Краткая история секции сеялки для посева семян в условиях недостаточного увлажнения

Жұмыстың атауы: «Кешенді, барабанды тұқым сепкіш машинасы»

Жұмыстың мақсаты: Орта Азияда аграрлық әл ауқаты басым, мүмкіндігі жоғары болып табылатын Қазақстан үшін дәнді дақылдарды өсіріп, жетілдіру мен жинаудың маңызы зор. Осы ретте, аграрлық сектордың негізгі бөліктерінің бірі – дәнді дақылдар болып табылады. Дәнді дақылдардан көп мөлшердегі мол өнім алу үшін оны уақытылы суарып, баптау ғана маңызды емес, сонымен қатар дәнді жерге біркелкі орналастыру да үлкен жауапкершілікті талап ететін жұмыс. Сондықтан жұмыстың агротехнологиялық талаптарға сәйкес орындалуын жүзеге асыру мен мол өнім алу мақсатында тұқым себуге арналған кешенді, барабанды сепкіш машина түрін назарларыңызға ұсынамыз.

Жұмыс жасау принципі: Тұқым себуге арналған кешенді (барабанды) тұқым сепкіш машинасы бір уақытта 3 операциясы бірдей атқаратын, құрылысы қарапайым ауыл шаруашылық жұмыстарын орындауға арналған машина. Барабанды тұқым себу машинасы төмендегідей операцияларды орындайды:

1.      Тісті тырмалы бөлігі арқылы топырақтың беткі негізгі қабатын қопсыта өңдей отырып, дән себуге арналған ұяшықтарды қазып жүреді. Дәннің топыраққа ену тереңдігі, себілетін дәнің сортына қарай таңдап алынады және агротехникалық талаптарға сай жүргізіледі.

2.      Тұқым сепкіш аппараты арқылы бункерге салынған тұқымды арнайы қалдырылған (жасалған) тесіктер арқылы қазылған жерге егіледі. Егу тереңдігі мен қатар аралығы дәнді дақылдарды егудің технологиясы мен талаптарына сәйкес орындалады.

3.      Алдыңғы жетектегі тісті тырма арқылы қазылған ұяшыққа барабанды бункерден түскен дән себілген соң, егілген дәннің жердің игерілген бетінде сақталуы үшін артқы корпусқа топырақ бетін сыдара тартатын тегістегіш орнатылған. Тегістегіш құрылғының атқаратын қызметі себілген дәннің топыраққа тереңдей еніп, жел, топырақ, су эрозияларына ұшырап кетпеуін қамтамасыз етеді.

4.      Барабанды тұқым  сепкіш машинасы МТЗ -80, МТЗ-82,1, К-700, Т-150 тракторларына агрегатталады. Кешенді тұқым сепкіш машинаның жалпы алым ені 6/3 көлемді  құрайды.

Жалпы құрылысы:

1 – жетек  (ауыл шаруашылық тракторлары агрегатталушы бөлігі)

2 – жиналмалы тісті тырма (топырақты негізгі өңдеуші және қазушы бөлігі)

3 – бункер (дәнді тұқымды салуға арналған негізгі жұмыс бөлігі)

4 – дән сепкіш аппарат (бункердің ішінде орналасқан дәнді топараққа ұяшықтап отырғызушы аппарат)

5 – рама (Кешенді, барабанды тұқым себетін машинаның барлық бөліктерін ұстап тұрушы корпус)

6 – шынжырлы берелістер (ортада орналасқан тұқым сепкіш аппараттың жұмысын жүргізуші құралдар)

7 – трубалар (машинаның жиналмалы бөлігін жинап, шашуга арналған гидравликалық құрылғы қызметін атқарушы құралдар)

8 – табанша (лапа, топарққа егілген дәнді қайта көмуге арналған тегістегіш машина бөлігі)

9 – тірек (упор, табаншаның жұмыс процесі кезінде ысырылып жылжып кетпеуі үшін жасалған құрылғы)