Мұғалім туралы "Кеме басшысы" Мақаласы

Кеме басшысы

Ұстаз... Ұлы сөз! Адам болып келу, өмір сүру, дұрыс жүру. Бұның бәрі сөзбен айтқанға жеңіл. Бірақ шын іске келгенде қиын іс. Өмірдегі ең үлкен ұстаз ол - ана! Ана барлығын үйретеді, көрсетеді, дайындайды, шыңдайды, тәрбиелейді. Ал осыдан кейінгі шыңдайтын адам ол мектептегі «ұлы жолдың» адамы ұстаз болып саналады.  Ұстаздың жолы қиын әрі дара жол. Дара жолды салу үшін ұстазда еңбек етеді. Сол жолымен қияға шығар, шыңды бағындырар, өз «кірпішін қалар»  шәкірт тәрбиелейді. Сондықтан бұл жолды қалау, мінсіз  салу олда бір қиын іс.  

         Міне, өмір алма-кезек келіп өзімде осы жолды таңдап отырмын. Ұстаздарымды енді түсініп жатырмын..

         Ұстаз шәкіртті емес шәкірт ұстазды таңдайды деп жатады. Шынымен де солай. Мен өзіме ұстаз таңдадым. Ол ұстазым мені осы жолға даярлады. Әр айтқан сөзін, әр үйреткен нәрсесін үнемі есіме алып, дұрыс жасауға тырысамын. Бұл керемет ұстазымның есімі - Қасымова Әлия Жұмажанқызы. Ұстазыма деген алғысым шексіз. Бұл жолда қаншама қиындықтар кездесті. Сол қиындықтардан сүрінбей шығуыма ұстазым айтқан ақылдар, үйреткен жұмыстары көп көмек берді.

         Өмір теңіз, мектеп кеме. Оқушылар сол кемедегі теңіз әскерлері. Ал  кеме басшысы ол – ұстаз.  Теңіз толқындары өмірде кездесетін қиындықтар. Кейде мүлгіген тыныштық, кейде орасан зор толқындар немесе сұрапыл жаңбырлар кездеседі. Осы қиындықтарды жеңуді үйрету кеме басшысының міндеті. Кейде тіпті кеме басшысының өзі тығырыққа тіреледі. Сондай сәтте ұстаз шәкірттерін сынау арқылы шемін таба алады. Осылай жүре теңіз әскерлері теңіздің қыр-сырын меңгереді. Дұрыс шешім қабылдай білуді үйренеді. Әрі ұстаздарын үлгі етеді. Бұның бәрі жай ғана теңеу. Бірақ, осы айтылып отырғандардың бәрі де шындық! Өмірде де дәл осылай! Мектепте де дәл осындай! Мектепте де ұстаз шәкірттен үйренеді және үйретеді. Оқу ешқашан таусылмайды, таусылмауы да керек. Бұл істің аяғы болса өмірдің мәні де болмайды. Осының бәрін үйрететін, ұстаз болу, үйренетін шәкірт болуда бақыт. Бұл бақытты бағалай білу керек.

...Міне, біздің топта осы кемедегі әскерлер тәрізді болдық. Қазір бәрі де өз ұстаздарына алғыс айтады. Өмірде өз жолдарын тауып, өз кемелерін құрып, өмір атты теңізде дұрыс жолмен жүру бағытын үйренді. Менде солардың қатарындамын. Бұл мен үшін ең үлкен жеңіс болып саналады. Бұл жолда жүруіме тек бір адам сеп болған жоқ. Осы жолмен жаңылмай жүруіме, дұрыс мақсат қоя білуіме көп септігін тигізген ең бастысы ол анам және мектептегі,  колледждегі ұстаздарым. Сіздерге айтар алғысым шексіз!!!