Коучинг жоспары "Сындарлы әңгімені ынталандырудың стратегияларын пайдалану"

Облыстық әдістемелік-практикалық семинар. Коучинг жоспары 18.11.2015ж
Тақырыбы	Билингвалдық компонент арқылы сындарлы әңгімені ынталандырудың стратегияларын пайдалану
Сілтеме	Мұғалімге арналған тәжірибелік көмекші құрал, ресурстар
Жалпы мақсаты	Мұғалімдерге өз сабақтарының әр кезеңінде оқушылардың бір-бірімен қарым-қатынас жасап, әңгімелесуіне, сол арқылы сабаққа қызығушылығын арттырып, білім деңгейінің өсуіне ықпал етудің тиімді жолдарын қалыптастыру
Оқу нәтижелері	Коучинг–сессияның соңында: біледі,түсінеді,қолданады,талдайды,жинақтайды
Негізгі идеясы	Әртүрлі  оқыту  мәнмәтіндерінде  және  жағдайларында  креативті  және икемдей отырып қолдануға жеңіл тәжірибелік идеялар ресурсын ұсыну.
Қызығушылығын ояту  5 минут	1 Тренинг Қатысушылар  бір-біріне шапалақ ұрып көшемет көрсетеді. 2 Топқа бөлу (стикерлер арқылы)	Коучингке  қатысатын адамдардың психологиялық ахуалын қалыптастыру.
Миға шабуыл 4 мин	Бейнекөрсетілім «Мақтаншақ қыз» ертегісінің көрсетілімі	«Мақтаншақ қыз» ертегісін көреді
Проблеманы анықтау кезеңі 10 мин	«Журналистік сұрақтар» стратегиясы -Сіздерге сұрақтар  беріледі. Осы сұрақтарға жауап ретінде постер жасаңыздар. Қосымша келесі алты сұрақты қойыңыз: Кім? Не? Қайда? Қашан? Неге? Қалай? Бұл сұрақтар сізге тақырыбыңызды әртүрлі қырынан зерттеуге және қарастыруға мүмкіндік беретінін естен шығармаңыздар. Сонымен қатар, әрбір сұрақ жаңа сұрақтарды дамытуға немесе құрастыруға қолданылуы мүмкін. -Сұрақтар: 1«Сіз қай кейіпкердің орнында болғыңыз келеді? Неліктен?» 2.«Бибігүлге жаман әдеттен арылу үшін қандай кеңес бересіз?» 3«Бибігүлдің мінезінің әлсіз жақтары қандай?» 4. «Ертегі қалай аяқталады ?»	Постер жасап қорғайды
Зерттеушілік жұмыс 1 тапсырма 7 мин	1.«Әліпби-әңгіме» стратегиясы Қазақ тілінің дауысты әріптерін жазыңыздар. Сол дауысты әріптен басталатын ертегінің бір кейіпкерін сипаттайтын сөздер жазыңыздар және де сол сөздерді орыс тіліне аударыңыздар.	А-4 қағазына кейіпкердің дауысты дыбыстардан басталатын сипаттарын көрсетеді.
Сергіту сәті	«Синий иней» өлеңіне билеу	Мұғалімдер жұппен билейді. Музыка тоқтаған кезінде жұбын ауыстырады. Сол тәртіппен жалғасады.
2 тапсырма 7 мин	2.«Әңгімеге негізделген жазу» стратегиясы. Бір сөйлемін орыс тілінде жазыңыздар. Бірақ одан мәтіннің мағынасы өзгермеу керек 1.  Шақыру қағазы Оқушылар мазмұнында кеш, үйлену тойы немесе басқа да жиындары бар әңгіме бойынша шақыру қағазын жазады. 2.  Хат Оқушылар әңгіменің кейіпкерлерінің біреуінің көзқарасы тұрғысынан хат жазады. 3.  e-mail Оқушылар әңгіменің бір кейіпкеріне электрондық хат жазады.  4  Газет мақаласы Оқушылар газет мақаласы түрінде әңгіме жазады.	Шығармашылық жұмыс
Қорытындылау 7 мин	1.«Қабырға диктанты» стратегиясы Әр топтан бір адам барып қабырғадағы мәтінді алып өз тобына келіп басқаларға оқып,түсіндіріп береді. Сосын басқа адам оны қалған топтарға түсіндіреді (Орындықтың артына смайлик жапсыру керек) -         ( Стратегиялар: «Сайлау» , «Сұрақтар жаңбыры», «Сөз ассоциациясы», «Дебат диалог», «Пазл әңгіме»)	Стратегияларды үйрену
Рефлексия 5 минут	1.     Тренинг "Жұлдызыңды тап"  Ал қазір рефлексияны жазбай тұрып көздеріңізді жұмыңыздар Түн. Аспан толы самсаған жұлдыздар! Жұлдыздардың бірі үлкен, бірі кішкентай. Бұл жұлдыздар бірде сіздерге жақындайды, бірде  алыстайды. Ал, сіз сол жұлдыздардың ішінен ең жарық, ең әдемі жұлдызды таңдап алыңыз.Оны аспаннан алып,өз алдыңызға қойыңыз, жүрегіңізге қондырыңыз. Ол сізге үлкен күш, қуат әкеледі. Терең тыныс алыңыздар, мен 5 деп санағанда көздеріңізді ашыңыздар. 1, 2.. сіз дүниедегі ең мықты, ең дарынды мұғалімсіз. 3, 4 ..сіздің жетістіктерге жетуге барлық күш, жігеріңіз  жетеді. 5. Ал енді көздеріңізді ашып, алдарыңыздағы жұлдызшаларға өз ойларыңызды жазыңыздар. Бұл жұлдыздар біздің әрбір кездесуімізде жарқырап, жылылық, мейірімділік, достық, жақсы қарым-қатынас сыйлап тұрсын. Мына айлы аспанға жапсырыңыздар.	Релаксация Рефлексия
Коучингті өткізген: Кенжекулова Бибігүл – Сайрам ауд К. Тіленшин ат-ғы жом                                    Маханова Бибінұр – Ордабасы ауд «Шұбар» жом

1.  Шақыру қағазы

 Мазмұнында кеш, үйлену тойы немесе басқа да жиындары бар әңгіме бойынша шақыру қағазын жазады.

2. Хат

Әңгіменің кейіпкерлерінің біреуінің көзқарасы тұрғысынан хат жазады.

 3.  e-mail

Әңгіменің бір кейіпкеріне электрондық хат жазады.

4.  Газет мақаласы

Газет мақаласы түрінде әңгіме жазады.