Көркем әдебиет тақырыбына - "Көңілді қыс"

Білім беру саласы: "Қатынас"
Ұйымдастырылған оқу іс - әрекеті: Көркем әдебиет

Тақырыбы:Көңілді қыс
Мақсаты:Білімділік: Жыл мезгілі қыс туралы түсініктерін кеңейту, өзіне тән ерекшеліктерін ажырата білуін, сурет көріністерін бейнелей білуге үйрету, өз ойын толық жеткізе білуге, жүйелі әңгімелеуге үйрету, бұған дейін алған білімдерін тиянақтау.

Дамытушылық: Балалардың сөйлеу әрекетін, тілін, есте сақтау қабілетін, көркемдік талғамын, ой - қиялын дамыту.

Тәрбиелік:Табиғатты аялауға, әсемдікті сезініп, көре білуге тәрбиелеу.
Көрнекілігі: Орман көрінісі, қыс туралы, бейнелі суреттер, магнитті тақта, тіс пастасы, сүрткіш, аққала, шырша, ағаштар, аю, қоян, түлкі кейіпкерлері.

Іс-әрекет кезеңі	Тәрбиешінің іс-әрекеті	Баланың іс-әрекеті
Мотивациялық-қозғаушы.	Шаттық шеңбер: Шаттық шеңберге тұрып,бір-бірінің қолдарын ұстап жылы тілектерін айтады.	Балалар шаттық шеңберге тұрды.
Ұйымдастыруш-іздену.	А. Мұхамеджанов. «Бұл жылдың қай мезгілі?» өлеңін оқу. Шанамен зырғып желетін Коньки, шаңғы тебетін, Аққала жасап ойнайтын Қай мезгіл деп ойлайсың? - Жарайсыңдар, балалар, қыс мезгілінің белгілерін білеміз бе? - Ендеше, боран соққанын қимылмен қалай көрсетеміз? - Қатты аяз болып тоңғанда не істейміз? - Ал күн шыққанда не істейсіңдер? - Жарайсыңдар, осындай тамаша көңіл - күймен орманға барғыларың келе ме? - Ендеше, менің сиқырлы қалпағымның көмегімен біз орманға барамыз. Қане, бәріміз көзімізді жұмамыз. (Балалар көздерін жұмады, ашқан кезде орман көрінісі көрінеді) - Міне, балалар, біз орманға келдік. Орманнан нелерді көріп тұрмыз? - Аппақ, аппақ қар аппақ Айналаның бәрі аппақ - Шыршаның түсі қандай? - Орманда тағы нелер бар екен? - Ой, қандай тамаша! Біз де сендермен бірге жүрейікші. - Балалар, мына ағашқа қараңдаршы, жапырақтары бар ма? - Мынау ақ болып тұрған не? - Балалар, аю қыста ұйықтап жатады, шуласақ оянып кетеді.(Аюдың апанының қасында қорапша тұрады). Мына қорапшаны біреу жоғалтып алған сияқты, өзімізбен бірге ала кетейік, сұраса берерміз. Ал, мынау не нәрсе? - Ия, біздің алдымызда да, балалар келіп, аққала жасап кеткен сияқты. Аққала неше бөліктен тұрады? - Пішіні қандай? - Ал түсі қандай? - Балалар, біз тоңып қалдық, аңдармен бірге сергіту ойынын ойнасақ қалай болады? Сергіту Аяз болса секіреміз. (Балалар секіреді) Шуақ болса тоқтаймыз. (Балалар тоқтайды) - Балалар, біздің қайтатын уақытымыз болды, сиқырлы қалпақтың көмегімен балабақшамызға қайтайық. (Балалар көздерін жұмады) - Міне, балалар, біз балабақшамызға да келдік. Қысқы орманнан не көрдік? - Балалар, орманнан тауып алған қорапшаны ашып көрейік. Міне, қызық! Бұл жерде қыс мезгілін бейнелейтін суреттер бар екен. Бұларды құрастырып, әңгіме құрап айтайық. (Балалар суретке қарап әңгімелейді) - Балалар, біздің қысқы көрінісіміз бұдан да әдемі болу үшін, қар жауғызсақ қайтеді? Ендеше, бәріміз кезекпен оң қолымыздың саусақ ұшымен ақ қардың суретін бейнелеп салайық. (Балалар дәстүрлі емес әдіспен, тіс пастасын пайдалана отырып, қардың бейнесін салады	Балалар тәрбиешінің соңынан қайталайды. -қыс Қар жауады, аяз болып, боран соғады (Қолдарын қусырып, аяқтарын топылдатады) (Алақай, деп қолдарын көтереді) Ия, барғымыз келеді. -Қар басқан шыршалар, -Жасыл -Аңдар бар. -Жоқ - Ақ қарлар -Бұл аққала -Үш бөліктен тұрады - Пішіні дөңгелек. - Түсі ақ. -ия Балалар сергіту сәтін орындайды. Балалардың жауабы тындалады.
Рефлексия-түзетуші.	-Балалар сендермен өткен бүгінгі тақырыбымыз не жайлы болды? -Қыс мезгілінде қандай өзгерістер болады екен? -Өте жақсы,сендерге сабақ ұнады ма? -Мағанда өте ұнады!рахмет сендерге,сау болыңдар!	Балалардың жауабы тындалады. Тәрбиешімен қоштасады.

Біледі: Қыс мезгілінің ерекшеліктерін ажыратып, атай біледі
Меңгереді: Сурет бойынша әңгіме құрастырып айтуды, сұраққа толық жауап беруді үйренеді.
Игереді:Бейнелі суреттерді құрастырып, қардың бейнесін саусақпен салады.