Көркем әдебиет сабағы "Аққала"

Білім беру саласы:Қатынас

Оқу іс-әрекеті:Көркем әдебиет.

Тақырыбы: Аққала.

Мақсаты: Білімділік: Балаларға  қыс мезгілінің  қызықты екенін түсіндіру,  пәнге қызығушылығын арттыру.

Тәрбиелік: Қардан аққала  соғып , қар  қамалдар   тұрғызуға  болатынын  үйрету, өз ойын  еркін айта білуге  үйрету.

Дамытушылық: Балалардың  қыс мезгіліне деген қызығушылықтарын ояту, есте сақтау қабілеттерін дамыту.

 Әдіс- тәсілдер: Көрсету, үйрету, түсіндіру, сұрақ – жауап..

Көрнекіліктер: Қыс мезгілінің суреттері. Мұздан , қардан жасалған  мүсіндердің суреттері.

Әрекет кезең дері	Тәрбиешінің іс - әрекеті	Балалардың іс - әрекеті
Мотивация лық қозғаушы лық	Армысың , асыл күн! Армысың, көк аспан! Армысың, жан досым! Жылуыма жылу қос, Міне, менің  қолым	Балалар бір-бірінің қолдарынан ұстап, жылу сезімдерін білдіреді.
Ұйымдастырушылық ізденушілік Ұйымдастырушылық ізденушілік	Қазір  жылдың  қай мезгілі ? Қыс мезгілі. Қыс   айларын атайықшы? Желтоқсан , қаңтар, ақпан. Қыс туралы тақпақтар білесіңдер ме? Қысқы ойын түрлерін атаңдаршы? Шаңғымен сырғанау, коньки тебу, шана мен сырғанау, аққала жасау. Балалар сендер балапан арнасын көресіңдерме? Балапан  арнасынан қандай мультфильм  көресіңдер? Балалар біздер  Али мен Айя  болып ойнап көрейікші. Ақберен  - Али,  Мадина – Айя . Балалар Али мен Айя мен амандасайықшы. Балалар біз  Али мен Айя екеуміз Аққала деген не екенін түсінбей отырмыз? Олай болса Али Айя бізбен бірге Аққаланың не екенін бірге біліңдер. Дәптердегі суретке қарайық. Балалар мына балалар не жасап жатыр. Балаларға ат кояйықшы. Дәптермен  жұмыс. Ғ.Ормановтың «Аққала» өлеңін  жаттау. Ауыл алды ақша қар , Ақша қарда  балалар. Соғып жатыр  аққала. Балалар өлеңде «ақша қар»,-  дегеніміз  алғашқы жауған  қарды  «ақша қар» дейміз екен. «Аққала», -дегеніміз  қардан  жасайтын  қар адамын  аққала дейміз. Балалар қардан тек қана аққала емес басқада  мүсіндер жасауға болады. (Суреттерде қардан, мұздан жасалған	Сұрақтарға  жауап береді. Балалар тақпақтарын айтады. Мултьфильмнің аттарын айтады. Али мен Айя мен амандасады. Дәптермен жұмыс Өлеңді жаттау
	мүсіндер көрсетіледі. Өлең жолдарын қайталайықшы. Али мен Айя мен бірге сергіту сәтін жасайық. Сергіту  сәті Аула  сырты , баққа да, Тұрғызамыз аққала. Аққаланы айналып, Би билейміз  шаттана. Тыныштық сәті . Балалар көздерін  жұмып көз алдарына қыс мезгілінің, аққала жасап жатқан бейнені елестетеді. Балалардан  өздерінің ойлаған  көріністерін  айтады. Ал балалар  ойлаған көріністеріңді  дәптерге салыңдар. Аққаланың пішіні қандай? Шеңбер, дөңгелек. Ал мұрны , шелегі қандай пішінге ұқсайды. Дәптермен жұмыс . Аққаланың суретін салады. Жақсы сурет салған балаларды атап айту. Балалар Алидің әкелген жұмбағы бар екен. Жұмбақ шешу. Шелек қалпақ  басында, Сәбіз  екен танауы. Қыста  қардан  туатын , Тауып  көрші сен оны.  (Аққала) Шанамен зырлап  желетін, Шаңғы , коньки тебетін, Аққала жасап ойнайтын, Қай  мезгіл  деп  ойлайсың? (Қыс) Қар лақтыру ойыны. Балалар қыс айында  қандай мерекелер болады? «Аққала құрастыру» ойыны.	Сергіту сәті Қимылмен көрсетеді Тыныштық сәті. Балалар өздерінің ойларын айтады. Дәптермен жұмыс . Жұмбақ шешу. «Аққала құрастыру» ойыны.
Рефлекстік коррекциялаушы	Аққаланы неден соғамыз? Қардан қолымыз жаурамас үшін не  киеміз? Қыс мезгілінің қандай  ерекшеліктері бар? Қыс мезгілі  несімен ұнайды? Қардан тағы не жасауға болады? Жақсы қатысқан балаларды бағалау.	Балаларды бағалау. Мадақтау

Күтілетін нәтиже: Қыс мезгілінің ерекшеліктерін түсіндіру._

Білу керек:Қардан басқа да мүсіндер жасауға болатынын білу._