Кәсіптік қазақ тілінен сабақ жоспары

Қазақстан Республикасы Білім және ғылым министрлігі Солтүстік Қазақстан облысы әкімдігінің «Қасіптіқ даярлау және қызмет көрсету колледжі» коммуналдық мемлекеттік мекемесі

Коммунальное государственное учреждение «Колледж профессиональной подготовки и сервиса»

акимата Северо-Казахстанской области Министерства образования и науки Республики Казахстан

Сабақ жоспары

Тақырыбы: «Мамандығым-газэлектр дәнекерлеуші»

                                                                  Қазақ тілі оқытушысы:

                                                                  Мизанбаева  Г.О.

                                                                  Топ: 22

                                                                  Мамандық 1114000-Дәнекерлеу ісі

2016 жыл

Сабақтың тақырыбы: Мамандығым-газэлектр дәнекерлеуші

Сабақтың мақсаты:

Білімділік:  дәнекерлеуші мамандығы бойынша терминдерді қайталау, теориялық білімін анықтау,  мамандық тарауы бойынша алған білімдерін қорыту.

Дамытушылық: Сөздік қорын молайту, оқушылардың ойлау қабілетін,    ой белсенділігін арттыру,ойлау шеберлігін, сөйлеу мәдениетін жетілдіру; ізденімпаздыққа, шығармашылыққа баулу. 

Тәрбиелік:  өз мамандығы үшін мақтаныш сезімін тәрбиелеу, өз Отанына адал қызмет етіп, үлесін қосуға шақыру, еңбексүйгіштікке тәрбиелеу 

 Әдіс-тәсілдері: сұрақ-жауап,аудару,сұрақ-жауап,ой тастау,ізденіс

Сабақтың типі: дәстүрлі емес

Сабақтың түрі: жарыс

Сабақ ұйымдастыру нысандары: жеке,   топтық 

Пәнаралық байланыс:  арнайы пән, өндірістік оқыту.

Сабақтың материалдық-техникалық жабдықтауы: мәтін,карточкалардағы тапсырмалар,жұмбақтар,бағалау кестесі

Сабақтың  барысы.

I Ұйымдастыру кезеңі.

1. Топты тізім бойынша тексеру.

2. Студенттерді сабаққа ұйымдастыру.

1. Кезекшінің сөзі.

2. Оқу құралдарын дайындайды.   

1. Топты тізім бойынша тексереді.

2.Оқушыларды сабаққа ұйымдастырып,2 топқа бөлу

3. Сабақтың мақсаты мен міндетін хабарлайды.

II Үй тапсырмасын тексеру

Өткен тақырыптарды қайталау

Жаңа сабақ

Балалар, бүгінгі біздің сабағымыздың мақсаты мамандықтар модулі бойынша алған білімдерімізді қорытындылап, нәтижелейміз.

Ақпарат хат.

Профессия- латын сөзінен шыққан , “professio”- анықталған іс, мамандық дегенді білдіреді. Мамандық- қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.Мамандық таңдау- тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдау.. Бұл өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Сондай- ақ өз мамандығының 10-20 жылға дейін өз сұранысын жоғалтпауына көңіл бөледі. Бұл мамандықтарға деген бірқалыпты тұрақты сұраныс деп аталады. Өзінің сұранысын, қызығушылығын жоймаған кең тараған мамандықтарға дәрігер, мұғалім және құрылысшы мамандықтарын атап өтуге болады. Ал, өзекті мамандықтар қатарына жоғары технология, байланыс, коммуникация, әлеуметтік орта, экономиканы басқару  мамандықтары және еңбек сұранысына қажетті жаңа мамандықтары жатады

1-тапсырма«Сөзжұмбақ шешу» 5 ұпай.

        1 топтың жұмбақтары

·         Мектептің жүрегі , білімнің тірегі. ( Мұғалім)

·         Сауықтырар сырқатты , жылы үнмен тіл қатты. (Дәрігер)

·         Тікті әсем киімді, дүкенге әкеп ілінді. ( Тігінші)

·         Зымыранды ерттеген, ай жұлдызды зерттеген. (Ғарышкер)

·         Тәртіп заңын сақтайды, ел сенімін ақтайды. (Маи қызметкері)

·         Тыныштықты отанның, күзететін адам кім? (Шекарашы)

2 топтың жұмбақтары

·         Өскен шашты жаратпайтын, қайшысы бар жалақтайтын. (Шаштараз)

·         Дабылға тез жететін, жалынға сүнгіп кететін. (Өрт сөндіруші)

·         Бал татыған мәзір, ол бар жерде әзір.(Аспазшы)

·         Жалтылдап қалағы, салатын кім қаланы? (Құрылысшы)

·         Тұрады әркез сауда сатып, таразы, шотпен достасып.(Сатушы)

·         Ол көлікті тізгіндейді,жол жөнекей қсасынан жолаушы бір үзілмейді. (Жүргізуші)

2 - тапсырма.«Газэлектрдәнекерлеуші» сөзінен бірнеше мағыналы сөз құрайды.» 1 сөз 5 ұпай.

3- тапсырма.«ГАЗЭЛЕКТРДӘНЕКЕРЛЕУШІ» мамандығы туралы

      Газэлектрдәнекерлеуші мамандығы – өте қажет   мамандық. Кез-келген өндірістік кәсіпорында электргазбендәнекерлеу қолданылады. Электргазбен дәнекерлеу – қосылыс жерін  балқу немесе иілу күйіне дейін қыздыру әдісі  арқылы металл бөлшектердің қозғалыссыз, бөлінбейтін қосылыстарын алу үрдісі. 

Электргаздәнекерлеудің көмегімен көліктердің, әртүрлі металл құрылымдардың, көпірлердің, цистерналардың немесе қазандардың және құбырлардың  металл бөлшектері жалғанады. Материалдық өндірістің кез-келген саласында электргаздәнекерлеуші атқаратын жұмыстар болады. 

     Дәнекерлеу – көліктердің, құрылымдардың бөлшектерін ажырмайтындай етіп қосатын сенімді әрі үнемді тәсіл болып табылады. 

Дәнекерлеуші шойын, болат құбырлардың құрылымдарын, тетіктерді қолмен, доғалы, плазмалы және газбен дәнекерлеуді орындайды, сонымен қатар телевизионды, фотоэлектрондық және басқа да құралдармен жабдықталған автоматтарда дәнекерлейді.

1. Мәтінді оқып,   септік жалғаулы сөздерді  теріп жазыңдар.  (4 ұпай)

  4-тапсырма.Сөздердің сәйкес аудармасын табу. (3ұпай)

1.Қорғаныш газ2.Сила сварочноготока3.Электродтың көлбеулігі4.Сварочный пост5.Пісіру тогының күші6.Очистка металла7.Газдың жұмыс қысымы8.Наклон электрода9.Пісіру орны10.Карбид кальция11. Металды тазарту12.Защитный газ13.Кальций карбиді14.Сварочная горелка15.Пісіру шілтері16.Рабочее давление газа

5 -тапсырма«Полиглот»(Жауабы үш тілде жазбаша берілуі тиіс) (4 ұпай)
1.Біздің Надежда Викторовна балаларды оқытып жүр.
Оның мамандығы қандай? (мұғалім – учитель – a teacher)
2.Айжан Ермекқызы адамдарды емдеп жүр.
Оның мамандығы қандай? (дәрігер – врач - a doctor)
3.Алтай Ойнарұлы тіс емдейді.
Оның мамандығы қандай? (тіс дәрігері – стамотолог - a dentist)
4.Стас сурет салады.
Оның мамандығы қандай? (суретші – художник – an artist)
5.Ирина ән айтып жүр
Оның мамандығы қандай? (әнші - певица – a singer)

Үй тапсырмасы: Кәсіп, еңбек туралы 10 мақал-мәтел жазып, жаттап келу.

Қорытындылау.

Мамандық деген не?

Белгілі бір мамандық иесі болу үшін не істеу керек?

Оның өмірге қажеті бар ма?

Мол табыс көзі неге жеткізеді?

Осы мамандықтың пайдасы қандай?

Оқытушының  сөзі:

 Елбасымыздың Жолдауына үңілсек,2017ж техникалық мамандықтар ақысыз оқытылып,жұмысшы мамандықтарына оқитын жастарға  жол ашылады. Жұмысшы мамандығын игеріп,білімді,білікті мамандардың елімізге ауадай қажет екенін өткір,дәлелді пікірлерімен  дәлелдеп айтты.  Президент өзінің өмірін  мысал етіп,қарапайым жұмысшылардан бастап халық қалаулыларынан ел үшін еңбек етуге шақырды .Ол үшін мемлекет тарапынан барлық жағдайлар жасалып келеді.

Бағалау.

Алған ұпай санымен танысады. Ұпай санына байланысты тиісті бағаларын алады.

Оқушылардың жұмыстарын бағалап,хабарлайды

1 топ	1-тапсырма	2-тапсырма	3-тапсырма	4-тапсырма	5-тапсырма	Ұпайлар

2 топ	1-тапсырма	2-тапсырма	3-тапсырма	4-тапсырма	5-тапсырма	Ұпайлар