

11 классонди

В-1



1.Кона валрисьмотнень эса улихть однороднай подлежащайхть:

А) Эряфкшу ломаттне мяляфтсазь ся пинкнень, мъзярда мокшэрзянь

крайть пяк козяль перьфпялец.

Б) Велезень паксянза и луганза келемсть мянь шамать алга.

В) Вирьхнень эса ламоль нармоньда и зверьда.

Г) Тоса, коса улихть шуфтт, модась аф пели коське вармада.

2. Кона валзюлмотне тиевсть прилагаг.+ существ. схемать коряс:

А) мекольце повестсь, кафта ялгат, ёню ученик, ветеце кизось;

Б) тя пингсь , козя ярмакса, самс пингта инголе, монь шабазе;

В) танцти ярхцамбяль, козя ломань, акша лов, ёмла шаба;

Г)аварди цёраня, колмоце кудсь, идьфтома ава, шобда менель


3.Мусть рядть, коса зависимай валсь наречия:

А) тумс салава, корхтамс кайгиста ,молемс ялга; пачкодемс шобдава;

Б) самс ласькозь, панжемс кенкшть, рахамс кайгиста,морамс цебярьста;

В) варжакстомс вяри, самс тячи, корхтамс молембачк, тердемс инжихть;

Г) арамс ялга ваксс, пачкодемс илять, молемс ялганди,эрямс тядяфтома


4. Кона рядса управлениянь соткссь:

А) сувамс куду, туумс рана, самс ялга мархта, лоткась кудть инголи;

Б) эрясь ськамонза, эчке тума, ърдазу ведь, туста вирь;

В)пидеф шиса, сувамок школав, яфиесь узерьса, сюролданзон эса;

Г) ёню шаба,вишке пизем,тонафнемс школас, молемс вишкста;


5. Кона рядса правильнайста максфт глаголть наклонениянза:

А) изъявительнай, кошардомань, серьгядемань, условнай, желательнай, сослагательнай, ;

Б) изъявительнай, кошардомань, серьгядемань, условнай, желательнай, сослагательнай, условно- сослагательнай;

В) повелительнай, кошардомань, условнай, желательнай, сослагательнай, условно- сослагательнай;


6.Кона рядса существительнайхне путфт аф определённай (основной ) склоненияса:

А) келу, кудста, кис, книгафтома;

Б) лемфтома, шрась, шрати, кудозе;

В) катозе, кудшкан, вирезон, кудфтомон;


7. Кона валрисьмотнень эса ули приложения:

А) Кунардонь тя ошу- музеи минь пачкодеме рана шобдава.

Б) Иссатнень прява зарясь повфни кумацекс якстерь киленят.

Шинь мадома ширеса менельсь вельхтявсь шобда туцяса.


8. Мумс валрисьмотнень ёткста аф личнай валрисьмоть:

А) Тяса пара кстынь кочкамась.

Б) Ичкозят минь эздонк, шачема веле.

В) Варжакстсь кяжиста ширезон, и мон сюдемонь.



9 . Максф валрисьмотнень ёткста мумс сложносочинённайхнень

А) Мон тунь ласькозь вели, но курокста лоткань.

Б)Мольсь сентябрть омбоце пялец, а ушесь кода кизоннель..

В) Ляй берякса Катясь мусь сетьме вастоня, коса кассть кусторкст.





10. Максф валрисьмотнень эзда мумс няфтемань вал мархта сложноподчинённай валрисьмоть:

А) Кода ётась пингсь, Сергей ёфси афи мяляфтсы.

Б) Маря учсь, мзярда Ефим азсы мекольце валонц.

В) Но Костя повсь стама кърхка вастс, коста пряцка изь няев.





11. Мумс валрисьмотнень эзда целень придаточнай мархта сложноподчинённай валрисьмоть:

А)Сянкса, штоба лац тонафнемс, эряви лама лувомс.

Б) Тоса, косолеме минь кизонда, пяк лама мокшеда.

В) Тон корхнеть, што суват ширезонк.



12. Кодама союст сотнесазь главнай пяльксть и вастонь придаточнай валрисьмоть:

А) мзярда, што, хоть, штоба

Б) коса, ков, куваня, коста

В) мъзярда, мъзярс, аньцек, кодак аньцек.



Ответтне:

  1. Б

  2. В

  3. А

  4. В

  5. Б

  6. А

  7. А

  8. А

  9. Б

  10. В

  11. А

  12. Б






В-2



1.Кона валрисьмотнень эса улихть однороднай сказуемайхть:

А) Эряфкшу ломаттне мяляфтсазь ся пинкнень, мъзярда мокшэрзянь

крайть пяк козяль перьфпялец.

Б) Эста ведюфтольхть и калуфтольхть ляйхне, сянгярятольхть лугатне, вирьхне.

В) Вирьхнень эса ламоль нармоньда и зверьда.

Г) Тоса, коса улихть шуфтт, модась аф пели коське вармада.



2. Кона валзюлмотне тиевсть глагол + местоимения схемать коряс

А) сувамс куду, молемс пангс, кандомс ведь, сёрмаддомс сёрма;

Б) пачфтомс теенза, тердемс сонь, кельгомс синь, ризнамс соньфтемонза;

В) учемс ламос, ётамс кить туркс, тиемс тев, уемс ляйгя;

Г) лувомс книга, тонафнемс лац, содамс тевть;





3. Мусть рядть, коса главнай валсь прилагательнай:

А) мондедон ёжу, браттон оцю, ёню шабада;

Б) кельме ведь, эрямс вирь потмоса, якстерь сюрхцем;

В) шачемс ошса, самс пефтомксть, эряфкшу ломаттне;

Г) варжакстомс вяри, самс тячи, корхтамс молембачк, тердемс инжихть;





4. Кона рядса примыкания соткссь:

А) тума лопа, васенце ковсь, пяк мазы, ушедомс морама;

Б) нармонень пиза, сексень пизем, самс вели, корхтамс панжадонь седихть;

В)пара обуцясна, пси ведь, састь инжикс, работай учителькс

Г) эшеляй ляйса, каязень щамонзон, маладсь отькорьста, симондихть келуведьта


5. Кона рядса правильнайста максфт глаголть наклонениянза:

А) изъявительнай, кошардомань, серьгядемань, условнай, желательнай, сослагательнай, условно- сослагательнай;

Б) повелительнай, кошардомань, условнай, желательнай, сослагательнай, условно- сослагательнай;

В) ) изъявительнай, кошардомань, серьгядемань, условнай, желательнай, сослагательнай,


6.Кона рядса существительнайхне путфт притяжательнай склоненияса:

А) келу, кудста, кис, книгафтома;

Б) лемфтома, шрась, шрати, кудозе;

В) катозе, кудшкан, вирезон, кудфтомон;


7. Кона валрисьмотнень эса ули виде дополнения:

А) Кунардонь тя ошу- музеи минь пачкодеме рана шобдава.

Б) Иссатнень прява зарясь повфни кумацекс якстерь киленят.

В)Шинь мадома ширеса менельсь вельхтявсь шобда туцяса.





8. Мумс обособленнай обстоятельства мархта валрисьмоть:

А) Фёдор Ушаков, содаф полководецсь , минь земляконьке.

Б) Стирьхне, цебярьста морайхне, тусть цёратнень мяльс.

В) Панда пряса, аф ичкозе велеть эзда, касыхть нормальхть.



9. Максф валрисьмотнень ёткста мумс сложноподчинённайть:

А)Венежсь тифоль доскаста , а парусоц путфоль кагодонь.

Б)Шитне нюрьхкалгодсть и кармасть пяк манихть.

В) Ляй берякса Катясь мусь сетьме вастоня, коса кассть кусторкст.



10. Максф валрисьмотнень эзда мумс няфтемань вал мархта сложноподчинённай валрисьмоть:

А) Кода ётась пингсь, Сергей ёфси афи мяляфтсы.

Б) Маря ламос учсь сянь , мзярда Ефим азсы мекольце валонц.

В) Но Костя повсь кърхка вастс, коста пряцка изь няев.



11. Мумс валрисьмотнень эзда изъяснительнай придаточнай мархта сложноподчинённай валрисьмоть:

А)Сянкса, штоба лац тонафнемс, эряви лама лувомс.

Б) Тоса, косолеме минь кизонда, пяк лама мокшеда.

В) Тон корхнеть, што суват ширезонк.



12. Мусть сотксонь союз мархта валрисьмоть:

А) Охотникнень вельхксса торазевсь атямсь, и вири менельсь ёрдась толонь лама нал.

Б) Цёраня кода цёраня, аньцек сельмованфоц пяк пичефксу.

В) Корхтамста Миша то вяри ванць, то визделготкшенсь



Ответтне:

  1. Б

  2. В

  3. А

  4. В

  5. Б

  6. А

  7. А

  8. А

  9. Б

  10. В

  11. А

  12. А



Критерии оценивания:

Оценка «5» ставится при правильном выполнении 11-12 заданий

«4» - при правильном выполнении 9-10 заданий

«3» - при правильном выполнении 6 заданий

При выполнении ниже 6 заданий ставится оценка «2»




Тест 5 классонди

1-це вариантсь


  1. Валзюлмоса главнай валсь сидеста азондови:

А) Прилагательнайса и наречияса

Б) Прилагательнайса и существительнайса

В) Существительнайса и глаголса


  1. Мумс кошардомань валрисьмоть:

А) Пара работамась ару кожфса.

Б) Кодама пара тялось!

В) Морафтк кудса стихть.


  1. Мумс и китькстамс валрисьмотнень эса подлежащайть и сказуемайть:

А) Илядсь ульсь пяк сетьме.

Б) Исяк ялгань келес якаме вири.

В) Сазорозе – пединститутонь студентка


  1. Мумс валрисьмоть, коса улихть определеният:

А) Ванды молян базару.

Б) Садса панжихть марлюфт.

В) Уле тюсса менельге уихть равжа туцят.


  1. Мумс валрисьмотнень эзда обобщённо-личнай валрисьмоть:

А) Нинге шобдаста туян ошу.

Б) Тячиень тевть вандыенди тят кадонда.

В) Сери пичет и туста куст.


  1. Путомс лотксема тяштенят однороднай члеттнень видес:

А) Вирьбулоняса и садняса мазыста морасть нармотть.

Б) Переса работамс цёранятне кандсть цянкт и каймот а стирнятне граблят.

В) И вирьса и паксяса и ляйса сетьмоль.


  1. Мзяра мокшень кяльса гласнай вайгялькста:

А) 6

Б) 10

В) 8


  1. Мусть валонь рядть, коса азови ингольце рядонь а-сь:

А) лем, лям, кона, коня

Б) эй, пуня, эши, сяфтя

В) вирь, вярь, саворня, каль



  1. Мусть рядть, коса валхнень эса сембе согласнайхне кайгихть:

А) книга, марлю, карь, куд

Б) тракс, эрьхке, лофца, мора

В) эрьгя, мора, он, баня


  1. Мъзяра вайгялькс и буква валса?

Мяльхть -





Ответтне:

  1. Б

  2. В

  3. А).Илядьсь ульсь пяк сетьме

Б) ялгань келес якаме

В) сазорозе – студентка



  1. В

5. Б

6. А) Вирьбулоняса и садняса мазыста морасть нармотть.

Б) Переса работамс цёранятне кандсть цянкт и каймот, а стирнятне граблят.

В) И вирьса , и паксяса, и ляйса сетьмоль.

7. 8

8. Б

9. В

10. 7 букв., 4 вайг..

Критерии оценивания:

  1. Оценка «5» ставится при правильном выполнении 10 заданий

  2. «4» - при правильном выполнении 8-9 заданий

  3. «3» - при правильном выполнении 6 заданий

  4. При выполнении ниже 6 заданий ставится оценка «2»







Тест 5 классонди

2-це вариантсь


1.Валзюлмоса зависимай валсь сидеста азондови:

А) Прилагательнайса и наречияса

Б) Прилагательнайса и существительнайса

В) Существительнайса и глаголса


2.Мумс серьгядемань валрисьмоть

А) Пара работамась ару кожфса.

Б) Кодама пара тялось!

В) Морафтк кудса стихть.


  1. Мумс и китькстамс валрисьмотнень эса подлежащайть и сказуемайть:

А) Шобдавась ульсь пяк мани.

Б) Эхи кельгса тялонь вирть!

В) Михаил Безбородов – содаф мокшень поэт.


  1. Мумс валрисьмоть, коса улихть дополнения:

А) Ванды молян базару.

Б) Садса панжихть марлюфт.

В) Уле тюсса менельге уихть равжа туцят.


  1. Мумс валрисьмотнень эзда определённо-личнай валрисьмоть:

А) Нинге шобдаста туян ошу.

Б) Тячиень тевть вандыенди тят кадонда.

В) Сери пичет и туста куст.


  1. Путомс лотксема тяштенят однороднай члеттнень видес:

А) Оцю равжа ката ётась ингольганк.

Б) Исяк шиньберьф и тячи веньберьф валсь кельме пизем.

В) И школаса и кудса пяк лама тевда.


  1. Мзяра мокшень алфавитса буквада:

А) 21

Б) 33

В) 32


  1. Мусть валонь рядть, коса азови ингольце рядонь а-сь:

А) эй, пуня, эши, сяфтя

Б) лем, лям, кона, коня эй, пуня, эши, сяфтя

В) вирь, вярь, саворня, каль




  1. Мусть рядть, коса валхнень эса сембе согласнайхне аф кайгихть:

А) копша, ки, сёкт, калхт

Б) тракс, эрьхке, лофца, мора

В) книга, марлю, карь, куд



  1. Мъзяра вайгялькс и буква валса?

лаймарьхть -


Ответтне:

  1. Б,

  2. Б

  3. А) шобдавась ульсь мани, Б) кельгса, В)Михаил Безбородов – поэт

  4. В

  5. А

6. А) Оцю равжа ката ётась ингольганк.

Б) Исяк шиньберьф и тячи веньберьф валсь кельме пизем.

В) И школаса , и кудса пяк лама тевда.

7. Б

8. А

9. А

10. 7- вайгялькс, 10- буква


Критерии оценивания:

  1. Оценка «5» ставится при правильном выполнении 10 заданий

  2. «4» - при правильном выполнении 8-9 заданий

  3. «3» - при правильном выполнении 6 заданий

  4. При выполнении ниже 6 заданий ставится оценка «2»

Тест 9 класса



  1. Мумс валрисьмотнень ёткста аф личнай валрисьмоть:

А) Тяса пара ваймосемс тялондавок.

Б) Сифтемса ведь аф каннихть

В) Варжакстсь кяжиста ширезон, и мон сюдемонь.



  1. Мумс обособленнай определения мархта валрисьмоть:

А) Фёдор Ушаков, содаф полководецсь , минь земляконьке.

Б) Стирьхне, цебярьста морайхне, тусть цёратнень мяльс.

В) Панда пряса, аф ичкозе велеть эзда, касыхть нормальхть.



  1. Мумс рядть, коса сембе союсне карань-каршеконь:

А) а, но, да, жа, афток, аньцек.

Б) а, то-то, станя жа, и, аф-аф.

В) или, либа, то…то, кати…кати.



  1. Максф валрисьмотнень ёткста мумс сложносочинённайхнень

А)Венежсь тифоль доскаста и ёфси ёмланяль

Б)Шитне нюрьхкалгодсть, и рана кармась шопотькшнема.

В) Ляй берякса Катясь мусь сетьме вастоня, коса кассть кусторкст.



  1. Мусть явомань союз мархта валрисьмоть:

А) Корхтамста Миша то вяри ванць, то визделготкшенсь.

Б) Цёраня кода цёраня, аньцек сельмованфоц пяк пичефксу.

В) Аделавсть урокне, и сембе шабатне сърхкасть куду.



  1. Максф валрисьмотнень эзда мумс няфтемань вал мархта сложноподчинённай валрисьмоть:

А) Кода ётась пингсь, Сергей ёфси афи мяляфтсы.

Б) Маря учсь, мзярда Ефим азсы мекольце валонц.

В) Но Костя повсь стама кърхка вастс, коста пряцка изь няев.



  1. Путость лотксема тяштенятнень сложноподчинённай валрисьмотненди:

А) Аказе эряй ошса коза мон якан эрь кизоня.

Б) Ся кить эзга куване алязе тусь фронту эрь шиня ётци райцентрав лама ломань

В) Мзярда мон шарфтонь фталу сон ни ашезь няев.



  1. Мумс валрисьмотнень эзда изъяснительнай придаточнай мархта сложноподчинённай валрисьмоть:

А) Сон мърдась куду, мзярда ульцяса ни варьхмодсь.

Б) Сергей кармась азондома тядянцты, кода школав сашендсть инжихть.

В) Диманя най коленди налхкшкять мархта, конань кандозе Вова щеняц.



  1. Мумс валрисьмотнень эзда целень придаточнай мархта сложноподчинённай валрисьмоть:

А)Сянкса, штоба лац тонафнемс, эряви лама лувомс.

Б) Тоса, косолеме минь кизонда, пяк лама мокшеда.

В) Тон корхнеть, што суват ширезонк



  1. Мумс валрисьмотнень эзда определительнай придаточнай мархта сложноподчинённай валрисьмоть:



А).Мзярда Таня пачкодсь кенкшть вакс, музыкась ни лоткась.

Б) Эряви озафнемс школать перьф шуфтонят, штоба мазолгофтомс перьфпяльть.

В) Кить крайге лотконятне, конатнень минь васьфнеськ, пяшксетольхть ведьта.



  1. Кодама союст сотнесазь главнай пяльксть и вастонь придаточнай валрисьмоть:

А) мзярда, што, хоть, штоба

Б) коса, ков, куваня, коста

В) мъзярда, мъзярс, аньцек, кодак аньцек.



  1. Мъзяра группава смузень коряс явовихть обстоятельственнай придаточнай валрисьмотне:

А) 5

Б) 7

В) 8







Ответтне 1-це варианти

  1. А

  2. Б

  3. А

  4. Б

  5. А

  6. В

  7. А) Аказе эряй ошса , коза мон якан эрь кизоня.

Б) Ся кить эзга , куване алязе тусь фронту, эрь шиня ётци райцентрав лама ломань

В) Мзярда мон шарфтонь фталу, сон ни ашезь няев.

8. Б

9. А

10. В

11.Б

12. В





Тест 9 класса

2-це вариантсь

  1. Мумс валрисьмотнень ёткста обобщённо-личнай валрисьмоть:

А) Тяса пара ваймосемс тялондавок.

Б) Сифтемса ведь аф каннихть

В) Варжакстсь кяжиста ширезон, и мон сюдемонь.



  1. Мумс обособленнай приложения мархта валрисьмоть:

А) Фёдор Ушаков, содаф полководецсь , минь земляконьке.

Б) Стирьхне, цебярьста морайхне, тусть цёратнень мяльс.

В) Панда пряса, аф ичкозе велеть эзда, касыхть нормальхть.



  1. Мумс рядть, коса сембе союсне явомань:

А) а, но, да, жа, афток, аньцек.

Б) а, то-то, станя жа, и, аф-аф.

В) или, либа, то…то, кати…кати.



  1. Максф валрисьмотнень ёткста мумс сложносочинённайть:

А)Венежсь тифоль доскаста , а парусоц путфоль кагодонь.

Б)Шитне нюрьхкалгодсть и кармасть пяк манихть.

В) Ляй берякса Катясь мусь сетьме вастоня, коса кассть кусторкст.



  1. Мусть сотксонь союз мархта валрисьмоть:

А) Корхтамста Миша то вяри ванць, то визделготкшенсь.

Б) Цёраня кода цёраня, аньцек сельмованфоц пяк пичефксу.

В) Аделавсть урокне, и сембе шабатне сърхкасть куду.



  1. Максф валрисьмотнень эзда мумс няфтемань вал мархта сложноподчинённай валрисьмоть:

А) Кода ётась пингсь, Сергей ёфси афи мяляфтсы.

Б) Маря ламос учсь сянь , мзярда Ефим азсы мекольце валонц.

В) Но Костя повсь кърхка вастс, коста пряцка изь няев.



  1. Путость лотксема тяштенятнень сложноподчинённай валрисьмотненди:

А) Ламос бабась ванць тоза коза кяшевсь унокть копорец.

Б) Ся марлють коста сидеста вармась пяярькшнесь марьхть озафнезе Вася оцязе

В) Мзярда маряськ пичефти кулять туме ласькозь ляйть шири



  1. Мумс валрисьмотнень эзда определительнай придаточнай мархта сложноподчинённай валрисьмоть:

А) Сон мърдась куду, мзярда ульцяса ни варьхмодсь.

Б) Сергей кармась азондома тядянцты, кода школав сашендсть инжихть.

В) Диманя най коленди налхкшкять мархта, конань кандозе Вова щеняц.



  1. Мумс валрисьмотнень эзда изъяснительнай придаточнай мархта сложноподчинённай валрисьмоть:

А)Сянкса, штоба лац тонафнемс, эряви лама лувомс.

Б) Тоса, косолеме минь кизонда, пяк лама мокшеда.

В) Тон корхнеть, што суват ширезонк



  1. Мумс валрисьмотнень эзда пингонь придаточнай мархта сложноподчинённай валрисьмоть:



А).Мзярда Таня пачкодсь кенкшть ваксс, музыкась ни лоткась.

Б) Эряви озафнемс школать перьф шуфтонят, штоба мазолгофтомс перьфпяльть.

В) Кить крайге лотконятне, конатнень минь васьфнеськ, пяшксетольхть ведьта.



  1. Кодама союст сотнесазь главнай пяльксть и пингонь придаточнай валрисьмоть:

А) мзярда, што, хоть, штоба

Б) коса, ков, куваня, коста

В) мъзярда, мъзярс, аньцек, кодак аньцек.



  1. Мъзяра группава явовихть сложноподчинённай валрисьмотне:

А) 3

Б) 2

В) 8









Ответтне:

  1. Б

  2. А

  3. В

  4. А

  5. В

  6. Б

  7. А) Ламос бабась ванць тоза, коза кяшевсь унокть копорец.

Б)Ся марлють, коста сидеста вармась пяярькшнесь марьхть , озафнезе Вася оцязе

В) Мзярда маряськ пичефти кулять, туме ласькозь ляйть шири

8.В

9.В

10.А

11. В

12. А



Критерии оценивания:

  1. Оценка «5» ставится при правильном выполнении 10 заданий

  2. «4» - при правильном выполнении 8-9 заданий

  3. «3» - при правильном выполнении 6 заданий

  4. При выполнении ниже 6 заданий ставится оценка «2»







Тест 9 класса



  1. Мумс валрисьмотнень ёткста аф личнай валрисьмоть:

А) Тяса пара ваймосемс тялондавок.

Б) Сифтемса ведь аф каннихть

В) Варжакстсь кяжиста ширезон, и мон сюдемонь.



  1. Мумс обособленнай определения мархта валрисьмоть:

А) Фёдор Ушаков, содаф полководецсь , минь земляконьке.

Б) Стирьхне, цебярьста морайхне, тусть цёратнень мяльс.

В) Панда пряса, аф ичкозе велеть эзда, касыхть нормальхть.



  1. Мумс рядть, коса сембе союсне карань-каршеконь:

А) а, но, да, жа, афток, аньцек.

Б) а, то-то, станя жа, и, аф-аф.

В) или, либа, то…то, кати…кати.



  1. Максф валрисьмотнень ёткста мумс сложносочинённайхнень

А)Венежсь тифоль доскаста и ёфси ёмланяль

Б)Шитне нюрьхкалгодсть, и рана кармась шопотькшнема.

В) Ляй берякса Катясь мусь сетьме вастоня, коса кассть кусторкст.



  1. Мусть явомань союз мархта валрисьмоть:

А) Корхтамста Миша то вяри ванць, то визделготкшенсь.

Б) Цёраня кода цёраня, аньцек сельмованфоц пяк пичефксу.

В) Аделавсть урокне, и сембе шабатне сърхкасть куду.



  1. Максф валрисьмотнень эзда мумс няфтемань вал мархта сложноподчинённай валрисьмоть:

А) Кода ётась пингсь, Сергей ёфси афи мяляфтсы.

Б) Маря учсь, мзярда Ефим азсы мекольце валонц.

В) Но Костя повсь стама кърхка вастс, коста пряцка изь няев.



  1. Путость лотксема тяштенятнень сложноподчинённай валрисьмотненди:

А) Аказе эряй ошса коза мон якан эрь кизоня.

Б) Ся кить эзга куване алязе тусь фронту эрь шиня ётци райцентрав лама ломань

В) Мзярда мон шарфтонь фталу сон ни ашезь няев.



  1. Мумс валрисьмотнень эзда изъяснительнай придаточнай мархта сложноподчинённай валрисьмоть:

А) Сон мърдась куду, мзярда ульцяса ни варьхмодсь.

Б) Сергей кармась азондома тядянцты, кода школав сашендсть инжихть.

В) Диманя най коленди налхкшкять мархта, конань кандозе Вова щеняц.



  1. Мумс валрисьмотнень эзда целень придаточнай мархта сложноподчинённай валрисьмоть:

А)Сянкса, штоба лац тонафнемс, эряви лама лувомс.

Б) Тоса, косолеме минь кизонда, пяк лама мокшеда.

В) Тон корхнеть, што суват ширезонк



  1. Мумс валрисьмотнень эзда определительнай придаточнай мархта сложноподчинённай валрисьмоть:



А).Мзярда Таня пачкодсь кенкшть вакс, музыкась ни лоткась.

Б) Эряви озафнемс школать перьф шуфтонят, штоба мазолгофтомс перьфпяльть.

В) Кить крайге лотконятне, конатнень минь васьфнеськ, пяшксетольхть ведьта.



  1. Кодама союст сотнесазь главнай пяльксть и вастонь придаточнай валрисьмоть:

А) мзярда, што, хоть, штоба

Б) коса, ков, куваня, коста

В) мъзярда, мъзярс, аньцек, кодак аньцек.



  1. Мъзяра группава смузень коряс явовихть обстоятельственнай придаточнай валрисьмотне:

А) 5

Б) 7

В) 8







Ответтне 1-це варианти

  1. А

  2. Б

  3. А

  4. Б

  5. А

  6. В

  7. А) Аказе эряй ошса , коза мон якан эрь кизоня.

Б) Ся кить эзга , куване алязе тусь фронту, эрь шиня ётци райцентрав лама ломань

В) Мзярда мон шарфтонь фталу, сон ни ашезь няев.

8. Б

9. А

10. В

11.Б

12. В



43




57 вебинаров для учителей на разные темы
ПЕРЕЙТИ к бесплатному просмотру
(заказ свидетельства о просмотре - только до 11 декабря)


Автор
Дата добавления 19.12.2015
Раздел Русский язык и литература
Подраздел Конспекты
Просмотров288
Номер материала ДВ-271328
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх