Логика.Логика түрлері.Пікірлер алгешебрасы 8 сынып

Сабақтың тақырыбы: Логика дегеніміз не. Логика түрлері. Пікірлер алгшебрасы.
Сабақтың мақсаты: Білімділік: Логикалық пікірлердің түрлерін түсіндіру және ол жайындағы түсініктерді үйрету.
Дамытушылық:Оқушылардың логикалық пікірлер жайындағы ой-өрістерін дамыту және жылдам есептеуге үйрету
Тәрбиелік:Оқушыларды пәнге қызықтыру, ұқыптылыққа әдептілікке тәрбиелеу
Сабақтың көрнекілігі:ОТК/оқытудың техникалық құралдары/ Компьютер PentiumIY,
Принтер,сканер,модем,Әдебиеттер:Мектеп оқулықтары,
О.Камардинов «Информатика»,О.Сейтқұлов «Информатика
Балапанов.Бөрібаев «30 сабақ», ИФМ, Алгоритм,
Информатика негіздері,Репетитор,карточкалар.

Сабақтың барысы

р/қ Сабақтың негізгі бөліктері уақыт Мұғалімнің іс – әрекеті Әдістер және формаларды пайдалану

1 Ұйымдастыру кезеңі мин Оқушылардың назарын сабаққа аудару,сыныптың сабаққа дайындығын тексеру Оқушылырдың назарын сабаққа аударып,сыныптың сабаққа дайын-дығын тексеру. Тақтаның тазалығы мен оқушылардың оқу құралдарын түгендеу
2 Өткен сабақты қайталап

Оқушының танымдық қабілетін ояту мин Өткен сабақты сұрау,жалпы сұрақтарға жауап беру,жеке карточка
1) Екілік сандарды қосу барысындағы сүйенетін ережені ата?
2) Екілік сандармен қандай амалдар орындай аламыз?
3) Сегіздік санау жүйесінің сандарын ата?
4) Он алтылық санау жүйесінде қандай сандар бар?
5) Екілік сандарды қалай бөлеміз?

3. Жаңа сабақты баяндау:

ЭЕМ қатысуымен шешілетін есептердің арасында дәстүр бойынша логикалық деп аталатын мұндай есептер аз емес.

Логикалық дегеніміз –адамның ойлау нысандары мен заңдары туралы, нақты айтқанда , дәлелді пікір заңдары туралы ғылым.

Ғылыми пән ретінде логиканың бірнеше нұсқалары дараланады: формалды логика, математикалық, логика, ықтималды логика, диалектикалық логика және т.б.

Әр түрлі кестелерді жасау, қарама-қайшы түйіндерді шешу және басқа да көптеген жағдайларда адамдар логиканың көмегіне жүгінеді.

Формалды логика сөйлеу тілімен білдіретін біздің кәдімгі мазмұнды пікірімізге талдау жасаумен байланысты.

Математикалық логика формалды логиканың бір бөлігі болып табылады және ол кесіп – пішіп, айқындалған объектілермен пікірлердің ақиқаттығын немесе жалғандығын бір жақты шешуге болатын дәйектемелерді ғана үйретеді.

Математикалық логика саласы,алгебралық қисын секілді, информатикада да жақсы меңгеріледі. Қазіргі уақытта алгебралық қисынның негізгі операцияларына қосылмаған бір де бір программалау тілі жоқ.

Есеп. Өзеннің жағасында қайығы бар шаруа, ал оның жанында қасқыр, ешкі және қырыққабат тұр. Шаруа өзі екінші жағалауға жүзіп өтуі және қасқырды,ешкіні, қырыққабатты сонда алып баруы қажет. Алайда қайыққа шаруадан басқа, не тек қасқыр, не тек қана ешкі, не тек қана қырыққабат сияды. Мұндай жағдайда шаруа не істеуі керек?

Талқылап көрейік:
1.Егер қасқырды алып кетсе, онда ешкі қырыққабатты жеп қояды.
2.Егер қырыққабатты алып кетсе, онда қасқыр ешкіні жеп қояды.
3.Ендеше ең алдымен ешкіні алып өту керек, өйткені қасқыр қырыққабатты жемейді, ал содан кейін қайтып келіп…
4.Өз бетіңізбен логикалық талқылауды ақырына дейін жеткізіңіз.

Компьютерде бұл есепті шешу кезінде программада шартты қолдану жолымен логикалық операциялар пайдалануы қажет.

Пікірлер дегеніміз – жалған немесе ақиқат болатын кейбір пайымдаулар.

Мысалы, «ақ қар» , «2*2=4» пікірлері ақиқат, ал «жер тегіс» , «2*2=5» пікірлері жалған. Әдетте, біз бақылайтын фактілер ақиқатқа қабылданады. Жалған пайымдаулар көбіне жиі талқлаулардағы немесе сөйлемдердегі қателерден немесе қалауды шындықтың орнына беруге ұмтылудан пайда болады.

Пікірлер жалпы және жеке болып бөлінеді. Қиын жағдайларда сұрақтардың жауабы және немесе емес жалғаулары арқылы құрамды пікірлермен көрсеттілерді. Мысалы, «Мына оқушы ақылды және зерек» пікірі екі қарапайым: «Мына оқушы ақлыды» және «Мына оқушы зерек» пікірлерне тұратын пікір болып табылады.

4. Сабақты қорытындылау: ЭЕМ қатысуымен шешілетін есептердің арасында дәстүр бойынша логикалық деп аталатын мұндай есептер аз емес екен. Бекіту сұрақтарымен сабақты қорытындылайық.

1) Логика дегеніміз не? Қандай түрлерін білесін?
2) Пікір дегеніміз не?

5.Үйге тапсырма: тақырыпты оқып, түсінік айту 1,2-есеп, 24-27бет.

Краткое описание документа:

Бұл сабақ оқушылардың ойлау қабілеттерін , есте сақтау қабілеттерін,сабаққа деген қызығушылықтарын артырады сонымен қатар шығармашылыққа,ізденімпаздыққа жетелейді.Бұл сабақ жоспары жаңадан ұстаздық жолын бастаған жас мамандарға көмекші құрал ретінде қолдануға болады. Тапсырмалар мектеп бағдарламасына сәйкес құрастырылған .Оқушыларды шығармашылыққа жетелейді.сабақ жоспарындағы тапсырмалар оқушылардың жас ерекшеліктеріне сай,сонымен қатар өз білімдерін нығайтады деп ойлаймын.Оқушыларға арналған сұрақтар мен логикалық тапсырмалар үлестірілген жәнеде үй тапсырмалары оқулыққа сәйке құрастырылған.