Күш бірлікте 2 сынып

Бекітемін:

Оқу ісінің меңгерушісі

______ Қ. Төлегенова

____   ____2015ж

Күні: 13.12-21.12

Пән: 2-сынып Өзін – өзі тану

Сабақтың тақырыбы: 15-сабақ.  Күш бірлікте. 

                                                                     Татулық-табылмас  бақыт .

                                                                                                                    Мақал.                                                                                   

Оқыту мен тәрбиелеудің міндеттері:

·        Бірлік  туралы түсінік беру;

·        Көпшіл болу іскерліктерін дамыту;

·        Бір-біріне көмектесуге,бірлесіп еңбек етуге тәрбиелеу.

Мақсаты: «Бірлік» ұғымының  адамгершілік құндылығы ретінде мәнін ашу және  «достық» адамгершілік құндылығы туралы түсініктерін кеңейту.

Көрнекі  құралдар:   Достық туы,қайық, «Достық арқылы» дельфин,өзен,лақ,құмырсқа илеуі,дәу қара тас, «Таңбалы тас» суреттері.

Шаттық шеңбері                  Оқушылар шеңбер құрып тұрады,сәлемдеседі.Мұғалім өз қалауына  байланысты  сабақты саяхат түрінде өткізуіге және мынадай сөздермен бастауға болады:

       - Балалар,сендер білесіңдер ме,мөлдіреген көк теңіздің  ортасында «Достық аралы»бар.Мәңгілік желбіреп тұратын «Достық туын» көруге елдің түкпір-түкпірінен балалар Аралға барып қайтады.Ондағы «Таңбалы тасқа» өздерінің  тілектерін жазады.Біз де біздің бүгінгі «Күш бірлікте»атты сабағымызда «Достық аралына»барып қайтайық.Саяхатымызды әнмен бастайық.

  Балалар  үнтаспаға қосылып  «Елімізді сүйеміз» әнін орындайды.

Өзіммен-өзім   Оқушылардың достық қарым-қатынастары мен сезімдерін арттыру мақсатында  релаксациялық тәсіл жүргізіледі.Теңіз толқындарының,қарсы ескен самалдың дыбыстары үнтаспадан естіледі.

Сергіту сәті   

    -Балалар,міне тапсырманы дұрыс орындау арқылы лақтың да судан өтуіне көмектестік.Енді  мөлдіреген көк теңіздің де жағалауына жеттік.Теңіз жағалауында бойымызды сергітіп алайық.

      Біз өнерлі баламыз.                                   (Өзін көрсетеді.)

      Шырқатып  ән саламыз.                           (Екі қолды жанына созады.)

      Би билейміз бұралып,                               (Би қимылын көрсетеді.)

      Доспыз,тату боламыз.                               (Барлығы қол ұстасып,жоғары көтереді.)

      - «Достық  аралына» жету үшін бізге не қажет?

Балалардың жауаптары.

      -Әрине,теңізбен жүзіп баратын  қайық қажет.

Ойын-жаттығу. «Қайық жасап алайық»

Ойынның шарты:Мұғалімнің алдында қайық бөліктері(қағаздан жасалған)жатады.Осы бөліктердің артқы бетіне тапсырма жазылған.Тапсырмаларды орындау арқылы қайықты құрастыру керек.

Мәтінмен жұмыс      Оқушылар аңыз әңгімені оқиды.Қарияның өсиетіне назар аударып,оқушылардың  сұрақтарға берілген жауаптары арқылы,олардың да пікірлерін білу және бірлік ұғымының мәнін ұғындыру.

Тыныштық сәті

Балалардың денесі, ойы сергітіледі.

Балалар денесін түзу ұстап, бастарын жоғары көтеріп, ыңғайланып отырады. Көздерін жұмуына да болады. Ауаны терең жұтып, еркін тыныстайды, денелерін бос ұстап, айналадағы барлық тіршілік иесі оларды аялап, қоршап, қамқор болып жатқанын сезінеді. Тұла бойлары жақсылыққа, махаббатқа толғанын сезінуге ұмтылады. Сіз табиғаттың ең көркем жерінде екенін елестетіңіз. Сіз, жұмсақ, жасыл шалшықта жалаң аяқ жүрсіз. Жасыл  шөп сіздің аяғыңызды сипап жатқан сезімде боласыз. Күннің көзі жер бетін қыздыруда. Сіз гүлдің, шөптің және балдың исін сезінесіз. Өзеннің сыңғырлағанын, көңілді құстар ән салып жатқанын естисіз(тыныштық).

Тыныштықта тұрып, өзімізді тыңдайық, табиғат – анамызды тындайық. Алақандарыңызды күннің көзіне жайыныз. (тыныштық) көк аспаннан және көктемгі жылы күннің сәулелерін сезіңіз(тыныштық). 1,2,3 көзімізді ашайық. Қолымызды жайып, бізге өмір, денсаулық, қуаныш және жақсы көңіл күй сыйлаған Ана – табиғатқа «рахмет» деп айтайық.

Дәптермен жұмыс   Тақтаға үлкен қара тас бейнеленген суретті ілу.

 -Балалар,алдымызда кездескен үлкен қара тасты бәріміз бірлесіп жолдың шетіне шығарып тастай аламыз ба?Оны орындау үшін дәптердегі ребусты бәріміз бірге шешейік.Оқушылардың  барлығы өз дәптеріне қарап ,дауыстап айтып отырып,ребусты шешеді.

 Ребуста жұмыртқа, бала, көйлек, дәптер, үкі, киім ілгіш суреттері берілген. Шешуі:Жұмыла көтерген жүк жеңіл.

 Ребус шешілгеннен кейін,дәу қара тас  жолдың шетіне  шығарылады. 

Жүректен  жүрекке    Сабақты балалардың бір-біріне тілек айтуымен аяқтауға болады.