- 15.05.2015
- 2820
- 2
Рабочие листы
к вашим урокам
Скачать
«Балауса» естияр тобындағы оқу іс-әрекетіне ұйымдастырылған
технологиялық картасы.
Білім беру саласы: «Әлеуметтік орта»
Ұйымдастырылған оқу іс-әрекеті: «Көркем әдебиет»
Тақырыбы: «Қорытынды сабақ»
Мақсаты: Балаларға таныс тақпақтарды, ертегілерді еске түсіріп бекіту. Шығармалардың жанрын анықтау дағдыларын дамыту. Ертегілер арқылы балаларды байланыстырып сөйлеуге үйрету, кейіпкердің қарапайым әрекетін бағалауға, оларды әңгімелеуге, қойылған сұраққа толық сөйлемдермен жауап беруге баулу. Ертегі кейіпкерлерінің мінез-құлқына дұрыс баға беруге балаларға көмектесу, сөздік қорын дамыту, дауыс ырғағын келтіріп, мәнерлеп айтуға дағдыландыру. Қорғансызға көмек беруге, қамқорлыққа, мейірімділікке тәрбиелеу.
Қажетті құралдар: көркем әдебиеттен оқыған кітаптары, әңгіме, әңгімелер бойынша суреттер, жапырақтар. «Мақта қызбен мысық» ертегісін сахналауға атрибуттар, Дымбілмес.
Аймақтық компонент:
Қостілдік компонент: ертегі-сказка, тақпақ-стих, әңгіме-рассказ, көмектесу-помогать, мысық-кошка.
Әрекет кезеңдері
Тәрбиешінің іс-әрекеті
Балалардың іс-әрекеті
Мотивация
лық
қозғаушы
Балаларды шеңбер бойына тұрып төмендегі өлең жолдарын қайталап, қимылдар жасайды.
Алтын,сары,қызыл,көк...
Алуан-алуан жапырақ,
Күзгі бақта күлімдеп,
Көз тартады атырап,
Ой,алақай,тамаша,
Шашу шашты жапырақ
Балалар, бүгін бізге қонаққа Дымбілмес келіпті, Дымбілмеспен амандасайық. Қараңдаршы, өзімен бірге бірдеңе әзер сүйреп алып келе жатыр? Ол не балалар? (Қоржын алып келіпті). Балалар Дымбілмес мына қоржынды тауып алдым ішінде не бар екенін білмеймін дейді. Қане, бұл жай қоржын емес, бұл жұмбақ қоржын сияқты. Мұнда қандай жұмбақ бар екенін қарайық. Мұнда көп кітаптар, суреттер бар екен. Мен түк түсінген жоқпын. Сендер қандай жұмбақ екенін түсіндіңдер ме? (жоқ).Сен Дымбілмес түсіндің бе? (жоқ).
Тәрбиеші «Бұл сендердің оқыған ертегілерің, әңгімелерің, тақпақтарыңа ұқсайтын сияқты»
Балалар шеңбер бойына тұрып, төмендегі өлең жолдарын айтып, қимылдар жасап отырады.
Дымбілместің алып келген қоржынын көреді
Іздену-ұйымдастыру
шы
Ендеше, балалар, көркем әдебиет сабағында оқыған әңгіме, ертегілерді, жаттаған тақпақтарды есімізге түсіріп, Дымбілмеске көмек берейік. Дымбілмес ештеңе білмеймін, сендерден сұрай келдім дейді.
Тәрбиеші қоржыннан кезекпен кітапшаларды, суреттерді алып сұрақтар қояды. Балалардың дұрыс, толық жауап берулерін бақылайды.
1. Тәрбиеші қоржыннан сурет алып көрсетеді. Мына суретте не көріп тұрсыңдар? Бұл суреттегі зат туралы не білесіңдер? Қанат пен Жанаттың қайсысы сендерге ұнады? Неге? Бұл шығарма ма, ертегі ме, әңгіме ме, әлде тақпақ па? Дұрыс, бұл – әңгіме. Бұл әңгіме қалай аталады? (Шие тергенде) Әңгімені жазған адамды кім деп атайды? Дұрыс, автор дейді.
2. Балалар, Қанат шиені атасына әкеп бергенде атасы оған не деп айтты? Атасы тағы не деді? Рахмет. Ал сендерге біреу сыйлық берсе, аналарың, әжелерің бір нәрсе сатып әкеліп берсе сендер қандай әдепті сөздер айтасыңдар? Сендер әдепті сөздер туралы қандай тақпақ білесіңдер? Не деу керек? деген тақпақ білесіңдерме? Қане, кім біледі?
3. Тәрбиеші қоржыннан жапырақ алып шығады. Балалар, мынау не? (Жапырақ). Балалар қазір қай мезгіл? Күз мезгілі екенін қайдан білесіңдер? Күз мезгілінде қандай құбылыстыр, өзгерістер болады, кім біледі? Күзде жапырақтар қайтеді? Сендер сары жапырақтар жауғанда тақпағын жаттап едіңдер ғой. Кімнің есіне түсті. Қане, кім біледі?
4. Тәрбиеші қоржыннан кітапша алып шығады. Бұл кітап сендерге таныс па? Ертегі қалай аталады? (Мақта қыз бен мысық деп аталады) Ертегіде не туралы айтылады? Бұл ертегінің кейіпкерлерін атап беріңдерші. Ертегінің соңында мысық Мақта қызға не береді?
Сергіту жаттығуы:
Қошақаны қойдың
Қайда қалып қойдың?
Бұлтиып тұр бүйірің,
Қай өрісте тойдың?
Секең-секең, ей, лақ,
Жүрмін саған келіп-ақ
Тыным тапсаң болмай ма?
Секірмей-ақ , кей уақ.
5. Тәрбиеші: Балалар, бұл ертегіні ойнап көрсетейік. («Мақта қыз бен мысық» ертегісін қою)
Дымбілмес: Балалар, сендер көп өлең, тақпақ, әңгіме, ертегі білесіңдер, жақсы әңгімелеп айта аласыңдар екен. Балалар, сендерге рақмет. Мен сендерге тек келмедім сыйлығымды ала келдім. Үйіме қайтайын. Сау болыңдар.
Қоржыннан алынған кітапшаларды, суреттерді, ойыншықтарды қарап көріп, қай шығармадан екенін естеріне түсіреді.
Сұрақтарға жауап береді. Қанат пен Жанаттың мінез-құлқын бағалайды.
Әңгімедегі мақалды еске түсіріп айтады. Әдепті сөздер туралы жаттаған тақпақтарын еске түсіріп айтады.
Жапырақты көріп тақпақ айтады.
Өлең шумағына қарап қимыл іс-әрекет жасайды.
Кітаптың мұқабасынан қай ертегі екендігін танып, ертегі қалай аталатындығын атап береді. Сұрақтарға толық жауап береді.
«Мақта қыз бен мысық» ертегісін сахналайды.
Ертегі кейіпкерлерінің бейнесі бар атрибуттарды пайдаланып, кейіпкерлердің дауыс ырғасын келтіріп сөйлеп, соларға тән қимылдап ертегіні сахналайды.
Дымбілмеспен қоштасады.
Рефлексті – коррекциялау
шы
Балалар, бүгін сендерге қонаққа кім келді?
Дымбілмеске қалай көмектестіңдер?
Сабақ ұнады ма? Не ұнады? Сабаққа қалай қатыстыңдар.
Балаларға мадақтау сөздерін айтып, дымбілместің сыйлығын беру.
Сабақтың несімен ұнағандығын айтады.
Мадақтау сөздерге қуанады.
Күтілетін нәтиже:
Нені біледі: Өздеріне таныс әңгімелердің, ертегілердің атын, мазмұнын, кейіпкерлерін біледі.
Қандай түсініктерді игерді: ертегі кейіпкерлері туралы, әңгіменің авторы болатыны туралы, сахналау, мәнерлеп айту, дауыс ырғағын келтіру туралы түсініктерді игереді.
Меңгерген дағдылары мен іскерліктері: шығарманың жанрын анықтау дағдыларын дамыту, кейіпкердің қарапайым әрекетін бағалау, оларды әңгімелеу, қойылған сұраққа толық сөйлемдермен жауап беру дағдылары мен іскерліктерін меңгереді.
6 662 993 материала в базе
Настоящий материал опубликован пользователем Есимхановна Айнур Шайзадиновна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
300/600 ч.
Курс повышения квалификации
36 ч. — 144 ч.
Курс профессиональной переподготовки
300 ч. — 1200 ч.
Мини-курс
5 ч.
Мини-курс
6 ч.
Мини-курс
6 ч.
Оставьте свой комментарий
Авторизуйтесь, чтобы задавать вопросы.