Мақала "Тәрбие - тал бесіктен"

Тәрбие -тал бесіктен.

“Адамға ең бірінші білім емес, тәрбие берілуі керек, тәрбиесіз берілген білім адамзаттың жауы, ол келешекте оның барлық өміріне апат әкеледі».

Әбу-Насыр Әл-Фараби.

«Адам ұрпағымен мың жасайды»-деп ғұламалар айтқандай,біздің болашағымыз-бақытты ұрпақтарымыз.

Ұлағатты ұрпақты ,оның отбасымен ынтымақты байланыста,жоспарлы жұмыс жасайтын-мектеп, ұстаз,яғни тәрбиеші.

Тәрбие- тал бесіктен. Ананың ақ сүтімен ,баланың бал тілі дамып,бойына асыл қасиет дариды.

Олай болса,әр ата- ана баласының білімді, тәрбиелі,өнерлі болғанын қалайтыны сөзсіз.

«Ел іші- өнер кеніші» дегендей,өнер мен білімді -жас ұрпақ өз бойына Абай атамыз айтқандай,жақсы ұстаз,ата-ана, жақсы құрбыдан алады.

Сол құрбы, ұстаз,яғни тәрбиеші -әрине мектепте, балабақшада.

Балдырғанның бал тілін, тәтті күлкісін,тыныш ұйқысын бақылап,бала жанын қуанышқа бөлейтін, тылсым дүниенің сырына қанық ететін де- осы тәрбиеші апайлар.

Жан дүниесі жаңалыққа ,санасы мен ойы даналыққа толған балдырғанды ұлғатты ұстаз,үлгілі тәрбиешілер тәрбиелейді.

Олай дейтінім,өз баламның қуанышы,жүзіндегі жылы күлкісі,өнер мен білімге деген құштарлығынан - жүйелі жұмыстың жемісті нәтижесін көремін.

«Еңбек –ер атандырар» десек, еңбегімен елге танылған бұл мектеп ұжымын басқаларға үлгі етпекпін.

«Жақсының жақсылығын айт,нұры тасысын»дейді. Ендеше, бала жанына шуақ сепкен еңбек ұжымына деген алғысымды неге білдірмеске - деген оймен ,өз ризашылығымды жеткізіп отырмын.

Ахметсадыкова .М.