Мақала: Елбасының жолдауы – кемел келешек кепілі.

Елбасының жолдауы – кемел келешек кепілі.

Елбасымыз Нұрсұлтан Әбішұлы Назарбаев Қазақстан халқына арналған дәстүрлі Жолдауын жариялады. Жалпы тәуелсіздігіне жиырма бес жыл уақыт болған ел егемендігінің тарихына үңілсек, мемлекетіміздің алуан бағыттағы тыныс - тіршілігінің дамуына бірден - бір ықпал еткен фактор - бұл Елбасымыздың халыққа арнаған Жолдауы екендігіне көз жеткізер едік.
Қазақстан жаңа жаһандық нақты ахуалда:өсу,реформалар, даму.

Ал ең бастысы - еліміздің рухын көтеретін, ұлы мақсаттарға жеткізетін «Мәңгілік ел» ұлттық идеясы жарияланды. «Мәңгілік ел» идеясы - елімізді өз мақсатына талай дәуір сынынан сүріндірмей жеткізетін тұғырлы идея. Осының барлығы дамыған 30 елдің қатарына кіруімізге жаңа серпін беретіні сөзсіз.
Елбасы Жолдауында білім саласы қызметкерлерінің алдына үлкен міндеттер қойды. «Ұлттық білім берудің барлық буынының сапасын жақсартуда бізді ауқымды жұмыс күтіп тұр. 2020 жылға қарай Қазақстандағы 3 - 6 жас аралығындағы балаларды мектепке дейінгі біліммен 100 пайыз қамту жоспарлануда. Сондықтан оларға заманауи бағдарламалар мен оқыту әдістемелерін, білікті мамандар ұсыну маңызды. Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс», деп атап көрсетті.
Осыған орай, үлкен жауапкершілік жүктеліп отырған мұғалімдерге жаңашылдықпен жұмыс жасауға тура келеді. Ең алдымен барлық пән бойынша білім сапасын арттыру керек.

 Мектептің жүрегі - мұғалім, білікті ұстаз. Сондықтан казіргі таңда  ең маңызды мәселелердің  бірі – педагог мәртебесін көтеру. Осы бағытта мұғалімдердің біліктілігін арттыру мақсатында  2012 жылдан бастап  «Назарбаев Зияткерлік мектептері» ДББҰ Педагогикалық шеберлік орталығы мен «Өрлеу» ұлттық біліктілікті арттыру орталығы әлемдік тәжірибе негізінде өзгерістерді жүзеге асыруда. Әрине  әлемдегі үздік практиканы меңгерген «жаңашыл мұғалім»   мектеп жүйесіне жаңаша леп әкеледі, білім беру қызметінің сапасын жаңа деңгейге жеткізеді деп  үкімет бізге үлкен сенім артып отыр.

Қайсыбір жылдары Назарбаев оқулары болады деген әңгіме естіген күннен «барсам» деген бір ауыз сөз санамда жатталып қалса керек,сол қызығушылығым мен тәжірибемді жетілдірсем деген мақсатым  ұштасып, «сабақты ине сәтімен» демекші  Кембридж оқыту бағдарламасы бойынша жүргізіліп жатқан 3-деңгейлік курсқа келдім.Қазіргі таңда оқу барысында азды-көпті тәжірибемен өз қоржынымды толтырудамын.

Мен  алғашқылардың бірі болып, қоржыныма жинап жатқан жаңалықтарымды алдағы уақытта өз  тәжірибемде іске асыратыныма  шексіз қуаныштымын. Мектебімде  бар жаңалықты әріптестеріммен  бөлісіп, шәкірттеріме  бойымдағы бар күшіммен қызықтыра жеткізуге асығудамын. Қазекем «Жас келсе іске» деп бекер айтпаса керек-ті.Сол себепті де мектебімнің ұжымымен бірлесе отырып,өз тәжірибесінде жетістікке жетуге  талпынатын,мектебіміздің жаңа ағымнан қалыспай сапалы білім беруіне де  мүмкіндік жасайтын,ол туралы ойлауға мүмкіндік тудыратын шығармашыл мұғалімдермен тығыз қарым-қатынас жасаймын.

Қазіргі таңда қарқынды өзгеріп жатқан  мектептер үшін  ең басты мәселе болып отырғаны : «ХХІ ғасырда нені оқыту керек?» Осы сұрақ төңірегінде мақсат қойып, жұмыстарын  жаңа бағытқа бағыштаған  Бостандық орта мектебінің мұғалімдері 2014 – 2015  оқу жылын  өздерінің  іс тәжірибелерін жаңаша  дамытуға бетбұрыс алды. Бостандық орта мектебінде  Кембридждік  бағдарламаның деңгейлік курстарын аяқтаған  бір бірінші деңгейлі, бір екінші деңгейлі және  төрт  үшінші деңгейлі мұғалімдер бар.  «Өзгерістердің әрқашанда орын алуына байланысты, оларды бақылау және өз тілегіне сәйкес бағыттау үшін, ол өзгерістер туралы білу керек. Шарттарымен және жағдайларымен ілесуге, олармен жай ғана келісе беруге болмайды, оларды пайдалану және бағыттау қажет» деп ағылшын ғалымы  Джон Дьюи айтқан.

Өзгерісті бастаған мектеп өз оқушыларына қазіргі заман талаптарына сай білім бере алады деп есептеймін.Мектеп өзгеру керек болса, сол өзгерісті бастайтын мұғалімдер де өзгеру керек. Біздің мектептің мұғалімдері заман талабына сай  жаңа әдіс – тәсілдерді  игеріп,  жаңа форматты мұғалімдер болуға  ынтасын білдіріп отыр. Мектебіміздің мұғалімдерінің аудан, облыс және республика  бойынша  жетістіктері мол.  Биылғы оқу жылында  тәжірибе алмасу  және ынтымақтастық  орнату мақсатында  көптеген  пәнаралық семинарлар ұйымдастырып,  коучингтер  жүргізіп,  жаңа форматты сабақтар көрсетіп  ауыл ,аудан мектептерінің  арасында желілікті дамытуда  үлкен үлес қосты. Бұл мектеп ұжымының мақтанышы. Осындай  жетістіктерге толы  мектебіміз бүгін де  белсене жұмыс , шәкірттердің  жан-жақты тәрбиеленуіне күш салуда.

Елбасына үлкен үмітпен, салиқалы сеніммен қарай отырып парасатты шешімдеріне алғысымызды айтамыз. Елбасы жолдауы ертеңгі күнге деген сенімімізді нығайта түседі. Отанымыздың кемел келешегіне деген жауапкершілікті Елбасымен бөлісе отырып, мақсаттарды жүзеге асыруда бар күш – жүгерімізді аямаймыз.

Байменова Гүлжан Тоқтамысқызы

Бостандық орта мектебі

Тарих пәні мұғалімі