Lesson study бойынша зерттеу физика сабағында

Рахымжанова Асем Серикжанқызы ІІІ деңгейлі физика пәні мұғалімі.

«Lesson study» бойынша зерттеу мақсатым физика пәніне деген қызығушылығын ояту.

Оқушыларды зерттеу мақсатында 7 сыныбын алуды жоспарлап отырмын, себебі  зерттеу әдіс-тәсілі ретінде «Lesson study»зерттеуін жүзеге асыру мақсатында таңдап алынған мұғалімдердің барлығы осы 7 сыныпқа сабақ береді.«Lesson study» зерттеу әдісін жүргізу үшін тәлім алушылар үш сабақтан сабақ беруді жоспарларына енгізді.Алдымен орта мерзімді тізбектелген сабақтар жоспарын құрып алып, жоспарға өтілетін сабақтар тақырыптары, оқып үйренудің негізгі мақсаттары, қолданылатын әдіс тәсілдері, жеті модульдің элементтері енгізіліп, сергіту сәттерінің түрлері, ресурстар, атқарылатын ісәрекеттер, қолданылатын бағалау түрлері, өтілетін уақыты еңгізілді. Әр сабақ тақырыбына ҚМЖ жасалды, оған барлық атқарылатын ісәрекеттер толығымен түсіндіріліп жазылады. Сабақ 45 минутқа жоспарланды.

«Lesson study» зерттеу әдісін қолданып оқушыларды зерттеу үшін физика пәніне жоспар құрылып, зерттеу жүргізілетін А,В,С деңгейдегі оқушылар таңдап алынды. А деңгей өте жақсы оқиды,бірақ стандарттан тыс тапсырманы өз бетінше орындамайды, В деңгей жақсы оқиды ашық, С орташа оқиды жасқаншақ, қызығуы төмен. Бұл 7 сыныбын таңдап алған себебім сыныпта А,В,С  деңгейдегі оқушылар саны көп, ол сауалнама алынған кездеде байқалды.Қорыта келгенде менің мектептегі тәжірибедегі зерттеу жұмыстарым жалғасын табуда. Джеймс «Оқушы табысты білім алуы үшін мұғалімнің де оқуын жалғастыруы негізгі болып табылады» деп атап көрсеткендей, мұғалімдер білім алатын кәсіби мәдениетті жүйелі түрде дамытуға кірісіп кетті.

Физика сабағына сабақ беретін бес мұғалім қатысты.Бірінші сабағым «Архимед күші» тақырыбында С оқушыны бақылаудағы мақсатым: Мерсердің үш әдісі бойынша С оқушының әңгімеге қосқан үлесін байқау. Үй тапсырмасын тексеру кезінде «Өрмекші торы» әдісін алдым.В мен С оқушы белсене қатысты. ЖИГСО әдісін қолданған кезде А оқушы тақырыпты өз бетімен толық түсініп, оқушыларға интербелсенді тақта арқылы түсіндірді. Жекелей жұмыс кезінде деңгейлік тапсырма берген кезде В оқушы есептерді ешкімнің көмегінсіз шығарды, С оқушы А оқушымен бірлесіп шығарып отырды, С оқушыда белсенділік байқалды. Сұрақ – жауап әдісінде тек қана жабық сұрақтар берілгендіктен қысқаша кітаптың сөзімен жауап берді. Келесі сабағымда ашық сұрақтар беріп, өмірмен байланыстыру арқылы әңгімеге тартып, қызығушылығын, белсенділігін арттыруға болады деп шештік.Екінші сабағым «Денелердің жүзу шарттары» тақырыбында «Ой қозғау» әдісін алған кезде, үйге берілген тапсырма бойынша С оқушы сұрақтарға жауап беріп отырды.В оқушы қосымша сұрақтар құрап, А оқушыға құраған сұрақтарын қойды. С оқушы ойланудан гөрі механикалық жаттауға,  өзіндік пайымдалмаған     дайын жауаптар берумен шектеліп отырды. Жұптық жұмыс кезінде есеп шығаруға берілді. С оқушы В оқушы мен бірлесіп шығарған кезде, осы есепке деген қызығушылығы ояна бастады. Үшінші сабағым «Су көлігі.Ареометрлер» тақырыбында тәжірибе жасаған кезде С оқушы А оқушымен бірге бір литрлік екі шыны банкі алып, бірі тұзды су, екіншісі тұщы суға тауық жумыртқасын салып тәжірибе жасады. С оқушы бұл тәжірибені тұщы суда батып кететінің, ал тұзды суда жүзіп жүретінің дәлелдеп көрсетті.Бағалау парағын толтырған кездеде оқушыларды әділ бағалап жауапкершілікті сезінді.Зерттеп отырған мұғалімдер оқушылардың физика пәніне деген қызығушылығының оянғаның байқады. Оқушыларға жеті модульді сабақтарда тиімді пайдаланып отырса, пәнге деген қызығушылығы артатының байқадық. Әсіресе жекелей, топтық, жұптық жұмыс кезінде байқалды.

«Lesson study» бойынша зерттеу мақсатым физика пәніне деген қызығушылығын ояту болған. Осы мақсатқа жету жолдары жүйелі жоспарланды, жоспардың біразы іске асты әріптестер арасында ынтымақтастық орнады, қызығушылық бар.

          Оқыту мен оқудың озық тәсілдерін меңгермей оқушыға сапалы білім беру мүмкін еместігі дәлелденуде.Үйренсем, білсем, қолдансам деген мақсат тек оқушыда ғана емес, ұстаздарда да болу керек. Ұдайы оқу болмаса жан-жақты, сапалы маман болу мүмкін емес.Табыстың жоғары деңгейіне ойлау арқылы жетуге болады.

Бұл бағыттан өзгеру үшін мұғалімдерден үздіксіз оқуын жалғастыруы талап етілуде.Оқушыдан да жауап беру барысында  ойлануды, пайымдауды күту керек.Неге үйретсек, нені талап етсек соны көре білуге дағдылану қажет деп ойлаймын. Зерттеу жұмыстарымызды жалғастырамыз.