Макъале "Сынавлар акъкъында тюшюндже"

Тюшюндже

Эгер Аллах Тааля манъа бу сынавларны бермесе эди, мен толусынен бу омюрнинъ къадрине еталмаз эдим. Бельким, шимди мен бу сатырларны язмаз эдим. Яшап кечирген эр бир кунюмден озюме нетидже чыкъаралмаз эдим. Арекетлеримден файдалы сойларыны сечип аламаз эдим.

Тюшюнген шейлер акъкъында айтып, айтылгъан шейлер акъкъында тюшюнмез эдим. Севген инсанларыма самимий дуйгъуларымны бильдирип оламаз эдим.  Башкъалары айткъанда, мен динълемез эдим. Азджа юкълап, чокъча арзу эталмаз эдим. Ягъмур ягъгъанда дагъгъа чыкъып, кунешнинъ парлакъ нурларыны къаршылап оламаз эдим. Мен омрюмде расткельген адамларнынъ эр биринден недир огрендим.

Мен ичюн энъ буюк бахшыш — дикъкъат олгъаныны анъламаз эдим.

Къарт адамгъа ве яш балагъа ярынки янъы кунь келерми, ёкъмы — буны Аллахтан гъайры  кимсе билип оламаз.

Нефретнен толу дуйгъуларны кягъыткъа язып, сонъра исе якъсакъ, бельки, бу дешетли дуйгъулар башкъа къайтып кельмезлер? Я да бузлу сувгъа ачувланып кунешнинъ парлакъ нурларыны беклемек мумкюндир? Бельки де бизим тюшюнджелеримиз кимсенинъ акъылында къалмаз? Буны унутмамалымыз ве эр вакъыт ойлангъанымызны айтып, дуйгъанымызны япмакъ керекмиз...