«Мәктәпкәчә яшьтәге балаларны ял итү эшчәнлеге аша милли гореф – гадәтләрдә тәрбияләү»

Муниципальное бюджетное  дошкольное образовательное учреждение

«Детский сад комбинированного вида №5»  г.Лениногорска Муниципального образования «Лениногорский муниципальный район» Республики Татарстан

Тема:

Милли фольклор аша балаларның сөйләм телен үстерү

Бөек татар халкын,

Бай тарихын,

Гасырлардан килгән мирасын,

Калдырасы иде яшь буынга,

Һәрбер кеше барлап соклансын!

Гореф-гадәтләрне, җыр-биюне,

Сабан туен, Җыен, Нәүрүзен

Белсен иде җирдә һәрбер бала

Әнисеннән алган үз телен!

Эльмира Зарипова

 Автор: Низамова Тәнзилә Халиковна, 1 нче категорияле тәрбияче

Мин. Тәнзилә Халиковна

Низамова булам.

5 нче бакчадан сезгә

Зур, кайнар сәлам.

Шушы бакчада эшлим

Белгечем- тәрбияче.

Эшебезнең барышын

Сезгә дә күрсәтимче.

Балаларны тәрбияләү

Әти-әни, тәрбияченең эше.

Милли рухта үсә- үсә

Булыр алар чын кеше.

Гореф – гадәтләрне белү

Һәрберсенең бурычы.

Менә шулай атала

Чыгышымның темасы.

Бәйрәмнәр күңелле үтә

Төрле телдә булганга.

Балалар теләп катнаша

Шуңа күңел куана.

Куаныша - шатланыша

Бәйрәмнәрне көтәбез.

Шуннан матур күренешләр

Сезгә  тәкъдим итәбез.

Көзнең матур көннәрендә

 “Сөмбелә”  үткәрәбез.

Бу бәйрәмнең  мәгънәсен

Шулай төшендерәбез.

Туган тел бәйрәмен һәркем

Үзенчә көтеп ала.

Һәркем үз  туган телендә

Шигырь, җыр җырлый ала.

Төрле милләт уеннарын

 Без яратып уйныйбыз.

Алар турында сөйләшеп

Халыкларны зурлыйбыз.

Нәүрүз, карга боткалары

Үткәрелә бик зурлап.

Тукай, Җәлил, Алишларны

Искә алабыз хуплап.

Әкиятләр буенча да

Без сәяхәт итәбез.

Яхшылыкны начардан

Тоярга өйрәтәбез.

Милли кием күргәзмәсе

Һәркемне җәлеп итә.

Матурлыкны бизәк аша

Балалар кабул итә.

 Милли ашлар тәкъдим итү

Бездә бик кызык үтә.

Мондый чараларда безгә

Әти- әниләр ярдәм итә.

 Аулак өйләр дә уза

Җырлап, уйнап һәм биеп.

Әби- бабайлардан килгән

Матур гадәтләр белеп.

Шушы милли мохиттә

Тәрбияләнә бала.

Дуслык, бердәмлек турында

Бик күп  мәгълүмат ала.

Аулак өйдән бер өзекне

Сезгә дә тәкдим итәм.

Шуның белән чыгышымны

 Мин инде  тәмам итәм.

Краткое описание документа:

Мәктәпкәчә яшьтәге балаларга бәйрәмнәр әби- бабаларыбыздан калган йолаларны белеп үсүләрен, гадәтләрне саклап калу масатында уздырыла.