"Мағынасы әртүрлі сөздер" 3 класс

Пәннің аты	Уақыты: 9.01.2017	Кабинет:12	Мұғалім: Урингалиева Ү.Т.
Сабақтың атауы	Мағынасы әртүрлі сөздер
Мақсаты Күтілетін нәтиже	Сабақтың мақсаты: Әр түрлі мағыналы сөздерді тереңірек ұғындыру. Білімділігі: Сөйлемдердің ішіндегі сөздердің мағынасын дұрыс анықтай білуге дағдыландыру. Тәрбиелілігі: Сауатты, көркем жазуға тәрбиелеу. Дамытушылығы: Сөзді өз орнында қолдана білу дағдыларын, сөздік қорларын дамыту.
Психологиялық ахуал	Ерте тұрып, күнде біз, Терезені  ашамыз. Сәлем дейміз күнге біз, Шаттық  әнге   саламыз. Шеңбер  құрып,  бір  біріне  сәттілік  тілейді.		Оқушылар шеңберде жиналып,мұғаліммен бірге бүгінгі сабаққа сәттілік тілейді.
Өткен тақырыпты қайталау. Үлестірмелі карточкалар тарату. Тест жұмысы.  10 сұрақ Сөздер ↓ Мәндес сөздер (Синоним) Әр түрлі мағыналы сөздер (Омоним) Қарама - қарсы мағыналы сөздер (Антоним) Ережесін қайталау. Мысал келтіру. Қызығушылықты ояту 32-жаттығу. Кестеге қарап, білезік сөзі туралы не айта аласың? Білезік- білекке тағылатын әшекейлі, сәндік бұйым. 33-жаттығу. Мәтінді түсініп оқы. «Сабақтың»  о бастағы мағынасы тіпті басқаша. Араб тіліндегі «сабақ» сөзі «таңертең» деген мағынаны білдіреді. Оның ауыспалы екінші мағынасы- «таңертең келу». Оқудың көбіне ертеңгілікте басталатынын ескерсек, «сабақ» сөзінің «таңертең оқуға келу» мағынасын беретіндігін байқаймыз. -          Сабақ сөзі қандай мағыналарда жұмсалатынын айтып түсіндір. -          сабақ – оқу -          гүлдіңғ ағаштың сабағы 34-жаттығу. Жұмбақтың шешуін тауып, көшіріп жаз. Мұртын сипап күн бойы, Бетін сусыз жуады, Тысырды аңдып түн бойы, Тышқанды көп қуады. (мысық) -          Мағынасы қарама-қарсы сөздердің астын сыз. 35-жаттығу. Өлеңдегі қарамен жазылған бұрыш сөзінің екі мағынада қолданылып тұрғанын дәлелде. Мен таба алмай бұрышты, Қарадым бар қуысты, Ішінен де тартпаның Іздеп-іздеп, таппадым. Таусылған соң шыдамым. Інімнен кеп сұрадым. Мен іздесем бұрышты. Көрсетті-ау ол бұрышты. (Ө. Ақыпбеков)
Сергіту сәті	Көңілді бейнебаян арқылы билеп, бойларын сергітіп алады.		Ой сергітеді,шаршағандары басылады
Ой толғаныс	36-жаттығу. Мәтінді түсініп оқы. Жүйрік ат     Атамыз қазақ «Ер қанаты-ат» деген. Әрине, бұл- ертеректе айтылған сөз, халқымыз төрт түлік малмен күн көрген. Малдың етін жеп, сүтін ішіп, терісін киім еткен. Жүннінен киіз, текемет басып, кілем, алаша тоқыған. Осы төрт түлік малдың ішінде жылқыны халқымыз ерекше бағалаған. Бүгінгідей машина жоқ кезде айшылық алыс  жерлерге ат мінген. Тұтқиылдан жау шапса, бір-бір атқа мініп, дұшпанына тойтарыс берген. -          Қарамен жазылған сөздер тобы қандай мағына береді? -          Топталып бірмағына беретін тағы қандай сөздер тобын білесің? -          Дұшпан сөзінің мәндес сөздрін тауып, неліктен мәндес екенін дәлелде.
Үйге тапсырма	37-жаттығу бет 113		Күнделіктеріне жазып беремін
Бағалау	Оқыту үшін бағалау және оқуды бағалау		Бағалау парақшасын толтырады.
Кері байланыс	БББ кестесін толтыру арқылы сабақты қорытындылау.		Кестені толтырады.