Коучинг "Диалогтік оқыту мен Қ.О.Бітібаева технологиясының үндестігі"

Шығыс Қазақстан облысы Көкпекті ауданы Көкпекті ауылы «Көкпекті орта мектебі» КММ

 «Диалогтік оқыту мен Қ.О.Бітібаеваның «Ой тастау, ойланту, ойлау» технологиясының үндестігі» тақырыбы бойынша

Хасенова Гульнар Жуматовнаның коучинг жоспары

№	Модуль атауы	«Диалогтік оқыту мен Қ.О.Бітібаеваның «Ой тастау, ойланту, ойлау» технологиясының үндестігі»
	Тренинг тақырыбы	Біз қалай бағалап жүрміз?
	Жалпы мақсаты	-ортада жайлы әркеттестікті орнату, әңгімелесу үшін мүмкіндіктер жасау: -өз идеяларын зерделеп, өзара әрекеттестікті орнату; - диалогтік оқытуды Қ.Бітібаеваның технологиясымен салыстыруға, зерделеуге жетелеу; -мұғалімдердің белсене қатысуына көмектесу;
	Күтілетін нәтиже	Диалогтік оқытудың әдіс-тәсілдерін  қайталайды, Қ.Бітібаеваның технологиясымен танысады . Шеберліктеріне қарай өз іс-тәжірибелеріне енгізеді.
	Оқыту нәтижелері	Тәжірибесінде диалогтік оқытумен қатар «Ой тастау, ойланту, ойлау» технологиясын енгізеді.
	Оқу әдісі	Топтық, жұптық, жеке жұмыс
	Негізгі идеялар	Диалог сабақта оқушылардың қызығушылығын арттырумен қатар, олардың білім деңгейінің өсуіне үлес қосады. Оқыту моделі оқушы диалог құру нәтижесінде білім алады.
	Құрал жабдықтар	флипчарттар, маркерлер, стикерлер, тапсырма орындайтын парақшалар, бейнекөрсетілім.

Сабақ бойынша коуч пен мұғалімдердің іс-әрекеті:

І.Мұғалімдерге психологиялық ахуал туғызу		Коучтың іс-әрекеті		Мұғалімдердің іс-әрекеті
( 5  мин)		Серіктестік орта құру. Коуч қатысушыларды шеңбер бойына тұрғызып мотивация кезеңін орындатады.  Басқа қатысушылар оны жалғастырады. "Жүректен - жүрекке" Шағын топқа бөлу.  Әннің (халық әндері: «Сәулем ай», «Гүлдерайым», «Көзіңнің мөлдірін-ай») сөздері жазылған қиықшаларды қатысушыларға таратып беру. Әннің сөздері жазылған қиықшалар арқылы 3 топқа бөлініп отырады.		Мұғалімдер ортаға шығады, шеңбер жасайды. Коуч  жүрек суретін алып өзінің жағымды  тілегін айтып бір қатысушыға береді. Ол өз тілегін айтады. Қатысушылар аяқталғанша осылай жалғаса береді. Мұғалімдер әннің сөздері жазылған қиықшаларды алып, топқа бөлінеді. Топтарына  отырып, әнді орындайды.
Ой шақыру (20 минут)		Қанипа Омарғалиевна Бітібаеваның мұғалімдер алдында өз технологиясы мен Кембридж университеті мен педагогикалық шеберлік орталығының бірлескен бағдарламасы бойынша ой бөліскен сәтті  бейнероликтен көрсету.		1.Қалай  ойлайсыздар  біз  бүгін  қандай  тақырып  төңірегінде  сөз  қозғамақпыз? 2.Бейнефильм мазмұнынан не байқадыңдар?Мұғалімдер бейнефильмді қарап, ой түйеді.
1-тапсырма  ( 10мин)		Топқа тапсырмалар беру.		Топ мүшелері берілген тапсырмаларды орындайды.
		Мерсер зерттеген әңгіменің үш түрі:әңгіме-дебат, кумулятивті, зерттеушілік әңгіме бойынша мәтінді аяқтап ,топта талқылап,постер жасап қорғау.		Бірлесе отырып әңгімені аяқтайды, әңгіменің жүру ретін көрсетеді.
(5 мин)		Топ мүшелеріне өз әңгімелерінің мазмұны бойынша ой тастау мақсатында «неге олай?» сұрағы қойылады.		Әр топ өз әңгімелерінің мазмұны бойынша ойланып, жауап береді, екі әдістің үндестігі туралы ойларын жинақтайды.
Сергіту сәті		Қара  жорға		Интерактивті тақтадан көрсетілген сергіту сәтінің қимылдарын бірге қайталайды, сергиді.
Презентация көрсету (5 мин)		Қ.Бітібаеваның технлогиясы тураклы презентация көрсетеді.		Мұғалімдер қарайды, салыстырады, зерделейді.
«Диалогтік оқыту мен Қ.О.Бітібаеваның «Ой тастау, ойланту, ойлау» технологиясының үндестігі» тақырыбы бойынша постер жасап, қорғау. (25 мин)		Коуч Қ.Бітібаеваның технологиясы мен диалогтік оқытуды салыстырып, үндестігін анықтауды ұсынады.		Топ мүшелері Қ.Бітібаеваның технологиясы мен диалогтік оқытуды салыстырып, үндестігін анықтап, постерге түсіреді, қорғайды.
Рефлексия ( 5  мин )	Кері байланыс орнату. «басбармақ» әдісі арқылы бағалау. «Екі жұлдыз бір тілек»		Мұғалімдер  коучинг бойынша ойлары мен тілегін білдіреді.