Ұлы отан соғысының батырлары: В.В.Бунтовских пен П.П.Журбаның рухына арналған презентация

• 1 слайд

  Ұлы отан соғысының батырлары
  В.В.Бунтовских ПЕН П.П.Журбаның
  рухынА арналады
  Орындаған: Өскемен қаласы әкімдігінің «№45 бейімделген орта мектебі» КММ математика пәнінің мұғалімі
  Еделқызы Мадина
  

• 2 слайд

  Өткен жылдар өшпес ізін қалдырған. Қаншама уақыт, қаншама ғасыр өтсе де қарапайым халықтың басынан өткен атаулы оқиғалар тарих бетінде алтын әріптермен жазылып қала бермек. Соның бірі, қазақ елі баз кешіп, соғыс өрті шарпыған отты жылдар еді. Сұм соғыстың зардабы халықтың басына түскен ауыр сын болды. Отанын фашист басқыншыларынан азат ету жолында қару көтерген ер азаматтардың барлығы майданға аттанса, ауылдағы бар шаруашылыққа қариялар, әйелдер мен жас балалар ие болып қала берді.
  «Көппен көрген ұлы той» демекші, солардың қатарында жерлестеріміз В.В.Бунтовских пен П.П.Журба да болды.
  

• 3 слайд

  Василий Васильевич Бунтовских
  1921 жылы Шығыс Қазақстан облысы Күршім ауданы Дарствен селосында дүниеге келді. Семей педагогикалық училищесінің түлегі. «Красный партизан» ауылында мектеп директоры қызметін атқарған.
  Әскер қатарына 1940 жылы барды. Борышын бірінші мәскеулік атқыштар дивизиясының 2-инженерлік батальонында атқарады. Майдан шебіне соғыстың бірінші күнінен-ақ араласады. Саперлік взводтың командирі ретінде Батыс, Воронеж және үшінші және төртінші Украин майдандарында соғысады.
  
  

• 4 слайд

• 5 слайд

• 6 слайд

• 7 слайд

  ...1943 жылдың күзі. Қызыл әскердің қысымынан гитлершілер Днепрден кері өтуге мәжбүр болады. Украинаның ұлы өзені үшін ұрыс басталады.
  28 қыркүйекте лейтенант Бунтовских басқаруындағы саперлік взвод, қарсыластардың қардай бораған артиллерия оғының астында жүріп, қолда бар құралдармен Моворье деревнясының тұсынан Днепрден жол ашады. Бесінші қазанға дейін өткел мүлтіксіз қызмет көрсетіп тұрады, одан жаяу әскер де, артиллерия да өтеді. Жау минометтері паромды төрт рет істен шығарады, алайда Бунтовскийдің взводы жедел әрекет жасап, ақауларды дереу жөндеп отырады. Үздіксіз жауған оқтың кесірінен сапершілер орасан шығынға ұшырайды. Жау тыным таппады. Ешнәрсеге қарамастан өткелді жоюға ұмтылды.
  

• 8 слайд

  Екінші қазан күні минаның жарықшағы паромдық өткелдің жез сымын үзеді. Жағдай күрт нашарлайды. Тірі қалған саперлер аяқтарында әрең тұрды, Днепр суы жарылған бомба мина, снарядтардан дірілдейді. Осыған қарамастан лейтенант Бунтовских өз өміріне қауіп төндіре суға секіреді. Бір сағат көлемінде мұздай судың ішінде тұрып үзілген тросты жалғайды. Жауынгерлер мен қару-жарақтың тасымалдануы қайта жасалады.
  
  
  
  

• 9 слайд

  1944 жылдың 10 қаңтарында В.В.Бунтовских Кеңес Одағының Батыры атағына ие болады.
  Ингулец және Оңтүстік Буг, Днепр және Прут, Тисса және Дунай – Батыс-сапердің ары қарай жүрген жолы. 1944 жылдың қараша айында алғашқылардың бірі болып Дунай өзенінен өтеді де, шеберлікпен өткелді ретке келтіреді. 26 желтоқсанда Будапешт қоршауға алынды, ал 1945 жылдың 15 ақпанында қала ішіндегі қанды қақтығыстан кейін азат етіледі. Өткел қасындағы соғыста Василий Бунтовских қаһармандықпен қаза табады.
  
  

• 10 слайд

• 11 слайд

  Бунтовских Василий Васильевич,
  1921 жылы Дарствен ауылында
  шаруа отбасында дүниеге келген.
  Қазіргі таңда Дарствен ауылы
  Барақ батыр ауылы деп аталады.
  Жыл сайын мектеп оқушылары
  В.В.Бунтовских ескерткішіне
  гүл шоқтарын қойып, еске алып
  дәріптеп отырады.
  Күршім және Дарствен ауылдарының
  көптеген көшелері мен мектептері
  Совет Одағының батыры
  Бунтовскихтің есімімен аталады.
  
  

• 12 слайд

  Мектеп оқушыларының ескерткішке гүл шоқтарын қою сәттерінен
  

• 13 слайд

• 14 слайд

  Павел Павлович Журба
  
  1916 жылы Шығыс Қазақстан облысы Күршім ауданы Дарствен селосында туған. Еңбек жолы ерте басталады. «Манко» руднигінің «Золотопродснаб» дайындаушысы, одан кейін Алқабек кеніндегі «Алтайзолото» тресінде кен қазушы болып жұмыс істейді. 1937-39 жылдары Қиыр Шығыста әскери борышын өтейді. 1938 жылы Хасан көлі маңындағы ұрысқа қатысады.
  Ұлы Отан соғысының алғашқы күндерінен-ақ соғыста болып,
  38-атқыштар дивизиясының 132 дербес саперлік батальонының бөлімшесін басқарады.
  
  

• 15 слайд

  Қызыл әскер Павел Журбаның әскери тапсырманы мүлт жіберген кездері болмайды. Барлаудан оралғанда әрдайым құнды деректер әкеліп отырады. Жау тылында ондаған гитлерші солдаттар мен офицерлерді жер жастандырып, оннан астамын қолға түсіреді. 1943 жылдың 12 қазанында басшылық жау жасырып отырған танкілерді табу жөнінде тапсырма береді. Оларды әуе арқылы қарастырып, барлаушылар іздестіргенімен үстіне түсудің реті келмейді.
  Барлаушы Павел танкілердің ізін ұзақ кеседі. Танкілер жасырылған тұсы анықталды. Машина қасында күзет болмай шығады. Осыған қарағанда жау танкілерді жақсылап жасырғандарына сенімді болса керек. Бұл техникаларды миналау қажет еді. Бірақ барлығына жетер жарақты алып келу барлаушыға мүмкін емес-ті. Керек минаны солдат немістердің өз қоймасынан алады.
  Бірнеше сағаттан соң әр танкінің тұғырына мина тығылды, тапқыр солдат өз әскеріне қарай жылжиды. Есебі айқын, бірінші атылған оқтан-ақ жау техникасының күлі көкке ұшады.
  
  

• 16 слайд

  Кенет барлаушыға «Жау егер миналарды ертерек тауып алса?» - деген ой сарт ете түседі. Кідіруге болмайды, шуды қазір көтеріп, неміс фашистеріне оқ атқызу керек. Журба гранаталарын лақтыра бастайды. Жау дабыл қағады. Күшті жарылыстар естіледі. Кеңес бөлімшелерін біраз уақыт бөгеп тұрған танкілер жойылады.
  П.П.Журба Днепр өзенін жаудан босатуда көзге түседі. Бұл жөнінде 132-дербес саперлік батольонның аға лейтенанты, командир Борисюк дивизия штаба жолдаған мәлімдемесінде:
  «38-атқыштар дивизиясының бөлімдері мен бөлімшелерін өткелден өткізу кезінде Журба тәуекелділік пен батырлық танытты. Қарсыластың оғының астында жүріп, өлімнен қорықпай паромның ақауын жөндеп құнды жүктерді құтқарып қалуда басқа жауынгерлерге үлгі бола білді. Жолдас Павел Журба Днепр өзенінің оң жақ жағалауына 1440 қару-жарақты жауынгерді, 15-танкіге қарсы қондырғы, 6 тонна азық-түлік және 26 жылқыны өткізуге ат салысты.
  Журбаның ерлік іс-әрекеттері мемлекеттің ең жоғары наградасы –Кеңес Одағының Батыры атағына, Алтын жұлдызына лайықты».
  

• 17 слайд

  1944 жылы 10 қаңтарда П.П.Журба Кеңес Одағының Батыры атағына ие болды.
  1944 жылы Павел Павловиич Журба ауыр жарақат алады. Жарасы жазылған соң Шығыс Қазақстанға қайтады. Өскемен қаласында облыстың Осоавиахим Кеңесінде инструктор, «Бурабай» кенішінің «Нарымолово» кен басқармасының «Тесік Ая» мекемесінің бастығы, қоғамдық тәртіп сақшылар органының қызметкері болып еңбек етеді.
  

• 18 слайд

  Жауыздар жасағанда қастандығын,
  Бейбіт елге бір зұлмат басталды күн.
  Сұм фашистің тарихтан білеміз ғой,
  Қырық бірде соғысты ашқандығын.
  Және біздер білеміз қырық бесте
  Бас сауғалап олардың қашқандығын.
  Жаулап алам деп келіп,
  Бабамыздың
  Жеңе алмаған рухының асқарлығын.
  Отан үшін от кешкен батырлардың,
  Ерліктері өшпейтін дастан бүгін.
  Даңқтарын олардың тілеймін мен,
  Ғасырлардан ғасырға асқандығын.
  
  

• 19 слайд

  9 мамыр-бұл мереке ғана емес, бұл ауыр еңбек, бұл халықтың батырлығы. Иә, расымен де ақ көңілді, абзал жанды қарияларымыз ертеңгі ұрпақтарымен болашақтарын ойлап ұшы-қиыры жоқ шексіз, байтақ даламызды жаудан қорғап қалды. Елімізге жеңіс сыйлады! Осы бір тарихи кезеңді есте сақтап, аманат еткен жерді қорғап, дамыту, гүлдендіру бұл әрине бүгінгі ұрпақ - біздің қасиетті парызымыз. Бас ие отырып, Сіздерге шын жүректен тағзым етеміз. Абзалжанды ардагерлер!
  Отан үшін отқа түскен ардагер ағаларымыздың жауынгер ерлігі, тылдағы азаматтардың қажырлы еңбегі ешқашан ұмытылмайды. Бүгінде біздің азаматтық міндетіміз–болашақ ұрпақты Отанын сүюге, елінің, жерінің адал патриоттары, достық пен бірліктің қорғаушылары ретінде, шынайы отансүйгіштікке тәрбиелеу.
  Лайым, Алла елімізге тыныштық, Тәуелсіздігімізге ұзақ ғұмыр бергей!!!
  
  

• 20 слайд

  Назарларыңызға рахмет!
  
  

Краткое описание документа:

Бұл слайд Ұлы отан соғысының батырлары: В.В.Бунтовских пен П.П.Журбаның рухына арналады.

Мақсаты: Күршім ауданы батырларының асқан ерліктерін дәріптеу, өскелең ұрпаққа үлгі-өнеге етіп көрсету, мақтаныш сезімдерін ояту.
"...Өткен жылдар өшпес ізін қалдырған. Қаншама уақыт, қаншама ғасыр өтсе де қарапайым халықтың басынан өткен атаулы оқиғалар тарих бетінде алтын әріптермен жазылып қала бермек. Соның бірі, қазақ елі баз кешіп, соғыс өрті шарпыған отты жылдар еді. Сұм соғыстың зардабы халықтың басына түскен ауыр сын болды. Отанын фашист басқыншыларынан азат ету жолында қару көтерген ер азаматтардың барлығы майданға аттанса, ауылдағы бар шаруашылыққа қариялар, әйелдер мен жас балалар ие болып қала берді..."