«Құлын мінген бала» АШЫҚ САБАҚ 1 сынып

Песчан №1 жалпы орта білім беру мектебі

«Құлын мінген бала»

АШЫҚ САБАҚ

1 «А» сынып

Бастауыш сынып мұғалімі

Жекеева Н.Ә.

2015-2016 о.ж.

Тақырыбы: Құлын мінген бала.                      29.04.2016ж.

Сабақтың мақсаты:

 1. Қазақтың батыр да тапқыр, қолбастаған аталарымыз Б.Момышұлы туралы мәлімет беру.Мәтін мазмұнын   түсініп,ондағы ойды анықтау.

 2. Тақырыптың мазмұнын ұғындыра  отырып, жаттығулар, топтамалар арқылы есте сақтау қабілетін, өздік жұмыс істеу дағдысын,топпен жұмыс істеу дағдысын дамыту.

 3.Оқушыларды отансүйгіштікке,туған жерін мақтан етуге, ерлікті паш етуге тәрбиелеу.

Сабақтың түрі: аралас сабақ

Сабақта пайдаланатын көрнекті-құралдар:

күн  шұғыласы,слайд Б.Момышұлы суреті, өмірбаяны.

Пайдаланатын әдіс-тәсілдер: сұрақ-жауап, әңгімелеу,топтық жұмыс, өзіндік бағалау
.

Сабақтың өту барысы

Сабақ кезеңдері	Мұғалімнің  әрекеті	Оқушының әрекеті
Мотивациялық қозғаушы 2  мин.	Оқушылармен амандасу,түгендеу,сабаққа қатысуын қадағалау. «Шаттық шеңбері» Шеңбер құрып,мұғалімге ілесіп,өз тілектерін жеткізу. «Болады-болмайды» ойынын өткізіп сабағымыздың ережесін шығарамыз. Амандасуға-болады Кітап оқуға  –болады Таза жазуға-болады Маман болуға-болады Жаман болуға-болмайды Парта сызуға-болмайды Сыныпта жүгіруге-болмайды -Ендеше бұл ережелеріміз бойынша сабағымызды бастаймыз	Шаттық шеңберінде тұрған оқушылар жылдам жауап беру керек.
Ұйымдастыру 1 мин	-Балалар бүгінгі  біздің сабағымыз ерекше өтпек,сендер топ болып жұмыс істейсіңдер.Біз сіздермен «Білім» еліне саяхат сабағымызды бастаймыз	Мақсатын ашу -жауап береміз - оқимыз
Топқа бөлу 2  мин.	Топтың атаулары көктем гүлдерінің  аттарымен аталған.-Қазір жылдың қай мезгілі? -Ендеше көктемде ең алғаш шығатын гүлдерді атаңдаршы? -Гүлдер астында қандай сөз жасырынған екен? - Көктем	Оқушылар жауап беріп, таңдаған гүлдерімен топқа бөлінеді -Көктем  - «Ой шақыру» Ассоцация құру
Өткенді қайталау Аялдамалар 15 мин.	-«Дыбыстар» аялдамасының тапсырмасын «кубизм» әдісімен  орындаймыз; -«Сауаттылық» аялдамасы -«Көңілашар» аялдамасы -«Ой қозғау» аялдамасы -«Ойлан,тап!» аялдамасы	Барлық жағындағы берілген сұрақтарға жауап беру -Оқулықпен жұмыс -Дәптермен жұмыс
Сергіту сәті «Көңілашар» аялдамасы 3  мин.	-«Көңілді күн» қимыл қозғалысы Слайд№1 -«Ұйқасын тап» Аппақ доп тауып Шақырды ақ....тауық. Алмастан тыным, Шабады....құлын. Өзінше ноян Қорқақ ...қоян.	Қимылды би қозғалыстарын жасайды. -Жауабын шешеді.
Жаңа сабақ «Ой қозғау» аялдамасы 15 минт	Бауыржан Момышұлы өмірімен таныстыру . Слайд№2 - Дәптерімізді жауып партаның шетіне қояйық. Бүгін біз сендермен аты аңызға айналған батыр атамыз Бауыржан Момышұлының балалық шағымен таныса отырып, ол кісінің армандаған арманына қалай жеткеніне, өмір жолын оқып білеміз. Мұғалімнің кіріспе әңгімесі. Момышұлы Бауыржан (1910-1982) – екінші дүниежүзілік  соғыстың  даңқты жауынгері, халық қаһарманы, қазақтың көрнекті жазушысы. Туған жері-Жамбыл облысының Жуалы ауданындағы Көлбастау мекені. Бауыржан жеті жылдық мектепті бітіргеннен кейін біраз уақыт мұғалім болған. Сонда жүргенде кезекті әскери міндетін өтеуге шақырылып, онда бір жарым жыл жүріп, запастағы командир атағын алады. Туған ауылына қайтып оралған соң, ол біраз жыл қаржы мекемесінде қызмет істейді. Содан қайтадан Қызыл Армия қатарына шақырылып, түрлі әскери бөлімдерде взвод, рота, командирі болады. Біз сендермен Әзілхан Нұршайықовтың «Құлын мінген бала»әңгімесімен танысамыз. -Оқып шығу	Оқушылар мәтінді мұқият тыңдайды. -Әр бөлімге тоқталып ат қою -Сұраққа жауап беру -1-топ   «Түртіп алу» ұнаған сөзден графикалық мысал келтіру. 2-топ   Бауыржан батырға  «Ой қозғау»
Сабақты қортындылау «Ойлан,тап!» аялдамасы 3 мин.	-Сабақ ұнады ма? -«Иә-жоқ» ойыны	Тиісті жауап беру
Үй тапсырмасы 2 мин.	Мәтінді оқу, «Батыр ата» эссе жазу
Бағалау 2 мин.	Смайликтер, өзін бағалау	Өзін бағалау