Мақала: "Әліппемен қоштасу "

«Әліппе деген – алтын жол, апарар сені алысқа!»

Баймулдина Сания Салихадиновна

Науырзым ауданы, Қарамеңді селосы

Жамбыл бастауыш мектебі

Бүгін бізде үлкен мереке, зор қуаныш. Кішкентай бүлдіршіндер осыдан қыркүйек айында мектеп табалдырығын қуанышпен әрі жүрексіне аттап келгенде, алғаш қолдарына ұстаған оқулығы «Әліппе» болса, бүгінгі күн сол әліппені аяқтап, білім асуының алғашқы белесінен асып отыр. Әрине, бұл балалар үшін жетістік, жеңіс! Әліппе – бұл бүкіл ғылымның алғашқы есігі, білім шыңына бастайтын алғашқы соқпақ. Ана тілінің ғажайып әрі шынайы әлеміне бүлдіршіндерді дәл жетелейтін өз тілін оқып үйренуге оқи алсам деген ұмтылысқа шақыратын әліппе оқулығы.   “Әліппе” бітіру алдағы өмірге бастайтын көп белестердің бірі. Өз кезегімізде біз де сол белестің бірінен астық. Осы мерекеге Жамбыл бастауыш мектебінің 1 «А» сынып оқушылары мен ата – аналар қауымы белсене қатысты. Мереке барысында оқушылар келген ата – аналар мен қонақтарға өз білімдерін, өнерлерін көрсете білді. Соңында аудандық білім беру бөлімінің басшысы, әрі ата – ана Айсин Мейрамбек Өмірзақұлы мен мектебіміздің директоры Мирамова Жұмабике Жұмабекқызы бүлдіршіндерді құттықтап, сәт – сапар тілей отыра, әліппені сәтті аяқтағаны үшін құттықтау қағазын табыс етті. Ертеңгілік соңында оқушылар мен ата – аналар дән риза болып тарқасты. Мен өз кезегімді саналы, әрі тәрбиелі оқушыларым үшін және мерекеге барынша ат салысқаны үшін ата – аналарыма алғысымды білдіремін.