НЕЗАРЕТ ИШИ
ДЕРС
МЕВЗУСЫ: Диктант
ДЕРСНИНЪ
МАКЪСАДЫ: фииль, исимфииль, сыфатфииль мевзуларнен
багълы талебелернинъ бильгилерини тешкермек.
ДЕРС
ТЕМИНАТЫ: незарет дефтерлери
ДЕРСНИНЪ КЕТИШАТЫ
ТЕШКИЛИЙ
КЪЫСЫМ. Селямлашув. Невбетчи талебенинъ рапорты. Табиат дюльберлиги акъкъында
къыскъа малюмат, субет.
Кечкен
мевзуны текрарлав ве пекитюв(агъзавий)
Талебелерге
бир сыра суаль ве вазифелер бериле:
1.Насыл
сёзлерге фииль ,симфииль, алфииль ве сыфатфииль дейлер?
2.Фииль
дереджелери ифаделеген маналарны ве чешитлерини изаланъыз.
3.Фииль
заманлары нени ифаделейлер? Кечкен, шимдики ве келеджек заманларынынъ мана ве
чешитлери акъкъында айтынъыз.
4
.Фииль мейиллери ифаделеген маналарны ве чешитлерини изаланъыз.
5.
Синтактик ве морфологик усулнен фииль, исимфииль, алфииль ве сыфатфииллернинъ
япыпувыны изаланъыз
2.Бильгилерини
тешкермек макъсадынен, талебелерге диктант шеклинде метин яздыртыла ве
вазифелер бериле: къайд олунгъан фииль, исимфииль. алфииль ве сыфатфииллерни
морфологик талиль этинъиз
Диктант
метини
Къырымтатар эдебиятынынъ башлангъыч девирлери та асырлар тёрюне барып
чыкъа.Эдебиятымызнынъ шу кечмиш тарихына бир
назар ташлап, онынъ кечкен ёлундаки вакъиаларгъа
окъуйыджыларнынъ дикъкъатыны джельп этмек истеймиз.
Малюм ки, эр бир миллий эдебиятнынъ инкишафы халкъ агъыз яратыджылыгьынен
сыкъы багьлыдыр. Бу яратыджылыкъта халкънынъ акъыл-идраки, онынъ
ичтимаий-тарихий, фельсефий, бедиий-эстетик бакъышлары, онынъ дюньягъа,
этрафтаки алемге бакъышы ве арзу хаяллары теджессюм олунгьан.
Фольклорда — халкъ фикрининъ бу инджи данелеринде, шу халкънынъ бутюн лексика
зенгинлиги, сёз байлыгъы бирлештирильген.
(Р.Фазылдан)
3.
Тербиевий иш.
Диктант метини узеринде субет кечирип, талебелерге халкъ агьыз яратыджылыгьына,
миллий эдебиятымызгъа севги ашламакъ.
Эв
вазифеси
Фииль, исимфииль, сыфатфииль ве алфииллер акъкъында малюматларны текрарламакъ.
Фииль, исимфииль, сыфатфииль ве алфииллернен экишер джумле уйдур
Оставьте свой комментарий
Авторизуйтесь, чтобы задавать вопросы.