Краткосрочный план по казахскому языку для 6 класса по теме "Астана - столица Казахстана"

Шығыс Қазақстан облысы

Риддер қаласы

«№12 орта мектеп» КММ

қазақ тілі мен әдебиеті мұғалімі

Қалиахметова Шынар Ерғазықызы

Пән		Қазақ тілі
Сынып		6
Сабақтың тақырыбы		Астана- Қазақстанның елордасы.
Сабақтың мақсаты:		1.Астананың өткені, бүгіні және ертеңіне шолу жасау арқылы оқушы танымын кеңейту, ізденушілікке ықпал ету. 2. Күрделі сөздердің жасалуын бекітіп, сөздік қорларын молайту, шығармашылық қабілеттерін, сөйлеу мәдениетін дамыту. 3. Топта жұмыс жасау барысында ұйымшылдыққа, ауызбіршілікке жетелеу. Отансүйгіштікке баулу
Жетістік критерийлері:		ОТЖ: Елорда туралы ақпарат бере алады, Астананың көрікті жерлерін таныстыра алады. ОЖД: Қарапайым сөйлемдер арқылы Астананы, оның ғимараттарын, әсем жерлерін сипаттай алады. ОЖЖ: Тақырып аясында өз бетімен  Астана туралы мәтін құрайды, қарапайым үлгілер арқылы тілдесімге келеді.
Негізгі түсініктер:		Демалыс орындары, Елорда, қонақ үйлер, ескерткіш, «Атамекен» саябағы, «Астана- Бәйтерек» ескерткіші, тамашалау, суретке түсу, естелік, мерекелік концерт, қойылымдар, құлпыру, алаңға жиналу, киіз үй, бұйым.
Сабақта қолданылатын материалдар:		Интерактивті тақта, презентация, бейнежүгіртпе, Астананың суреттері, ватман, маркерлер, желімдер, стикерлер, домалақ жіп.
Сабақтың барысы
Сабақтың кезеңдері/жоспарланған уақыт	Мұғалімнің іс-әрекеті		Оқушылардың іс-әрекеті
I Ұйымдастыру кезеңі 8 мин	*Оқушылармен сәлемдеседі; * Оқушыларды түгендейді; * Оқушыларға психологиялық ахуал туғызу, өткен тақырыпты қайталау мақсатында домалақ жіпті алып, «Өрмекшінің торы» стратегиясы бойынша ҮТ тексереді;   * Оқушыларды 3 топқа бөледі (суреттер бойынша- ескерткіштер, ғим»араттар).		* Мұғаліммен амандасады; * Кезекші рапортын тапсырады; * Оқушылар бір-біріне Қазақстан туралы сұрақтар қойып жауап береді; * Оқушылар таңдаған суретіне байланысты (ескерткіштер, ойын-сауық орталықтары) топқа бөлінеді. Топпен жұмыс жасау ережесін еске түсіріп, спикер, таймспикер, көшбасшы, аудармашыларды тағайындайды.
II Сабақтың тақырыбы мен мақсатын хабарлау 4  мин	Мұғалім «Жұмбақ суреттер» стратегиясын пайдаланып, оқушыларға сабақтың тақырыбы мен мақсатын анықтауға жәрдемдеседі. Сабақтың тақырыбын балалар өздері анықтау үшін, проектордағы слайд бойынша сұрақтар қояды: -Балалар, тақтаға назар аударыңыздар. -Картада қай мемлекет бейнеленген?  -Жүрек тұрған жерде қай қала бар деп ойлайсыңдар? -Астана қаласы неге жүрекпен бейнеленген? -Неге бас, қол, аяқ емес, жүрекпен бейнеледім? Қалай ойлайсыздар? - Дұрыс айтасыздар, балалар. Жүрек осындай қызметтер атқарса, Астананың еліміздегі рөлі қандай? -Ендеше бүгінгі сабағымыздың тақырыбы не ? -Иә, сабағымыздың тақырыбы: Астана-бас қала. Балалар өздері сабақтың мақсатын табу үшін, 3-слайдтағы суреттер бойынша түрткі сұрақтар қояды: -Балалар, мына суретке назар аударыңдаршы. Бұл суретте  бүгінгі сабақтың мақсаты жасырынған. Сабақтың мақсаты  не деп ойлайсыңдар? Қ....   2Ж      4Ж Қ-ол қосымша. -Дұрыс. Бүгін біз сабақта жұрнақтың түрлерін қайталап, еске түсіреміз		Слайдтардағы суреттерге сүйеніп, ұстаздарының сұрақтарына жауап береді: -Картада Қазақстан Республикасы бейнеленген. - Астана қаласы. - Ол-еліміздің жүрегі, елордасы. - Жүрек-ең басты дене мүшесі. - Жүректен қан тарайды. - Жүрек өте маңызды қызмет атқарады. -Астана-біздің елордамыз, мақтанышымыз, бас қаламыз. - Бүгінгі сабағымыздың тақырыбы: Астана- бас қала. -Қосымшалар екіге бөлінеді (жұрнақ және жалғау) Жұрнақтың 2 түрі бар. 2 Ж деген сол. Ал жалғаудың 4 түрі бар. 4Ж деген сол. Ал 2Ж қызыл түспен берілген. Меніңше, бүгін біз жұрнақтар мен олардың түрлерін қайталаймыз Бағалау түрі: мадақтау
III Қызығушылықты ояту 4 мин	Проектордан бейнефильм көрсетеді (https://youtu.be/j9KbwXfVbGY) Фильм бойынша сұрақтар қояды: -Балалар, кім Астанада болды? -Қала ұнады ма? -Фильмнен қандай ғимараттарды көрдіңіздер? - Фильмнен нені білдіңіздер?		Бейнефильмді қарайды, мұғалімнің сұрақтарына жауап береді.
IV Мағынаны тану 16 мин	Мәтінді оқиды, тапсырманы түсіндіреді.  «Сөздік гол» тәсілі   Критерийлері: Мәтінді оқу, жаңа сөздерді теріп жазу; Кестені толтыру; Сөздерді тапқан соң, әр сөзден кейін «Голл» деп айқайлау. Сөз Біздің анықтама Сөздіктегі анықтама -Енді, балалар, кестедегі сөздерді пайдаланып, сөз тудырушы жұрнақтарды қайталай отырып,үлгі бойынша сөйлемдер құрастыру керекпіз. *Есімдік+ зат есім+ етістік. -Балалар, жұрнақтардың қандай түрлері болады? -Біз қандай сөз тудырушы жұрнақтарды білеміз? - Қандай сын есім тудырушы жұрнақтар бар? Мысал. -Қандай зат есім тудырушы жұрнақтарды білеміз? Мысал. *Үстеу+ туынды сын есім+ зат есім+етістік. * Есімдік+туынды зат есім+ етістік.  «Фото» әдісі. Мұғалім әр топқа тақырыпқа байланысты суреттер береді.  Мәтін құруға критерий, дескриптор беріледі. ·        Суретке мәтін құрастырады; ·        Мәтін кемінде 5 сөйлемнен тұрады, туынды зат есім, сын есімдерді қатыстырады; ·        Мәтінге өз өмірінен мысал енгізеді; ·        Өзгелердің мәтіндерін тыңдап, мәтіннің қай сурет туралы болғанын анықтайды; ·        Өз көзқарастарын дәлелдейтін тұжырымдар келтіреді.		Топтар 26 беттегі мәтінді оқиды, мәтіннен жаңа сөздерді теріп жазады.Төменгі кестені толтырады. Сөздерді тапқан топ кестені толтыра отырып, әр сөзден кейін «Голл» деп айқайлады. 5-6 мин ішінде көп голл соққан топ жеңімпаз атанады. Бірін-бірі бағалау: қошеметтеу, сөздер санына қарай смайликтерді тарату. Оқушылар мұғалімнің сұрақтарына жауап беру арқылы, сөз тудырушы жұрнақтарды қайталайды. Сызба бойынша сөйлемдер құрастырады, дәптерлеріне жазады. Бағалау:   Мұғалім берген сурет бойынша жұмыс жасайды. Топ ішінде суретке байланысты мәтін дайындайды. Дайындап болғасын  суреттер тақтаға ілінеді.  Әр топ кезекпен өз мәтіндерін оқығанда, басқалар әңгіменің қай сурет туралы болғанын анықтауы  керек. Анықтағанда  өз  көзқарастарын дәлелдейтін  тұжырымдар келтіріп сөйлеуі керек. Топтар бір-бірін бағалайды: критерийлер бойынша смайликтерді таратады, дәлелді тұжырымдар келтіреді.
V Ойтолғаныс. Бағалау. 6  мин	«Ыстық орындық» немесе «Бізде қонақта» стратегиясы. ---Балалар, болашақта кім Астанада тұрғысы келеді? Тұрғысы келетіндер көп екен, ендеше ортаға Астананың болашақ тұрғыны Еваны шақырайық.  Ол бізге  Астана туралы  айтып береді.  Ал қалғанымыз  Евадан сұқбат алайық. Бағалау: мадақтау. Мұғалім оқушылардың өзара бағалаулары бойынша (смайликтер) қорытынды бағаны өзі қояды.		Оқушылар мұғалімнің сұрақтарына жауап береді. Балалар «Келген қонаққа» тақырып аясында сұрақтар қояды, ал «Ыстық орындықтағы» бала сұрақтарға тез-тез жауап беруге тырысады. -Біз қай елде тұрамыз? - Қазақстанда неше облыс бар? - Сен қай облыста тұрасың? -Астана қаласында қандай өзен бар? -Бәйтеректің биіктігі неше метр? -  Астана қаласы Қазақстанның қай жерінде орналасқан.  -Астана қаласының символы. - Астана – Қазақстан Республикасының нешінші астанасы - Астананың бұрынғы аты.  -Астананың туған күні.
Рефлексия 2 мин.	Мұғалім оқушыларға түрлі смайликтер таратып береді.		Оқушылар сабақтан алған әсерлерін смикерлерге жазып, тақтаға іледі.