Кәсіби
қызметінің өзіндік талдауы
Ұстаз болу- жүректің батырлығы
Ұстаз болу- сезімнің ақындығы
Ұстаз болу- мінездің күн шуағы
Азбайтұғын адамның алтындығы
Г. Қайырбеков
Мен,
Нурышева Дана Есболанқызы, Сафуан Шәймерденов атындағы қалалық классикалық
гимназияда ағылшын тілі пәнінің мұғалімі ретінде 2007 жылдың қыркүйек айынан
қызметімді бастадым. 2010 жылы М. Қозыбаев атындағы солтүстік мемлекеттік
университеті «Шет тілі мұғалімі» мамандығын аяқтадым.
Қиындығы
мен қызығы бірге жүретін осынау мамандықтың шынайы иесі болу үшін көп қиындықтардан
өту керек. Қиын дегенім: әр сабаққа жете дайындалып, оқушыларға білім беріп
қана қоймай, тәлім-тәрбие беру, өмірге икенмдеу, адалдыққа баулу, адамгершілік
қасиеттерді бойына тарату оңай шаруа емес.
Өз
сабақтарымда дамыта оқыту технологиясын, интерактивті әдістер, сын тұрғысынан
ойлау технологиясының элементтерін, іскери ойындарды, оқытудың сұрап-жауап,
әңгімелеу, проблемалы оқыту, түсіндірмелі-иллюстративті, шығармашылық
(ізденіс), эвристикалық, танымдық ойын әдісі сияқты әдістерді тиімді пайдалана
отырып, оқушылардың шығармашылықпен жұмыс істеуіне, өз беттерімен жұмыс істеу
дағдыларын жетілдіруге, алған білімдерін тәжірибеде қолдана алуына көп көңіл
бөлемін.
Әрине,
білім мен тәрбие беру үрдісінде бір бағытты ғана ұстанып жүру мүмкін емес,
сондықтан, өмірдегі оң өзгерістерге байланысты, қазіргі кезеңдегі білім
мазмұнын жаңартуға байланысты жаңашылдықты қолдап, өз қызметімде қолдануға
тырысамын.
Оқушыларымның
білім сапасын үш жылды салыстырмалы талдауының көрсеткіші оқушылардың білім
сапасының артқанын байқатады, оны білім сапасының мониторингінен де аңғаруға
болады. Өз тәжірибемде қала, облыс, республика, халықаралық деңгейдегі өтетін
сайыстарға оқушыларымды қатыстырып, үнемі орын алып жүреміз. Сондай-ақ, өз
тәжірибеммен ашық сабақтар, конференцияларда, түрлі интернет ресурстар арқылы
бөлісемін.
Оқущыларды
шығармашылық жұмысқа, ғылыми жұмыстарға бағыттауда да айтарлықтай жұмыстар
жүргізіліп келеді:
1. Республикалық
«Зият» ғылыми жобалар байқауында Теміржан Дарина ІІІ орынға иеленді;
2. Халықаралық
УРФОДУ олимпиадасында 11 сынып оқушысы Иманғазы Әсел күміс медаль иегері
атанды, 8-9 сынып оқушылары Байгужина Камила, Альжанова Камила І орын иегерлері
атанды;
3. Халықаралық
дәрежедегі өткізілген Go-West олимпиадасында 8 сынып оқушылары Валиева Л.,
Алгужин С., Жумабай А. І орын иегерлері атанды;
4. Облыстық
«Демеу» орталығы өткізген “The history of my republic” атты шығармалар
байқауында 10 сынып оқушысы Салпыкова Римма І орын, Айтыгешев Алмас ІІІ орын,
ал 8 сынып оқушысы Валиева Лейла дәл осы байқауда ІІ орын иегері атанған;
5. Республикалық
«Кенгуру-Лингвист» қашықтық олимпиадада 5 сынып оқушылары Тастемиров А.,
Болгабаева А., Карбай М., Муканова Д., Сатыбалды А., Теміржан Д. І орын
иегерлері атанды
Ұстаз
қай уақытта бомасын оқушы көкейінде қалықтап, жүрегіне нәр құю керек! Міне
сонда ғана ұстаз-ұстаз болмақшы.
ҰБТ
қорытындысы бойынша:
1.
2015-2016 оқу жылы қорытындысы бойынша бір
оқушы ағылшын тілі пәнін таңдады. Иманғазы Әсел 25 ұпай жинап (100 %), қазір
Астана қаласындағы МГУ филиалының филология факультетінің 1 курсында оқуда.
2.
Биылғы оқу жылында 5 оқушы ағылшын тілі
пәнін таңдап отыр.
Біз
қашанда «Білім мен тәрбие» егіз дейміз. Шындығы да, сапалы білім, саналы тәрбие
астасқан ұлт тірегі. Осы тәрбие саласы бойынша 5 сыныптан бастап сынып
жетекшілік қызметімді ақарып, былтырғы оқу жылында сол оқушыларым 11 сынып
аяқтады. Осы жылдар аралығында сыныбымда көптеген тәрбие сағаттар өткізілді.
Сынып оқушыларымен бірге әртүрлі сыныптан тыс іс-шараларға қатысып отырдық.
Былтырғы оқу жылында сыныбымның оқушысы Темирханова Нурбану «Алтын белгі»
иегері атанса, Кощугулова Гүлзат ерекше үлгідегі аттестат иегері атанды. Биылғы
оқу жылында 5 сынып оқушыларына сынып жетекші атандым. Өзімнің тәрбие
саласындағы қызметімді әрі қарай жаңа сыныбымдағы оқушылармен жалғастырамын.
«Мұғалім
қандай болса, мектеп те сондай болмақшы», яғни, мұғалім білімді болса, сол
мектептің оқушылары да білімді болмақ. Сондықтан өз білімімді ылғи да
жетілдіріп отырамын:
1.
ХІІ, ХІ Халықаралық жалпы пәндер бойынша
өткізілген олимпиада ұйымдастырушыларынан Грамота иегері атандым;
2.
Халықаралық “Go-West” олмпиадасының
жеңімпаздарын сапалы дайындағаны үшін Грамота иегері атандым;
3.
ЭКСПО-2017 халықаралық көрме аясында
өткізілген «Болашақ қуаты- Қазақстан қолында» форумға белсенді қатысқаны үшін
қала әкімінің Алғыс хатына иелендім.
Озық
тәжірибеме тоқалсам.
1.
Биылғы оқу жылында kopilkaurokov.ru
сайтына “Basketball”, “Buying tickets” ашық сабақ жоспарларын жібердім,
сондай-ақ, осы сайтқа «Еңбек-бәрін жеңбек» атты ашық тәрбие сағатымның жоспарын
жібердім
2.
Биылғы оқу жылында «Ағылшын тілі
сабақтарында қолданатын коммуникативті ойындар» әдістемелік құралымды жазып,
ұсынбақшымын.
3.
Осы оқу жылының нурыз айында қала ағылшын
тілі пәні мұғалімдері үшін «Ағылшын тілі пәні сабақтарында интеракивті
әдістерді қолдану» тақырыбында шеберлік-сынып өткіземін
Есебімді
қорытындылай келе, алдағы уақыттарда да оқушыларымды мемлекетті құрметтей
білуге, ағылшын тілінде өз ойын нақты, көркем жеткізе білетін, кәсіби білігі
жоғары маман болуы қажет, жан-жақты дамыған жеке тұлға қалыптастыру бағытында
әдістемелік жұмысымды әрі қарай жетілдіремін. «Шәкіртсіз ұстаз-тұл» демекші,
алдағы уақытта жас ұрпаққа сапалы білім, саналы тәрбие беруде өз үлесімді қоса
бермекпін.
Оставьте свой комментарий
Авторизуйтесь, чтобы задавать вопросы.