Ұлы далаға оралған ұлы рух!
М.О.Әуезов атындағы педагогикалық колледжі оқытушылары
Э.Д.Битолеуова, А.М.Исабай
«Біз үшін болашағымызға бағдар ететін,
ұлтты ұйыстырып, ұлы мақсаттарға
жететлейтін идея бар.
Ол – Мәңгілік Ел идеясы»
Н.Ә.Назарбаев.
Ғасырлар дейміз біз жүз жылды,
Тек ғасыр деп қоймаса атын,
Жылымыз бар ғасыр жүгін
Алақанда ойнататын, - деп
Талай-талай
табысты да шабытты, жемісті де жеңісті, дайылды да жалынды жылдарды құшақ жая
қарсы алып, маңдайдан сипап шығарып салған еліміз ғой. Олардың әрқайсысына ат
қойып, айдар тағуға да шеберленіп алғанбыз. Алайда екі мыңыншы сәл-пәл іркіліп
те қалғанымыз жасырын емес. Біреулер бұны суалтар кенжесіндей соңғы жылы десе,
біреулер жаңа ғасырдың тұла бойы тұңғышы деп дес бермеді.
Әдеттегідей отандастарын жаңа жылмен құттықтаған
Елбасымыз: «Бұл өзі ғасырлар ғана емес, мыңжылдықтар арасындағы жыл, - деп атап
өтті. – Мыңжылдықтар аралығындағы осындай ғажап уақытта өмір сүру біздің
ұрпақтың ғана еншісіне тиген екен». Шынында да мыңжылдықтар межесінде ғұмыр
кешуді тағдыр толайым тек біздің буынның ғана пешенесіне жазған секілді. Бұл
біздің басымызға қонған бақ қана емес, мойнымызға түскен салмақ та, беріліп
отырған мүмкіндік қана емес, қойылып отырған міндет те. Мұндай мезетте
тарихымыздың қилы-қилы кезендерін, асу-асу белеңдерін еске алмай отыра
алмаймыз. Оның алуан түрлі беттері, алмағайып сәттері баршылық.
Рас тағдырымыз талайлы, тарихымыз аумалы-төкпелі.
Әйткенмен, қалай десек те ол өз тағдырымыз, өз тарихымыз. Берер тағдырлымы,
шертер шежіресі және мол.
Азат елдің айбынын биіктеткен кім? Ол – Нұрсұлтан
Назарбаев. Мемлекет басшысының көрегендігі мен дер кезінде жүзеге асырылған
саяси-экономикалық рефоромалардың арқасында еліміз тұралаған экономиканы түзеп,
тығырықтан шықты. Менің әлі есімде, Қазақстанда шұғыл бет-бұрыс 1995 жылдан
басталды. 1999 жылы ішкі жалпы өнімнің өсуі 2 пайызға өссе, бұл көрсеткіш 2000
жылы 9,6 пайызға бір-ақ көтерілді. Сөйтіп, 2000 жылдың басынан Еуропа қауымдастығы,
ал 2002 жылы Америка тарапынан Қазақстан нарықтық экономикасы қалыптасқан ел
ретінде танылды. ТМД елдерінің арасында бірінші болып, зейнетақы реформасы,
банк салымдарын кепілдендіру жүйесі жасалды. Ескі жүйені қирату алғашқы жылдары
мемлекеттік бюджеттің өте үлкен сәйкессіздіктеріне соқтырды. Айталық, 1991
жылдың бюджет тапшылығы 20 пайыздан артық болды. Біз өз жолымызды таңдадық, ол
ұлттық валюта енгізуді көздеді.Қазақстан бұл іске бұрынғы Одақ елдерінің
ішінде соңғысы болып барды. Оның себебі, басқаларға қарағанда Ресеймен
экономикалық байланысымыз берік орныққан болатын. Сөйтіп, 1993 жылғы 15
қарашадан бастап, біз экономикалық тәуелсіздіктің аса маңызды нышаны- ұлттық
валютамыз теңгеге ие болдық. Елбасы экономикалық жүйенің қалыптасу кезеніңде
инвестициялық саясатқа айрықша мән берді. Сондықтан, шетелдік инвестицияларды
тартуға бағдарлану негізгі бағытқа айналды. Сөйтіп, Қазақстанда ел
экономикасына қаржы ресурстарын тартуды жандандыру үшін институттық және нормативтік-
құқықтық алғышарттар жасалынды. Мәселен, инвестициялар туралы арнайы заң
қабылданды. Қосарланған салық салуды болдырмау туралы бірқатар үкіметаралық
келісімдер жасалынды.
2014 жылдың
17 қаңтарында Қазақстан Республикасының президенті Нұрсұлтан Әбішұлы
Назарбаевтың кезекті халыққа жолдауын: «Бір жыл бұрын мен еліміздің 2050 жылға
дейінгі дамуының жаңа саяси бағдарын жария еттім. Басты мақсат —
Қазақстанның ең дамыған 30 мемлекеттің қатарына қосылуы. Ол —
«Мәңгілік Қазақстан» жобасы, ел тарихындағы біз аяқ басатын жаңа дәуірдің
кемел келбеті«,- деп бастады. Бұл орайда елең еткізген жаңалық — тұңғыш
мемлекеттік ресми идеология, яғни «Мәңгілік Ел» идеясының жариялануы.
Дамыған елдің адамы – нағыз патриот: өз елін,өз жерін, Отанын
сүйеді,өз тілін,дәстүрін,әдебиетін,тарихын біледі, қадір тұтады. Елбасымыз
қазақстандық патриотизм туралы, әрбір азаматтың патриоттық сезімін
ояту,қалыптастыру туралы тектен-тек айтып жүрген жоқ. Патриотизм біздер үшін –
қуатты күш, қосымша инвентиция. Оның негізінде рух, намыс жатыр. Қазіргі ел
аузындағы Мәңгілік ел, Нұрлы жол деген тіркестер бейнелі түрде кездейсоқ
айтылған емес. Бұл-қазақтардың ғана емес, бүкіл қазақстандықтардың таяу
жылдардағы бетке ұстар идеясы,өмірлік нысанасы.Мәңгілік ел – мыңжылдық мәні бар
жалпыұлттық идея. Мәңгілік ел – Тәуелсіздік тұсында қалыптасқан философиялық
идея. Көреген хандарымыз бен дана билеріміз, кешегі өткен Алаш арыстары қазақ
елін қайырымды қоғамға, Жерұйыққа, Мәңгілік елге айналдыруды арман еткен,сол
үшін күрескен,қан төккен,еңбек еткен.
Тәуелсіздік –ол ұлттық мемлекеттік, оның тамыры – жасампаздық рух,
ұраны – ел мен халық. Олай болса, өміршендік пен кемелділік аясында өмір сүріп,
бейбітшілік, татулық туын биікке көтерген Қазақстан халықтары жаңа әлемнің
жаңалықтарына, жақсылықтарына ұмтыла бермек.
Пайдаланылған
әдебиеттер:
1. Егемен
Қазақстан 2001 жыл 8 желтоқсан.
2. Дала мен
қала 2009 жыл 14 желтоқсан.
3. Бас
редактор: Ерлан Сыдықов. «MANGI EL» халықаралық ғылыми-көпшілік тарихи журналы,
— Алматы, «Pride Print», баспасы, 09.2013. — 108 бет.
4. 4.Тоғысбаев
Б., Сужикова А. Тарихи тұлғалар. — Алматы, «Алматы кітап» баспасы, 2005. — 368
бет.
Оставьте свой комментарий
Авторизуйтесь, чтобы задавать вопросы.